Македонци учесници во Шпанската граѓанска војна

Вардарска Македонија

1.    Арсовски Панев Владимир – роден 1910 во Неготино. Инженер. Дошол од СССР на 9 декември 1936. Како тенкист загинал на Харама на 2 февруари 1937.

2.    Атков Томов Борис – роден на 6 декември 1904 година во Скопје. Дошол од Франција на 2 септември 1936 година. Бил во диверзантски групи – капетан.

3.    Банџов Наумов Спас – роден во Охрид 1901. Дошол од Белгија во ноември 1936. Поручник. Ранет е и репатриран. Умрел во Охрид на 15 август 1943.

4.    Божиновски Панде – од с. Кривени, Ресенско. Дошол од Канада во 1937. Бил во 11-та бригада – баталјон „Линколн“.

5.    Бојлевски Лазар – роден на 2 јули 1902 во с. Буково, Битолско. Дошол од Франција.

6.    Бочкаровски Михаил – од с. Кривени, Ресенско. Работник. Дошол од САД во 1937 година. Загинал во 1938 кај Вилануева де ла Кањада – Мадрид.

7.    Василев Норман — роден 1912 година во СРМ. Работник. Дошол од Канада на 15 мај 1937 година. Бил во ТАРТ — Словенска група.

8.    Вацко Михаил — роден 1905 година. Дошол од Југославија и загинал на 21 септември 1938 година.

9.    Велевски Живко — роден во с. Болно, Ресенско. Шумар.

10.    Галовски Велев Георги — роден во с. Смилево, Демирхисарско, на 24 септември 1893 година. Во Шпанија дошол од Аргентина.

11.    Ѓорги — Бојаџијата — родум од кичевските села. Дошол од Белгија во јануари 1937 година.

12.    Демниевски Алексо (Бауман) — роден 1905 година во Велес. Дошол од СССР на 20 ноември 1936 година. Бил во баталјонот „Ѓуро Ѓаковиќ", бригадата „Георги Димитров" и 129-та интернационална бригада. Бил мајор. Умира 1961 година во Белград.

13.    Димков Георгиев Димо — роден 1910 година, работник. Дошол од Франција.

14.    Димов Стојанов Ангел — роден на 7 јуни 1914 година во Скопје. Во Шпанија дошол од Франција 1936 година. Загинал на Харама во март 1937 година.

15.    Дојчинов Христов Иван — роден на 11 јануари 1909 година во Гевгелија. Работник. Во Шпанија дошол од Аргентина во октомври 1936 година. Бил во 15-та, 115-та и 129-та бригада и специјални служби. Капетан.

16.    Жапкар Петар — роден 1897 година во с. Марино Село [скопско]. Дошол во октомври 1936 година од СССР. Загинал на Мадридскиот фронт на крајот на ноември 1936 година.

17.    Иванов Кирилов Владимир — роден на 27 февруари 1911 година во Гевгелиско.

18.    Јанков Васо — роден 1911 година во Башаида [село близу Кикинда]. Во Шпанија дошол од Југославија на 1 септември 1937 година. Бил во баталјонот „Димитров". Наредник.

19.    Калев Петар (Милановиќ Станко) — роден 1909 година. Во Шпанија дошол од Југославија во јануари 1937 година. Ранет е на реката Ебро. Подоцна од француските концентрациони логори заминал за СССР.

20.    Калешников Андро — роден во Скопје. Работник. Во Шпанија дошол од Југославија 1936 година. Загинал во движењето на отпорот во Франција.

21.    Костов Гоце — роден 1909 година во Гевгелиско. Во Шпанија дошол од Франција во 1936 година. Бил к*рир по баталјонот „Димитров" и 129-та бригада. Загинал 1939 година кај Пена сан Марко на Арагон.

22.    Камилов Панов Кирил — роден во јануари 1898 година во Велес. Професор. Во Шпанија дошол од Белгија во јануари 1937 година. Бил во баталјонот „Димитров" и баталјонот „Дуран". Капетан. Во НОБ од 1944 година, умира 1976 година.

