Нова Година

Во периодот кога сите се подготвуваат и планираат како да ја поминат најлудата ноќ, стресот е на високо ниво. Каква гардероба да се избере, на кое место да се оди, како да се испланира трпезата... Доколку не сакате да погрешите, откријте што е ИН, а што АУТ при испраќањето на старата и пречекот на новата година.

ИН

СТАЛОЖЕНОСТ
Сигурно знаете луѓе кои хистеризираат околу се, па и новогодишната прослава за нив е еден од низата настани во кои целата драматичност излегува на површина. За да го направите пречекот на Новата година што е можно помалку стресен, оддалечете се од ваквите луѓе и обидете се да бидете потполно смирени. Кому му е гајле ако немате десет видови колачи и ако сармата не ви излезе супер, ако сте дома наместо во кафеана и ако не успеете да купите се што се посакале пред да затворат продавниците. 

БИДЕТЕ СТИЛСКИ УМЕРЕНИ
Светки, светки, светки... е мотото на новогодишната тоалета. И сите стилисти препорачуваат дека Новата година мора да блеска. Сепак, ако не сте од оние храбрите, светкавиот изглед заменете го со фини ткаенини од свила. 

ПРИВАТНА ЗАБАВА
Едноставните приватни забави често се најдоброто решение. Никој нема да ви приговори што сте облекле, бидејќи никому претерано не му е грижа. На приватните забави ќе бидете во друштво на драги луѓе, а и ќе потрошите многу помалку отколку на дочек во клубовите, кафеаните, рестораните или хотелите. Затоа, контактирајте со пријателите и вам кои не можете да останете дома, дочекот ви е спасен.


АУТ

ВИНО ОД ПЛАСТИЧНО ШИШЕ
Виното од пластични повеќелитарски шишиња е толку неестетско и нерафинирано, што се коси со сето она што претставува самиот чин на пиење вино. Во виното, пред се, треба да се ужива - во неговата боја, мирис и вкус. Тоа е неретко пијалак на хедонистите, а тие знаат да уживаат во се, па така и во шишето во коешто пристигнува виното, неговото отворање, точење...

СМС ЧЕСТИТКИ
Испраќањето најразлични песнички и стихови кои секоја година се разменуваат помеѓу некреативните поединци е тотално АУТ. Во мода се враќаат класичните хартиени честитки со рачно испишана порака или, пак, едноставно телефонски повик, но тогаш кога сета новогодишна хистерија ќе се смири.

КОЈ КОЛКУ ЗАРАБОТУВА
Секоја година исто... Во нашите глави се се врти од нулите на контото на познатите пејачи и забавувачи. Некои луѓе одлучуваат таа вечер да заработат, особено ако има кој да плати, а овие приказни се повторуваат секоја година. Кој колку заработува не е важно, важно е да успее да ве развесели и да ви приреди Нова година за паметење.