Среќен Роденден

Благослов Ви дарувам мили мои што ми укажавте голема чест и ми покажавте забележливо внимание. Што да Ви кажам, она што ми преостанува е да го извадам срцево и да Ви го раскинам и распарчам и да Ви дадам секому по едно парче од него... Навистина ми е драго што не ме заборавивте... И да... бидејќи сте вака фини и пријатни луѓе, верувам и се надевам дека ќе заедничариме од сега до бескрајот на Вечноста која туку што почна...

Сите Ве сакам!!

И да... уште ова... многу ми се допаѓа што на оваа тема “Среќен Роденден“ честитките се множат како епидемија, како вирус... еден/една форумџија/ка почне и сите ќе “префатат“ и по него/неа продолжуваат. Тоа е навистина прекрасно! Едни од други се потсетуваме, учиме, вежбаме, растеме, напредуваме во Доброто! Сите ние ЗАЕДНО! Зарем не е прекрасен поимот “ Љубовна Заедница“?? Еххх... колку убава “болест“... Човек просто да ја посака да ја има во себе и да сака да се “разболи“ од неа!! Дај Боже сите вируси и епидемии и пандемии на светот да бидат само добри, само фини и преку нив да се шири доброто и љубовта за да би биле сите расположени, радосни, смирени, фини и наместо со фрустрации, кавги, пакост и злоба, хаос, омраза, страсти, зла... да се чувствуваме исполнето и нахрането со добрини, љубов, ред, мир, усредсреденост, чистота, слободност, радост, здравје... баш така како што се чувствувам јас поради овие прекрасни честитки, од овие извонредни луѓе, пријатели, добромисленици!

За крај... не смеам да заборавам да Ви подарам парче благо, за да Ви биде на сите благ животот и да Ви подарам по една чаша вино, за да Ве опие (ама да не Ве испијанчи) љубовта, мислам секоја љубов: Божјата, братската, сестринската, родителската, детската (т.е. чедовата), другарската, пријателската, соседската, брачната, форумската, љубовта кон секој цвет и кон се’ што расте на Земјата и на морските, езерските и речните дна, и љубов кон секоја мравка и мува и кон се’ што се движи по Земјата, и кон се’ што плива и нурка во морињата и сето она што лета во воздухот... но пред се’ и над се’ БогоЉубието и човекоЉубието!!

Така да Ви биде се’ во животот од сега па до бескрајот на Вечноста: Вино и слатко-благо. Дај Боже! Амин!!!

Perun,Srekjen rodenden se najubavko