23.    Минков Миле (Мише) — роден 1914 година. Дошол од Југославија. Загинал 1938 година.

24.    Митиќ Ристо — шивач од Куманово. Во Шпанија дошол од Белгија.

25.    Митров Слободан (Данко) — роден 1919 година во Ѓурѓевац [Хрватска]. Студент. Живеел во Гевгелија и стигнал во Шпанија на 14 јануари 1937 година. Бил во 11-та и 129-та интернационална бригада. Комесар на баталјон. Убиен.

26.    Мишел Стефан (Мишо) — роден во Куманово. Рудар. Дошол од Франција. Умрел во концентрационен логор во Франција.

27.    Мишковски Орданов Трајко — роден на 5 март 1903 година во Велес. Во Шпанија дошол на 1 октомври 1936 година од Чехословачка. Командант на баталјон. Мајор.

28.    Мицевски Тодоров Димитар — роден 1901 година во Скопје, Чаир. Дошол од Франција на 10 октомври 1936 година. Загинал на 21 јули 1937 година на Брунете близу Мадрид.

29.    Наумов Илија — роден 1897 година во Ресен. Работник. Дошол во Шпанија на 27 јуни 1937 година од Канада.

30.    Николов Гоце (Рибарот) — роден 1899 година во Гевгелиско. Бил во баталјонот „Ѓаковиќ" со Трајко Мишковски.

31.    Пенушлиев Коцев Симо — роден на 28 јануари 1897 година во Штип.

32.    Пандов Пенчо — од Велес или Велешко.

33.    Поповски Тодоров Елисие — роден на 13 јули 1907 година во село Маврово, Гостиварско. Во Шпанија дошол од Југославија на 15 јули 1937 година. Умрел во Скопје на 9 ноември 1972 година.

34.    Поцков Боро — роден на 18 април 1916 година во Струмица. Графички работник. Во Шпанија дошол од Југославија на 1 април 1938 година. Баталјон „Дивизионарио".

35.    Рамиз Варварица — роден во Дебар. Албанец.

36.    Рафаел Хасан — роден 1905 година во Македонија. Во Шпанија дошол од Југославија.

37.    Спировски Георги — роден 1903 година. Дошол од Југославија и загинал.

38.    Стефанов Крстев Алексо — роден 1894 година во Царев Двор, Ресенско. Емигрант од 1920 година прво во Белгија, потоа во Франција од каде во август 1936 година заминува во Шпанија.

39.    Стефанов Милан — роден во Куманово. Рудар. Во Шпанија дошол од Франција. Умрел во концентрационен логор во Франција.

40.    Темелковски Темов Вангел — роден 1896 година во с. Царев Двор, Ресенско. Работник. Емигрант во Канада, а од 1927 година во САД. Од 1933 година е член на Комунистичката партија. Во Шпанија дошол на 26 февруари 1937 година. По војната во Шпанија се вратил во САД. Во Македонија се вратил 1946 година. Умрел во Скопје на 27 април 1972 година. Капетан.

41.    Тодоров Александар — роден 1908 година во с. Маврово, Гостиварско. Во Шпанија дошол од САД.

42.    Тодоров Димитар — роден 1901 година во Скопје. Учител. Во Шпанија дошол од Франција на 1 октомври 1936 година. Загинал на 21 јули 1937 година на Брунете — Мадрид — Гвадалахара.

43.    Трајков Михајло — роден во Ресен. Во Шпанија дошол од Франција 1936 година и наскоро загинал во Мадрид.

44.    Трајковски Крстев Борис — роден на 5 јануари 1913 година во Ресен. Службеник. Во Шпанија дошол од Југославија на 26 [24] јуни 1937 година. Бил во ТАРТ — Словенска група. Умрел 1944 година.

45.    Узуновски Николов Цветко — роден на 24 декември 1912 година во с. Царев Двор, Ресенско. Студент. Во Шпанија дошол од Југославија на 18 јуни 1937 година. Бил во ТАРТ — батерија „Коларов".

