МОЛИТВА

Господе,чувај ме мене и моите блиски
и дај ми сила да издржам се што неможам да променам

“Исто така и Духот и помага на нашата слабост, зашто ние не знаеме за што да се молиме, како што треба: но Самиот Дух посредува за нас со неискажливи воздишки. А Оној, Кој ги испитува срцата, знае какво е значењето на Духот, зашто по Божјата волја се моли за светите“. (Римјаните 8, 26.27)

Молитвата се наоѓа во средината на нашиот секојдневен христијански живот. Молитвата опфаќа најмалку три личности. Тоа е занимлив факт, бидеќи повеќето од нас сметаат дека молитвата е разговор помеѓу две личности (човек и Бог Таткото).

Текстот во Римјаните 8, 26.27 спомнува три мисли: (1) христијани кои во својата слабост не знаат за што да се молат, (2) Дух Свети којшто посредува за нас со неискажливи воздишки и (3) Бог Отецот (кој ги испитува срцата) кој ги слуша молитвите.

Би можеле да додадеме и четврта личност, додека размислуваме за службата на молитвата. Тоа е Христос “кој е од десната страна на Бога и Кој се застапува за нас“ (Римјаните 8,34). Кога се молиме Библијата ни кажува дека сме во допир со целото Тројство. Молитвата е возвишена и важна. Апостол Павле во Римјаните во 8 глава ни помага подобро да ја сфатиме и видиме улогата на Светиот Дух во молитвата. Апостолот дава три изјави за службата на Светиот Дух во молитвата. Прво, заради нашите слабости “Светиот Дух помага“(26 стих). Второ, Светиот Дух посредува за нас заради нашето незнаење за што да се молиме (26 стих). Трето посредувањето на Духот е во согласност со Божјата волја (27 стих).

26 стих кажува дека Светиот Духот посредува за нас со неискажливи воздишки. Тоа значи дека се моли за нас за оние тешки проблеми кои што со зборови не можат да се искажат. Кога нас ни недостигаат зборови за да ги искажеме своите најдлабоки потреби, кога нашиот говор не е ништо подобар од неразбирливи гласови, Светиот Дух успешно посредува за нас и ги пренесува нашите потреби искажани со нашите воздишки.

Во 27 стих гледаме дека Светиот Дух посредува за нас во согласност со Божјата волја. И Христос три пати се молел во Гетсиманската градина “но не како што сакам Јас, туку како Ти“. Ова е многу важно за молитвата на секој христијанин. Вистинскиот христијанин сепак сака остварување на Божјата волја.

Ние имаме голем Бог. Тој прави се за да им помогне на оние кои со вера го прифатиле и станале дел од Неговата голема фамилија. Тој ја смислил молитвата и ни го дал Светиот Дух да посредува за нас наспроти нашите слабости. Затоа ние имаме голема причина да се радуваме на нашиот небесен Татко, којшто нас не прифаќа со сите наши слабости.

Утринска молитва

Господи, дај ми мирно да го примам сè она што ќе ми го донесе овој ден и потполно да ѝ се предадам на Твојата света волја. Упатувај ме и помагај ми во секој час во текот на овој ден. Управувај со моите мисли и чувства во сите мои дела и зборови. Не дозволи да заборавам дека сè доаѓа од Тебе и по Твое допуштање. Научи ме праведно да се однесувам кон своите ближни; никого да не разгневам и ожалостам. Господи, дај ми сили да го поднесам уморот и напнатоста на денешниов ден и сè она што ќе се случи во текот на овој ден. Управувај со мојата волја, научи ме да верувам, да се молам, да се надевам, да трпам, да простувам и да љубам. Господи, дај ми да бидам орудие на Твојот мир: таму каде што има омраза да сеам љубов; таму каде што има очајание - надеж; каде што е темнина – светлина; каде што е жалост - радост. О, Божествен Учителе, никогаш да не ме тешат, туку јас да утешувам; да не барам да ме разбираат, туку јас другите да ги разбирам; не мене да ме сакаат, туку јас другите да ги сакам Бидејќи, кога простуваме, тогаш и нам ни се опростува; кога даваме, тогаш добиваме, а кога умираме, тогаш се раѓаме за живот вечен. Душе Свети, биди ми на помош денешниов ден да му го посветам на Мојот Господ и Спасител Исус Христос. Господи Исусе Христе Сине Божји, подобро е да не живеам, отколку да живеам без Тебе и против Тебе. Ти благодарам, Боже, што ми го даваш овој ден и за секое добро што ќе ми помогнеш да го направам денес. Избави ме, милостив Боже, од желби и угодности, удостој ме во секој миг да бидам готов(а) да се откажам од себеси заради Тебе и за својот ближен, зашто за такво служење си ми го дал животот. Помогни ми да го живеам со длабока вера, надеж и љубов во Тебе. Дај ми храброст достојно да Ти служам; секогаш да ја ставам правдата над користа; да ги ставам добрите дела над краткотрајните задоволства; да ги ставам добрите луѓе над себеси, и да ја исполнам заповедта Твоја за љубовта. Направи, Боже, да засветли во мојата душа светлината на Твојата убавина, добрина, и љубов. Амин!

Изменето од skalica - 20.Февруари.2010 во 21:50

Нашата молитва го одразува нашиот однос кон Бога. Оној кој е незаинтересиран за спасение има различен однос кон Бога од оној кој го напуштил гревот и е ревносен за добродетели, но сеуште не влегол во себе си и работи за Господа само надворешно. На крај, оној кој влегол и го носи Господ во себе си, стоејќи пред Него, исто така има друг однос. Првиот човек е небрежен во молитвата, како што е небрежен и во животот, и тој се моли во црква и дома само според утврденото правило, без внимание или чувство. Вториот човек чита многу молитви и често оди во црква, истовремено трудејќи се да го задржи своето внимание од расеаност и да искуси чувства според молитвите кои ги чита, но и покрај тоа тој ретко има успех. Третиот човек, целосно концентриран во (молитвата), со својот ум стои пред Бога, и во своето срце Му се моли без расеаност, без долги усни молитви, дури и кога долго време стои на молитва во неговиот дом или во црква… Секоја молитва треба да извира од срцето, а секоја останата молитва воопшто не е молитва. Молитвите од молитвениците, вашите сопствени молитви и мошне кратките молитви, сите мора да исходат од срце пред Бога, Кој го гледате пред вас.-Sv.Teofan Zatvornik