МУЗИЧКИ ВЕСТИ

Ватикан објави своја листа на најдобри музички албуми

Официјалното гласило на Ватикан, весникот „Осерваторе Романо“ објави листа на најдобри поп и рок албуми на сите времиња, на која се најдоа и остварувањата на Мајкл Џексон, Битлси, Пинк Флојд, Оејзис и Ју-ту.

Освен ирската група Ју-ту, сите останати изведувачи на листата се Американци или Британци, а нема ниту еден Италијанец.

- Оваа листа е наш скромен водич за добра музика и тука е за да ве потсети дека постои и поинаква музика, наведува „Осерваторе Романо, повикувајќи ги Италијанците да ја слушаат понудената музика наместо „лесните ноти“ на италијанските фестивали, како што е светски познатиот „Сан Ремо“.

Прв на листата е албумот „Revolver“ на Битлси од 1966, а потоа следуваат „If I could Only Remember My Name“ на Дејвид Крозби, „The Dark Side of the Moon“ на Пинк Флојд, „Rumours“ на Флитвуд Мек и „The Nightfly“ на Доналд Фајген.

На шестото место е албумот на Мајкл Џекосн „Thriller“, седми е „Graceland“ на Пол Сајмон, осми е „Achtung Baby“ на Ју-ту, а на последните две места на топ 10 листата се „(What's the story) Morning Glory“ на Оејзис и „Supernatural“ на Карлос Сантана.

Боб Дилан ќе одржи концерт во Белград

Легендарниот американски кантавтор Боб Дилан во јуни ќе одржи концерт во белградската Арена.

Публиката во Белград после 19 години и концертот што го одржа на 11 јуни 1991 година на стадионот „Галеника“ во Земун, ќе има шанса повторно да го слушне Дилан чиј настап го организира продуцентската куќа „Авалон“, неофицијално дознава српскиот весник „Блиц“.

Роберт Ален Цимерман е роден во 1941 година во Минесота. Како тинејџер  Дилан најголемиот дел од времето го поминувал слушајќи радио станици кои пуштале блуз музика, кантри и рокенрол. Во средно училиште основал две групи, а во школскиот Алманах како своја животна амбиција напишал дека би сакал да му се приклучи на Литл Ричард.

Во 70-тите и 80-тите години Дилан експериментираше со музичките стилови што наиде на различни критика во јавноста. Тој на 7 јуни 1988 ја почна својата позната „Never ending“ турнеја која се уште трае, а до крајот на 2008 Дилан со својот бенд одржа повеќе од 2.100 концерти.

Во октомври минатата година тој го издаде албумот „Christmas in the heart“ на кој се наоѓаат традиционални божиќни песни, а целиот приход од продажбата оди во хуманитарни цели.

Во рамките на овогодишната турнеја која почнува на 12 март во Осака во Јапонија, освен во Белград Дилан ќе одржи уште еден концерт во земјите од регионот. Концертот во Скопје се уште не е извесен.

Се идентификувам со Надал

Популарната пејачка Шакира конечно проговори пред јавноста во врска со наводната врска со тенисерот Рафаел Надал.

RAMMSTEIN in Sofia-23 06 2010

http://www.rammstein.de/Tour.html?lang=de

http://www.rammsteinbg.com/viewtopic.php?t=593&sid=726d4b16f1517a2194a0277227048110

Легендарниот рокер Били Ајдол доаѓа во Македонија!!!

По Лени Кравитц во Македонија доаѓа уште едно големо рок име, Били Ајдол!

Човекот со неверојатен глас, огромна харизма и безброј хитови како: "White weeding, Flesh for fantasy, Sweet sixteen,Speed,LA Woman, Dancing with myself... ќе одржи концерт на 20 јуни на Скопско лизгалиште!

На оваа турнеја Ајдол ќе ги отсвири своите најголеми хитови во друштво со легендарниот гитарист Стев Стевенс.

Дека неговите концерти во живо се феноменални зборува и фактот што неговиот настап на Еxit 2006 е прогласен за најдобар настап на фестивалот на сите времиња!

По Скопскиот концерт, кој што е во организација на Авалон Продукција, Били ќе настапи во Белградска Арена, а ден потоа ке биде ѕвезда и на In music festival во Загреб.

Со ова Македонија дефинитивно го доби својот најголем рок спектакал за престојното лето.

Повеќе информации за концертот очекувајте наскоро.

ABBA влезе во Рокенрол хол на славните

Шведската поп група ABBA влезе во американскиот Рокенрол хол на славните заедно со легендарната група The Stooges  предводена од Iggy Pop, со пејачот Jimmy Cliff и британските бендови Genesis и The Hollies.

Познатата четворка на вчерашната церемонија на врачување на трофеите во Њујорк беше претставена од Бени Андерсон и Ани-Фрид Лингстат. Вториот тандем од групата, Бјорн Улвеус не присуствуваше поради семејни обврски, додека Агнета Фалтског се плаши од летање со авион.

Андерсон истакна дека бендот никогаш повеќе нема да настапува заедно. Групата дефинитивно се растури во 1982 година. По победата на Евровизија во 1974 година бендот сними низа хитови меѓу кои „Knowing Me, Knowing You“ и „Super Trouper“ .

Поп на провокативен начин ја поздрави публиката покажувајќи го средниот прст и соблекувајќи ја кошулата при што ја отпеа песната „I Want To Be Your Dog“.

За вклучување во Рокенрол хол на славните неопходно е да поминале најмалку 25 години од првиот сингл на кандидатот и кандидатите да оставиле трага во рокенрол историјата. Приближно 600 професионалци од музичката индустрија одлучуваат за кандидатите.

Spored neoficijalni izvori Filip Kapizoda pukal vo Ksenija Pajcin,a potoa izvrsil samoubistvo.Isto taka policijata pred 2 dena bila povikana zaradi nasilstvo vo nejziniot stan.