46.    Урфи Аки Аголи — роден 1903 година во Дебар. Се школувал во Дебар, Битола, Солун и Тирана, а воена академија во Италија. Во октомври 1936 година преку Солун дошол во Шпанија и кај Брунете пред Мадрид загинал во април 1937 година.

47.    Хаџипанзов Иванов Ганчо – роден 1900 во Велес. Во Шпанија дошол од Франција на 1 септември [10 октомври] 1936. Загинал во првите борби пред Мадрид на 18 ноември 1936.

Непознато место на раѓање

1.    Ангелов Тодор – стар емигрант. Во Шпанија дошол од Белгија.

2.    Аристов Глигор – роден 1903.

3.    Василевски Наум — роден 1912 година.

4.    Влканов Никола — дошол од Париз — Франција. Стрелан во концентрациониот логор Дахау — Германија.

5.    Димов Тошо (Кондураџијата) — во Шпанија дошол од Белгија.

6.    Исценски Тодор — роден 1909 година. Загинал на 2 мај 1938 година.

7.    Јанков Петар — дошол од Белгија 1936 година.

8.    Јанков Тодор — роден 1901 година. Рудар. Дошол од Франција на 30 јуни 1937 година.

9.    Комитов Јанко — артилерец во тешката артилерија.

10.    Комитов Марко — загинал на 23 мај 1938 година.

11.    Кочмаровски — шумски работник. Во Шпанија дошол 1937 година. Загинал на 14 јули 1938 година кај Пена сан Марко на Арагон.

12.    Ладовски Михаил — работник. Во Шпанија дошол во ноември 1936 година од Франција. Бил во 13-та интернационална бригада. Загинал на Теруелскиот фронт на 31 декември 1936 год.

13.    Марков Јосиф — загинал.

14.    Наумчевски Волче — загинал.

15.    Недев Георги — евидентиран како борец во Шпанските републикански единици.

16.    Николов Петар — роден 1910 година. Во Шпанија дошол од Франција. Загинал.

17.    Павковски Владимир — загинал на 20 март 1936 година кај Каса де Кампо, Мадрид.

18.    Павлов Стојан (Георг) — роден 1899 година. Железничарски работник. Член на Комунистичката партија на САД од 1927 година. Во Шпанија дошол на 7 февруари 1937 година од САД. Загинал.

19.    Паунов [или Паунков] Ганчо — работник, загинал на 17 ноември 1936 година во одбраната на Мадрид.

20.    Рајчев Васил — загинал во Шпанија. Артилерец.

21.    Рели Џим (Јован) — роден 1913 година. Дошол од Канада на 30 мај 1937 година. Бил во 15-та бригада.

22.    Ристо „Шивачот" — во Шпанија дошол од Белгија.

23.    Софронов — во јануари 1938 година бил во баталјонот „Димитров".

24.    Силов Ерих — во Шпанија дошол од Аргентина кон крајот на 1936 година.

25.    Симеонов Борис — во Шпанија дошол од Канада во мај 1937 година. Бил во 129-та бригада.

26.    Симов Александар — роден 1900 година. Во Шпанија дошол од Франција. Загинал 1938 година.

27.    Симон Милош — роден 1892 година. Дошол од Белгија.

28.    Симеонов Глигор — бил во тешката артилерија во словенската група.

29.    Скопјанец Ангел — дошол во јануари 1937 година. Загинал.

30.    Спасовски Трифунов Стефан — роден 1913 година. Борец во баталјонот „Димитров". Загинал 1938 година.

31.    Стојков Емил (Братко) — работник. Дошол од Франција. Борец во 11-та интернационална бригада. Загинал во април 1937 година на Гвадалахара.

32.    Стојчев Г. Лазар — загинал во првите денови по доаѓањето во Шпанија.

33.    Трифунов Стефан (Стојан) — роден 1911 година. Борец во баталјонот „Димитров". Загинал 1938 година.

34.    Чучков Симо — роден 1907 година. Во Шпанија дошол од Франција 1937 година. Борец во II-та чета на баталјонот „Дивизионарио". Стрелан во концентрациониот логор Дахау — Германија, 1942 година.

