Антони де Мело

 maria_magdalena напиша:

Деновиве по којзнае кој пат си ја препрочитувам “Новиот ден“ од Антони ДеМело.Книгата е од оние инспиративни книги на кои човек често се навраќа.Па така, и идејата за темава дојде од таму, и истава ќе ја започнам со извадок ...

 Majkl напиша:

...За индиецот Антони Де Мело (поранешен језуитски свештеник, инаку исклучен од римо-католичката црква) имам извесна резерва, но тоа е мое приватно мислење а и темата не е тој. 

... 

Си земам право - ако смеам - да отворам тема за овој човек. Јас за него ова лето првпат (свестно) слушнав и тоа во јужна македонија (денешна грција).

Морам да ви кажам и како!  

Покрај прекрасните води на егејското море - уште додека не се бевме запознале - уочив еден човек (немакедонец)  кој на својот колкот имаше една голема лузна. 

Првото што го помислев беше Јааков (синот Исааков) па се запрашав во себеси дали и тој во својот живот се борел така снажно против БОЖЈАТА Волја (како Јааков) и затоа ја задобил оваа повреда.

Запознавањето беше кога ја слушнав неговата (мислам постара) прекрасна ќерка како пробува да ги убеди своите родители за да и дозволат пластична операција.

Двете негови ќерки беа нешто постари од мојата но на ниедна од тие лепотици не можев да најдам ниедна надворешна маана, но затоа внатрешна. Храбро се приклучив во нивниот разговор небаре сме од еден татко и сме пораснале заедно. Тие малку се изненадија   но веднаш ме прифатија во фамилијарниот разговор.

Беше жешко, но ништо неможеше да нè спречи да дојдеме до коренот на “проблемот“.

Така разговарајќи на девојката и се згади  и и помина желбата за телесна промена   

Нејзиниот татко - успешен правник, 10-тина години постар од мене - потврдно го поткрепуваше разговорот а при крајот почна да ме опсипа со комплименти, велејќи: “ти зборуваш исто како Антони деМело“ ! 

- Кој жабар тие па сеа тој, бе пријателе(?)  ...  го прашуам јас правникот. И тој му ја развржа! Почна да ми кажува како во животот бил голем “непрокопсаник“ како се противел на БОЖЈАТА Волја, како му се случила лична катастрофа, како преку болките на катастрофата Го побарал БОГА и излез од чорсокакот, како БОГ преку еден пријател му ги дарил книгите на Антони деМело, и тн. и тн.

Тоа беше летото. Пред некоја недела налетувам во библиотека на книги од Антони деМело и ги земам,  но никако не ми се отвара да ги зачитам како што треба.

Пред некој ден прочитувам еден единсвен цел капител (глава) за љубовта и ми се бендиса бидејќи кореспондира со Оној (позитивниот)во мене грешниот.

После тоа налетувам на една реченица во која Антони вели дека; Буда бил тој што на генијален начин одкрил дека ние всушност патиме од нашата глава, од нашето сознание, со кое судиме и пресудуваме што е добро а што лошо и со тоа правиме да ни биде така како што ни è во овој свет.

Кога прочитав тоа, се замислив и се прашав; дали чоеков не ги прочитал првите страници на Библијата што тоа “одкртие“ му го препишува на Буда или се прави со сила ептем на “Тошо“!?   

Оттогаш па навака имам и јас - слично како Мајкл - една одреден резерва кон овој бездруго симпатичен автор на кого одсрце му поскаувам БОГ да му даде прекрасно место во Неговото Царство!   

Што вие знаете и мислите за овој ислучително симпатичен и надарен индијски “жабар“? 

Поздрав до сите читатели

Изменето од spiros - 26.Ноември.2009 во 23:52