ПРЕДАВСТВОТО на братот, снимено на лента

Виолета Бошкоска се помоли за Јохан

Сеад Ризвановиќ	Коментари (0)

Се помоли Соња, но се помоли и Виолета. Јохан Тарчуловски попладнево доби не очекува поддршка и од сопругата на Бошковски, и тоа во моментите кога меѓусебните обвинувања на единствените двајцата Македонци на кои им се судеше во Хаг, доживеа кулминација со објавените снимки деновиве.

Стотина пријатели на Јохан, во организација на Здружение за негова поддршка, во 17 часот се собраа пред Соборниот храм. По поддржувачите, и сопругата на Тарчуловски оцени дека е повеќе од јасно дека изјавата на Бошковски го испратила Јохан во затвор.

„Земајќи предвид, нели знаеме која пресуда ја доби Јохан, и зошто, по таа изјава се се поврзува и поклопува. Не посакувам на никого лошо, господинот со таа изјава и тоа размислување, сам себе си се осуди. И да го цитирал тој документ, зошто тој тоа го направил. Значи ако министерството го издал тој документ, значи они веќе го имале, нема потреба со своето присуство и усно тоа да го потврдуваш дека е така. И немора да значи дека тоа е така. А он е свесен и знае дека тоа не беше така“, изјави Соња Тарчуловска, сопруга на Јохан.

По кратко време Тарчуловска и останатите влегоа во црквата за да запалат свеќа како симбол на светлината која Јохан зад решетки не може да ја види. Но тогаш на изненадување на сите, се појави и сопругата на Бошковски. Запали свеќа, се помоли неколку секунди и излезе од црквата, оставајќи ги присутните во шок.

„Дојдов да запалам и јас свеќа, бидејќи ова што се случува овие денови, кампањата од ДПМНЕ е неподнослива, а воедно и да и им кажам на македонската јавност, дека ако се зачудени дека Љубе дал изјава, тоа не е изјава, туку е документ од војската, а Јохан има дадено четири изјави против Бошковски“, рече Виолета Бошковска, сопруга на Љубе.

„Првенствено Јохан е чист. Досега нема дадено ни изјава, и сето она што му се припишува дека го има дадено како изјава, тоа не е вистина. Јохан се уште нема дадено дури ни пред трибуналот изјава, вели Соња Тарчуловска.

По неколку минути, сите присутни излегоа од храмот. Главна тема во нивните разговори беше појавувањето на Виолета Бошковска, кое за среќа не предизвика несакани реакции.

и сега ? ... кому да се верува