ГЕЈ МУЗИЧАРИ

Џорџ Мајкл, 43-годишната светска поп икона, последниве 25 години оствари успех за почит. Со безброј турнеи зад него, 18 милиони продадени плочи и ЦД-а остави голем печат на светската музичка сцена. И денес има стотици милиони поклоници во сите делови на светот и покрај аферите и ексцесите со кои ги полнеше страниците на жолтиот печат. Неколку пати полицијата го приведуваше поради дрога, но и покрај сите скандали обожавателите не го напуштаат. Угледниот американски магазин "Форбс" 1990 година објави дека Џорџ Мајкл е прв од тројцата најдобро платени луѓе на светот во категоријата забавувачи, втор беше Мајкл Џексон, потоа боксерот Мајк Тајсон. Но Џорџ е единствен пејач кој доживеа филмот за неговите падови и подеми да се прикаже на престижно место како што е Берлинскиот филмски фестивал. Филмот насловен како "Џорџ Мајкл: Поинаква приказна" беше прикажан и во Велика Британија и САД, каде предизвика невидено интересирање.
СО WHAM ДО НЕВЕРОЈАТЕН УСПЕХ
Роден е 1963 година во Лондон како Јоргос к*ријакос Панајотиу. Неговиот татко, Грк од Кипар, во Велика Британија си го сменил името во Џек Панос бил страствен танчер и така ја запознал неговата сопруга, исто така танчерка Лесли Енголд Харисон. По венчавката брачната двојка го занемарила танцот бидејќи семејството набрзо се проширило. Пред славниот пејач родени се Ијода и Мелани, па родителите работеле по цел ден, дури и не ги гледале децата.
- Живеевме многу скромно, сите спиевме во една соба во малиот стан. Мајка ми имаше три работи, доаѓаше дома мртва уморна, а и татко ми не беше нешто подобар од неа. Не се сеќавам дека посебно ни обрнуваа внимание. Но, сепак заедно со семејството се чувствував сигурен и заштитен, изјави во едно од своите први интервјуа пејачот. Набрзо татко му отвора грчки ресторан во Лондон и почнале солидно да живеат. Најмладото дете во семејството уште на 15 години ја покажало тврдоглавоста кога им соопштил дека ќе се занимава со музика и ќе стане светски познат. Татко му се трудел да го оттргне од таа идеја, велејќи му дека плановите му се чиста глупост. На 16 години го напушта училиштето и со училишниот другар Ендрју Риџлеј формираат група, а 1981 година го основаат дуото "Њхам" и со првиот албум "Фантастиц" доживуваат неверојатен успех. Понесени од почетничката среќа снимаат уште неколку синглови со кои само го потврдуваат успехот. Песните станале толку популарни што не се тргале од топ листите во Британија. Дуото 1985 оди на турнеја во Кина и земјата со најмногу луѓе на светот и ја крева на нозе. Било тоа прво гостување на некоја западна група во комунистичката Кина. Но и покрај огромниот успех неговата доминантна личност била причина да се распадне дуото по концертот на преполниот Вембли стадион 1986 година
ПРИЗНА ДЕКА Е ГЕЈ
Џорџ потоа продолжил со соло кариера која беше уште поуспешна од претходната. Албумот "Фаитх" по издавањето станал најпопуларен албум на сите времиња. Милионите фунти и долари кои ги добивал на контото по секој сингл или албум му донесоа и многу непријатности. На турнејата низ Бразил 1991 година пејачот го запознал човекот кој стопроцентно му го смени животот, бразилскиот дизајнер Анселмо Фелеп.
- Никогаш нема да ја заборавам таа вечер. На концертот во Рио де Жанеиро во преполната сала го здогледав Анселмо. Панично се плашев дека после настапот нема да можам да го најдам, признава Мајкл.
Но, Фелеп го нашол него доаѓајќи во гардеробата и од тогаш ништо веќе не било како порано. Иако пејачот и до тогаш имал бројни бурни врски со двата пола, дури тогаш сфатил дека е хомосексуалец.
- Тешко е да бидеш горд на својата сексуалност кога не ти носи никакво задоволство. Откако го сретнав Анселмо првпат во животот вкусив љубов, вистинска и длабока, изјави во 1999 година за еден геј магазин.
Но, Анселмо се разболува, а сите наоди укажувале дека станува збор за сида. По оваа животна трагедија поради загубата на човекот како што вели му ги отворил очите и срцето, но сериозно му го загрозил и здравјето. Подолг период пејачот беше во длабока депресија, очајнички обидувајќи се да се извлече од пеколот, посегнал по дрога, а луѓето од неговата близина велат дека никогаш не го преболел Анселмо. По ова влетувал во површни врски, меѓу кои и со актерката Брук Шилдс, пејачката Гери Халивел, спиел со неброени ескорт девојки и мажи. Барајќи замена за Анселмо го запознава Кени Гос и меѓу нив се раѓа љубов која трае до денес. Кени му ги простува сите испади. Од тогаш Џорџ Мајкл отворено говори за неговата сексуална ориентација. Медиумите го спојуваа и со Лејди Дијана и тврдеа дека таа била вљубена во големата ѕвезда. Но тој еден ден по нејзината смрт ја откри тајната "Дијана беше прекрасна личност и меѓу нас имаше некаква хемија. Но верувајте таа во мене најде заштита којашто жените секогаш ја наоѓаат во моето друштво". Мајкл на Гос му подари милион фунти минатото лето за десетгодишната врска која и покрај сите афери што го следат пејачот опстојува, а Мајкл се подготвува за новата амбиција да создаде голем мјузикл, кој има работен наслов "Чикаго запознај се со табуата", а пејачот не планира ниту да се откаже од проектот, ниту да се смени....................