35.    Шејтанов Ефтимов Константин — роден 1910 година. Загинал во Шпанија.


Извори: Перо Коробар, Божо Стефановски (ур.) „Во интернационалните бригади на Шпанија“, „Студентски збор“, Скопје, 1989, 215-220 стр. и Abraham Lincoln Brigade Archives.

Сепак Тодор Ангелов е со македонски произход:

...Роден е на 12 јануари 1900 година во Ќустендил. Татко му е зидар, мајка му Божана е такачка и перачка. Таа учествува во женскиот протест во 1918 година при посетата на Фердинанд, запаметена е со широката си душа. И двајцата се бегалци од Македонија...
Тодор Ангелов Дзаков

eptendosadno напиша: чоли напиша: Сепак Тодор Ангелов е со македонски произход: ...Роден е на 12 јануари 1900 година во Ќустендил. Татко му е зидар, мајка му Божана е такачка и перачка. Таа учествува во женскиот протест во 1918 година при посетата на Фердинанд, запаметена е со широката си душа. И двајцата се бегалци од Македонија... Тодор Ангелов Дзаков И како ќе ми го обајниш фактот што тогаш Македонците оделе доброволно да гината за нешто и за некого , а денес истиот народ иде како платеник во Афганистан ?

Прашањето не е поставено точно. Би требало да биде поставено така:

И како ќе ми го објасниш фактот што тогаш Комунистите и Антифашистите оделе доброволно да гината за нешто и за некого?
Тоа било темелен камен во комунистичката идеологиjа - интернационализмот. Во денешно време аналогно на ова е идеологиjата на светата воjна /џихад/ водена од Ал Каеда.

Изменето од Македон - 19.Февруари.2010 во 23:05

Одлична тема

eptendosadno напиша: Нема проблем , ке го преформулираме прашањето . И како ќе ми го обајниш фактот што тогаш Македонците - комунисти оделе доброволно да гината за нешто и за некого , а денес истиот народ , капиталисти , борци за слобода на Ирак , за демократскиот свет , за НАТО , за мир и благосостојба на сите грагани во светот одат како платеници во Афганистан а не како доброволци ?

Согласи се дека нема хомогнен народ коj веднаж бил целиот од комунисти, после целиот народ станал народ од капиталисти.
Во оние времиња комунистичката идеологиjа била силно распространета, но сепак не била преовладувачката идеологиjа во Европа. Со комунистичка идеологиjа сбиле заразени многу достоjни луѓе, кои били идеалисти. Се верувало дека комунизмот /во сталинова варијанта/ ке победи во сички страни. И затоа е водена политика за "експорт на револуциjа". По истото време се засилил германскиот национал-социализам. Тие две идеологии биле антагонисти. Граѓанската воjна во Шпаниjа била одличен полигон за мерене на силите меѓу комунистичката и национал-социјалистичката идеологии.
По тоj начин тие две идеологии се мешале во еден внатрешен вопрос на Шпаниjа.Еезултат на ова е прикумерно и излишно проливање на крв.
---
Денес во Афганистан се силите на НАТО /член на таа организациjа и вие сакате да бидете/, а во Ирак се сили на САД и приjателски земји /во тој контекст Бугариjа и Македониja/. Пратените воjски таму се професионални. А коj си ја избрал професиjата да биде воjник, значи доброволно ке иде каде што ќе го прати началството. А тоа значи дека тие се доброволци!

Изменето од Македон - 19.Февруари.2010 во 23:08

mungos80 напиша: 47.    Хаџипанзов Иванов Ганчо – роден 1900 во Велес. Во Шпанија дошол од Франција на 1 септември [10 октомври] 1936. Загинал во првите борби пред Мадрид на 18 ноември 1936.

Ганчо Хаџипанзов е и пријател на Рацин, а и покрај тоа, творел и некои нешта, но за жал, за тоа освен сведоштвата, нема материјални докази за нештата. Иако, кога подобро ќе се сетам, сепак, може да има нешто...

Изменето од Македон - 08.Ноември.2010 во 17:08