Ветерани од одбраната 1991/2001

,,Дали последиците ги разрешуваат причините ?,,

Вооружениот конфликт во 2001 година, остави сериозни траги во психата на македонските граѓани без разлика на националната припадност. Република Македонија плати висока цена во вооружениот конфликт каде што беа изгубени многу човечки животи, многу наши блиски беа ранети, голем број на домови беа разурнати, неповратно беше нарушен и изгубен мирот и спокојството на семејставата кои беа жртва на на вооружениот конфликт.

Вака високо платената цена од страна на нашите грѓани ни во кој случај неможат да ги разрешат причините за конфликтот.

По вооружениот конфликт се сретнавме со нова состојба каде што се сретнавме со многу предизвици обременети со проблемите на семејствата кои изгубија член од семејстото, чија загуба остави трајни лузни во нивната душа. Дел од семејствата останаа без своите домови кои беа уништени во вооружениот конфликт. Многу граѓани без своја вина се раселени и мораа да ги напуштат своите огништа.

Напорите кои ги прави нашата држава за надминување на пследиците се нецелосни и недоволни за квалитетно разрешување на последиците. Како резултат на тоа имаме недоволно уредена правна рамка за правично обештетување на семејствата кои беа жртва на вооружениот конфликт. Постоечата легислатива која треба да помогне во намалување на последиците нецелосно се применува во праксата. Многу е тешко некој припадник на семејставата на погинатите и повредените да ги остварат правата кои им ги гарантира Законот за посебните права на припадниците на безбедносните сили. Посебна приказна претставува остварувањето на тие права а особено делот на правичнато обештетување на семејствата на погинатите и ранетите членови на безбедносните сили. Постои несфатлива логика за начинот и висината на средствата со кои се обештетени семејствата на погинатите и ранетите припадници на безбедносните сили. Начинот на кој е извршено обештетувањето во АРМ и МВР направи невидена поделба на семејствата како тие да припаѓаат на две различни држави а не како на граѓани од една држава. Како резултат на тоа за исти последици има разлика за обештетување во висина од сто пати. Оваа неправда нашата држава е должна да ја исправи и да внесе ред и едакви критериуми за обештетување.

Погоре споменатите состојби се превисока цена која ја платија граѓаните на нашата земја без разлика на етничката, националната или верската припадност. Самото тоа зборува дека последиците сами по себе тешко можат да ги разрешат причините за конфликтот. Оваа научена лекција несмеат да ја заборават граѓаните на Република Македонија бидејќи платија многу висока цена.

Загубата која што ја доживеа моето семејство со погинување на мојот сопруг за мене беше инспирација да покренам процес на помирување со помош на сите луќе кои не се плашат да се спротивстават на сите поделби кои ни се случија во вооружениот конфликт. Собрав сили и упатив писмо за помирување помеќу македонците и албанците. Тоа мое писмо во почетокот беше примено со голема доза на песимизам, неразбирање и лично деградирање. Многу мои блиски луге неможеа да сфатат што сакам да направам бидејќи омразата ги имаше заслепено нивните чуства и неможеа да сфатат дека мирот и спокојството имаат цена која сите ние мораме да ја платиме. Старо правило е дека нема поклонета љубов и слобода, за нив треба да се избориме сите ние, ако не за нас барем за сите оние кои ги носиме во нашите срца.