Посни јадења

Нема поубава манџа од посната со печурки,морков,компир,брокула, грашок,пченка,пашканат,целер, и секако запршка со пченкарно брашно...

Да го прочистиме нашиот организам......
да му дадеме можност за ревитализација по некоја болест.....
да му дадеме можност за ослободување од вишокот на килограми.....
да му дадеме можност за стабилизирање после празниците....
таканаречени манастирски или посни рецепти со или без масло....

Гладувањето е храна за молитвата
Ние не се молиме и не постиме само за нашето исцеление и спасение, туку тоа го правиме пред се' за целата Црква и за сите луѓе, а најпосле за нас, се зборовите на сестринството на манастирот „Свети великомаченик Димитрија“ во близина на Скопје, попознат како Марков манастир. Трите монахињи - игуманијата Илијана и сестрите Даниела и Сарита......

- Постот и молитвата ни се голем дар од Бога без кој за нас луѓето нема обожавање и спасение. Нив ги осветил и ни ги подарил во Црквата самиот Господ, богочовекот Исус Христос, постејќи во пустината четириесет дена и четириесет ноќи. Телесниот пост е воздржување од некои јадења во деновите и временските периоди што Црквата ги одредила во текот на годината и е неразделно поврзан со духовниот пост. Нема вистински пост без покајание, без смирение, без молитва, без трпение, без љубов и милост кон ближните и без другите свети добродетели во што се состои и нашата подготовка - велат монахињите од Марковиот манастир.

- Гладот е храна за молитвата, а вистинската молитва проследена со плач и солзи не' соединува со Бога. За нас, монасите, целиот пост, па и крајот на постот, е проследен со вежбање пред се' во духовниот пост, а тоа е смирението, трпението, љубовта кон ближните и кон се' што не' опкружува. Благодатното чувство на покајание, солзите, плачот за сите луѓе кои се во болка, во тага, во неволја е нашата награда од постот. Тоа е благодатно чувство, преку кое љубовно го прегрнуваш целиот свет - потенцираат во манастирот.Тие велат дека работните обврски што им се доверуваат на сестрите како пред постот така и за време на постењето се извршуваат во целост.

- Постот во никој случај не може да биде пречка за извршување на дневните обврски. Напротив, тој ни дава телесно и духовно здравје и сила. Сите што го практикуваат со благослов од духовниот отец, го знаат тоа и ги вкусуваат плодовите од постот - се зборовите на сестринството.......

горенаведениот  текст нека не води во нашиот пост без разлика за која цел и причина.......да бидеме силни и да истраеме во посната трапеза....

Изменето од bijonse1 - 16.Февруари.2010 во 17:46

ПАШТЕТА ОД ОРЕВИ

4-5 компири
250 гр. мелени ореви
1-2 лажици доматно пире
1-2 лажици сенф
Сок од ½ лимон
Сол, бибер, ситно сечкан млад лук и кромид по вкус

Компирите се лупат, се варат (како за пире); кога ќе се свари водата се одделува (не се фрла, по потреба се додава во пирето). Компирот се пасира, се додаваат оревите и другите состојки. Се меша со миксер и се дотерува по вкус со зачините........

Изменето од bijonse1 - 16.Февруари.2010 во 17:32

КРЕМ-СУПА

основа за крем-супа:
4-5 компири
2 лажици таан
Сок од ½ лимон
Сол, бибер, копар/магдонос

Излупените компири се варат во толку вода колку да се покријат компирите. Кога ќе се сварат се вадат од водата и се ладат. Изладени се ставаат во блендер со 1 чаша ладна вода, таан и лимон. Се блендира и се истура во водата во која бил варен компирот. Се додава толку вода колку да се добие густина на крем-супа. Се остава да зоврие и се зачинува со сол, бибер и копар или магдонос.

Ова е основен рецепт за крем-супи на вода. Може да се употребуваат многу комбинации: компир + морков, компир + печурки, компир + грашок, компир + спанаќ, компир + праз, компир + брокула и сл.......................

Тофу во фолија

Се сечат тенки и долги парчиња тофу. Секое парче се премачкува со сенф и се накапува со една, две капки сос од соја и маслиново масло. Врз едното парче тофу се става патлиџан и малку босилок. Врз второто парче се става оригано. Врз третото парче се става гомасио. Врз четвртото парче се става кари.
Сите парчиња тофу поединечно се завиткуваат во фолија и се ставаат во рерна. Готови се кога тофуто ќе омекне и ќе поприми од мирисот на зачините.

Овој рецепт дава можности за развивање на фантазијата и експериментирање со вкусовите

Ne sum probala sejtan da gotvam, a redovno si kupuvam sendic so sejtan i salati od NINO....

Sega sakam da napravam tortilji so sejtan- sto mislis polzavce- kje ja bide kombinacijava?


Изменето од Kali - 31.Март.2010 во 22:50

Овес варен, со цецкани ореви, морско оревче  и црн пипер (бибер), малку маслиново масло. Излегува кашесто ама може да се обликува по желба. Може да се служи како главно јадење а може и како прилог.