Бугарија- вести, настани, актуелности

Mакедонските и бугарските затвори субстандардни

Пренатрупаноста и непочитувањата на правата на затворениците се најголемите проблеми,е ставот од денешната дебата што ја организираа македонскиот и бугарскиот Хелсиншки комитет за човекови права.Пренатрупаноста е најголема во затворите во Идризово и Шутка.

„Пренатрупаноста е болна точка во сите казнено-поправни установи, така и во затворот Шутка, но мораме да најдеме начин да им излеземе во пресрет на колегите што имаат поголема пренатрупаност“, рече Сузана Гавриловиќ, директор на КПУ „Скопје“.

Незаинтересираноста на општеството била причината за натрупаните проблеми во затворите.

„Македонските затвори се подобри од бугарските,но се уште има разминување со меѓународните стандарди, особено во затворот Идризово“, вели Ѓорѓи Банков, член на Хелсиншкиот комитет на Бугарија.

Лани 347 затвореници се пожалиле на скратени права,најмногу од областа на здравствената заштита.

„На здравствената заштита внатре во самата институција која е должна по законот да ја дава, како и здравствената заштита надвор од институцијата“, вели Драги Целески, заменик Народен правобранител.

Во Македонија вкупно 2.400 лица издржуваат казна затвор.