Се храните ли здраво?

Некои луѓе не појадуваат, бидејќи на тој начин мислат дека ќе ослабнат, а некои едноставно не наоѓаат време за појадокот. Неодамнешните истражувања покажале дека оваа навика е многу нездрава и има негативни последици врз здравјето. Прескокнувањето на појадокот ги зголемува резервите на маснотии околу стомакот и е причина за создавање холестерол, кој е главен фактор за срцевите заболувања.

Студијата покажува дека на најголем ризик од срцеви заболувања се изложени оние личности на кои уште од деца им останала навиката да го прескокнуваат појадокот. Научниците откриваат дека една од причините зошто овие луѓе се ризична група е и нивната наклонетост кон слатки и недоволното вежбање, пишува Дејли мејл".

Научниците, кои повеќе од 20 години ја следеле исхраната на 2.184 волонтери, откриваат дека прескокнувањето на појадокот може да го промени начинот на кој телото ги формира маснотиите и да доведе до нарушување на целокупната исхрана, што резултира со загрозување на здравјето.