Свекрви

Таа може да биде драга, симпатична, понекогаш напорна но е најдобрата мама за човекот од вашите сништа. Ако во ова сценарио ја препознавате својата сакана свекрва тогаш сте едни од посреќните припаднички на женскиот пол. Преостанатите најчесто се среќаваат со посесивни и нападни карактери.

Вашата идеална свекрва секогаш се труди да изгледа модерно и да воспостави одличен однос со вас. Ви го честита роденденот, празниците и понекогаш ви купува подароци. Иако подароците по правило не треба да се коментираат сепак се знак на внимание а понекогаш можат навистина да ве замислат. Дали можеби вашата  свекрва сака да ви испрати некоја скриена порака?

Еве некои од најнепријатните подароци кои што може да ги добиете од вашата нова „мама“.

Секси долна облека

Првата претпоставка е дека сака да изгледа отворено и оригинално, да покаже дека е пријателски настроена. Сепак доколку почне да ви дава совети како да го заведете нејзиното ,,мало” синче веќе серозно се меша во вашиот приватен живот. Можеби сака да ви сугерира дека не сте доволно секси или пак дека е желна за внуци па според неа сега е вистинскиот момент.

Доколку не планирате да го носите подарокот и се ужаснувате при самата помисла на него, едноставно подарете го на некоја блиска пријателка. Никој нема да знае дека не сте го носеле.

Престилка и ракавици за готвење

Ако не го сакате готвењето, а добиете ваков подарок можеби станува збор за суптилен начин на укажување дека не знаете да готвите. Доколку на ова се придодадат и постојаните коментари за вашите јадења тогаш е сигурно дека подарокот не ви е даден со добра намера.

Сушална

Добро можеби ова не е најсоодветниот подарок но ајде да претпоставиме дека навистина немате сушална, а таа видела една на распродажба во најблискиот трговски центар. Практичен но чуден подарок.

Маица со принт на божиќна атмосфера или на велигденски зајаци

ОК ова навистина ги преминува границите. Уште да посака да ја носите за време на фамилијарните собири. Очигледно нејзината смисла за весело семејство е премногу нагласена. Ќе треба да смислите навистина добар изговор ако не сакате да бидете дел од маскираната претстава.

Роковник

Ако сте деловна жена подарокот е на место но доколку сте домаќинка која што деновите ги поминува во готвење и чување деца тогаш можеби сте заборавиле некој важен датум. Можеби нејзиниот роденден?

Шампон, детергент или друго средство за чистење

Свекрвата која што подарува вакви подароци најверојатно игра на сигурна карта и се плаши да не направи грешка во изборот на подарок. Сепак од друга страна сугерира дека не се потрудила многу односно нема многу фантазија.

Карти за балет или опера

Можеби вашата свекрва се држи на високо ниво па сака да ви сугерира дека и вие би требало да го следите нејзиниот пример. Но сите луѓе не сакаат опера. Комедијата или мјузиклот се подобар избор. Искористете го својот подарок па кој знае можеби ќе ви се допадне.

Машките деца по правило се повеќе наклонети кон мајката некаде до пубертетот за разлика од  женсите деца кои  квалитетен однос развиваат после пубертетот. Момчињата ќе ги послушаат мајките без приговарање, почувствителни се и приврзани, а кога ќе заврши пубертетот тоа се менува. Стотина пати мајката ќе мора да го замоли синот да го изнесе ѓубрето или да оди до продавница.

Но гледај чудо! Кога ќе се заљуби и „побесни„ за неа, не само на својата партнерка што се ќе и удоволи без приговор и жалење туку во таа заљубена фаза ќе ја изнесува на вечера, ќе и поклонува многу внимание и ќе ѝ праќа љубовни пораки.

Мајките во таквите ситуации често се наоѓаат погодени. Неа, која не му е ништо, ѝ ја симнува завесата, а на својата мајка ни колаче не може да и подади од масата. А зарем заборавил дека го носела 9 месеци, го раѓала 24 часа и го одгледувала, воспитувала и чувала 20 и нешто години..за сега, таа некоја да си „игра„ со него..И вака се раѓа љубомората.

Добро е  додека е во граница на нормала и додека не го загорчува  животот на девојката со навреди и лошо однесување.