Токсоплазмозата е болест предизвикана од протозоарна инфекција со едно-клеточен паразит Toxoplasma gondii. Изолирана е кај човекот и други цицачи, како и птици.
Кај човекот болеста се манифестира во следниве форми:
-Конгенитална токсоплазмоза (пренесена од инфицирана мајка на фетус) – оваа форма може да има сериозни последици.
-Окуларна токсоплазмоза (ито така наречена retinochoroiditis, која обично резултира од конгенитална инфекција но некои симптоми може да се појават после 20-тата до 40-тата година.
-Акутна токсоплазмоза кај претходно здрав човек
Акутна токсоплазмоза кај имунокомпримирани индивидуи, на пример пациенти со СИДА, малигни заболувања или пак третирани со имуносупресивни лекови. Некомплицирани случаи може да се презентираат со благи симптоми, или пак да не покажат никаква симптоматологија, па според тоа и не би бил потребен третман.
Начин на инфицирање?
              
Токсоплазмозата обично се добива од мачки – единственото животно кај кое паразитот може да созрева и сексуално да се репродуцира. Паразитот живее во дигестивниот систем на мачката чии јајца ги испушта преку фецесот на мачката. Тие созреваат и стануваат инфективни апроксимативно за околу еден ден и остануваат контагиозни неколку месеци. Човекот и многу други животни можат да бидат инфицирани. Откако паразитот ке дојде во телото, се апсорбира преку цревата и навлегува во крвната циркулација. Паразитите конечно се инкапсулираат во ткивата и тогаш се нарекуваат ткивни цисти. Оваа циста може да се активира и да предизвика болест кај домаќинот кога ќе постане имунокомпримиран.·
-Нетемелно миење на раце после контакт со мачка, исто така може да предизвика инфекција.
-Јадење на недоволно термички обработено месо.
-Крвни трансфузии (поретко).
-Конгенитална инфекција.
Инкубационен период – периодот од инфекцијата до појавата на симптомите е непознат.
Кои се знаците за токсоплазмоза?
Знаци како субфебрилна температура асоцирана со болно грло со сраснати лимфни јазли, обично ситуирани во пределот на вратот и рамената, главоболки, мускулни болки и чувство на исцрпеност.
Апроксимативно 80-90% од случаите, инфекцијата се презентира без ниту еден симптом.

Совети
· Миете ги рацете после контакт со свежо месо и зеленчук.
· Миете ги рацете после ракување со земја.
· Не јадете месо кое не е доволно термички обработено.
· Доколку чувате мачка, замолете некој да се грижи за диспозицијата на фецесот. Ако се остранува секојденвно паразитите нема да имаат време да созреваат и да постанат контагиозни. Важно е секако да се носат ракавици за еднократна употреба.
Како се поставува дијагнозата?
Кога е суспектна токсоплазмоза, крвен примерок се зема за анализа и детекција на специфични антитела. Со овој примерок може да се утврди дали еден субјект имал токсоплазмоза, или пак таа сеуште е присутна во организмот.
Болеста е обично беззалезна. Во ретки случаи, може да се појават компликации, како на пример енцефалитис (инфламација на мозокот), миокардитис (воспаление на срцевиот мускул) или ретинитис (воспаление на ретината).Во текот на инфекцијата, телото создава антитела против паразитот и на тој начин се креира имунитет против друга инфекција.
Како се лекува токсоплазмозата?
Случаите на токсоплазмоза на кои им е потребен третман се решаваат специјалистички, од доктор инфектолог. Медикаменти кои се употребуваат во лекувањето се најчесто pyrimethamine и sulfadiazine...........