Педофилија и инцест во семејството

41-годишен жител на кривопаланечкото село Ранковце повеќе пати силувал 12-годишно девојче. Првиот пат го намамил во својата куќа во текот на август годинава.

Со употреба на физичка сила го обљубил, а потоа и му се заканил дека ќе го убие ако некому каже за тоа.

Со закани и уцени насилникот уште три пати го силувал девојчето. Според нејзините зборови, соседот освен во неговиот дом, ја нападнал и покрај реката што минува низ селото. И таму никој не ги слушнал нејзините повици за помош.

Откако девојчето почнало да се повлекува во себе, родителите забележале дека нешто не е во ред. На нивно инсистирање, девојчето ја раскажало ужасната приказна, по што тие веднаш пријавиле во полиција.

Во Ранковце сите знаат за случајот, но јавно речиси никој не се осмелува да говори, иако сите се згрозени од постапката на нивниот соселанец.

„Такви луѓе не би требало да има. Возрасен човек да си поигрува со толку мало дете“, вели жител на с. Ранковце.

Осомничениот, кој е татко на две малолетни деца, пред полицијата негирал дека го силувал девојчето. Но, додека трае постапката истражен судија му одреди притвор во траење од 30 дена