Најдобар мобилен телефон!!!!!!!!!!

Паметните телефони не слушаат на студ

Како студот делува на мобилните телефони и нивните напредни помлади браќа, паметните телефони? Дали се тие направени да го изджат остриот заб на зимата? Одредени производители не дозволуваат нивните апарати да се користат на студено време, додека други гарантираат дека ќе работат дури и на -20 степени.

iPhone-от на Apple, официјално може да се користи на температура помеѓу 0 и 35 целзуисови степени. Со други зборови, корисниците во Македонија што ќе го изнесат надвор на ова време, го прават тоа на сопствена одговорност. Во случај телефонот да престане да работи, Apple не се смета за виновен и тоа не се покрива со гаранцијата. HTC и Nokia не наведуваат во своите упатства кои се оперативните температури на нивните телефони. Samsung, од друга страна, гарантира дека нивните темепратури работат од -20 до +50 степени.

Финското издание на PC World (кое таму се вика Mikro PC) решило да испита дали производителите можат да ги исполнат своите тврдења во реални услови. Оси Јескелејнен и неговиот тим ги ставиле 15 најпродавани телефони во Финска, и три телефони за компарација, и ги ставиле во „временска соба” на Финскиот технолошки институт, специјализирана лабораторија во која температурите се спуштаат во делови од степен. Почетната температура била поставена на 0 степени, а потоа ја спуштале за по пет степени се додека и најизржливите телефони не престанале да работат.

На испит биле ставени: iPhone 4 и iPhone 4S, Nokia 700, C1-01, C2-02, C5-00, C5-03, C6-01, E7-00, N8-00, N9-00 и E65 , Samsung Galaxy Gio, Mini, S II, S Plus и Xcover и Evo 3d на HTC (со болд се обележани телефоните за споредба).

Прв паѓа iPhone 4S

На нула степени сите работеле нормално, но веќе на -5 iPhone 4S и Nokia N9 почнале да откажуваат: iPhone-от појавил грешка на SIM картичката, a N9 покажал дека батеријата е скоро празна. Кога температурата се спуштила на -10, iPhone-от веќе не можел да издржи – одеднаш објавил дека батеријата му е готова и се угасил. Сите телефони со LCD екрани имале проблеми кога температурата се спуштила под оваа. Се покажало дека AMOLED екраните подобро ја поднесуваат темературата, бидејќи продолжувале да работат. Намалувањето на температурата, покрај на екранот влијаело и на воспоставувањето на врската.

Евтиното е подобро

Повеќето паметни телефони не можеле да поднесат температура пониска од -15 или -20. Дури и кога останувале вклучени, повеќето се гаселе на секој обид да се искористат. Обичните телефони минале подобро. Ако се изземе бавноста на екраните, не покажале никакви други симптоми кога температурата била спуштена под -25 степени. На таа темепература повеќето паметни телефони станувале скоро неупотребливи. На изненадување на финските истражувачи, телефоните на јужнокорејскиот производител Samsung се покажале поиздржливи од моделите на Nokia со екрани осетливи на допир. Само еден од испитаните паметни телефони работел без проблеми на темепература под -30, и тоа самсунгов. Нивниот Galaxy S II не се угасил се додека температурата не паднала на -35. Се до тогаш не ни покажал никакви знаци на успорување на екранот.

Последна граница -40

Тие -35 се покажале како крајна граница на издржливоста за паметните телефони. Дури и најиздржливиот на Самсунг се угасил кога се обиделе да го употребат. Ни еден од тестираните паметни телефони со тактилен екран не издржал под таа граница, но затоа некои од обичните телефони работеле и покрај тоа што LCD екраните сериозно им се упориле. Меѓутоа, на -40 ни еден веќе не работел. Од вкупно 18 тестирани телефони, само два обични преживеале до овие температури: евтиниот модел на Nokia C1-01 и пет години стариот Е65, еден од трите избрани да служат за споредба. Сепак на крајот излегува дека финските режисери направиле најдобри мобилни телефони за температура под нула. Можеби не се опремени со екрани со врвна технологија, но работат! Тоа веројатно и не е изненадување, бидејќи во Финска температурите секоја година се спуштаат до -40.

Виновна е батеријата

Кога температурите ќе се спуштат телефонот мисли дека батеријата му е празна иако е полна до крај и се гаси. Во батеријата се случува хемиска реакција која произведува електрони што ја сочинуваат електричната енергија што телефонот ја користи за напојување. Брзината на таа реакција зависи од температурата – колку што е посудено толку реакцијата е побавна и струјата послаба. Ни напонот на батеријата не е стабилен. Номиналниот напон на литиум-јонските батерии обично е 3,7 волти, но во старноста е помеѓу 2,7 V (празна батерија) и 4,2 V (полна батерија). На пониски температури работи внатрешната отпорност на батеријата поради што се намалува излезниот напон. Кога напонот претерано ќе се смали и падне под прагот на напонот, телефонот заклучува дека батеријата е празна, иако е полна, и сам се гаси.

Влијанието на студот на екраните

LCD екранот има шест слоја. Течните кристали се наоѓаат помеѓу филтрите за поларизација и електродите, додека слојот со тенкослојни транзистори (TFT) се наоѓа зад екранот и тој управува со елементите на сликата (пикселите) на екранот. Кога паѓа температурата вискозноста на течните кристали расте. Во зависност од тоа кој материјал е искористен, вискозноста се заголемува за 2-3 пати на секои -10 степени. Тоа значи дека пикселот на студено побавно ја менува бојата. Кога е многу студено, пискелот е толку бавен што не успева целосно да ја смени бојата пред да се исцрта следната слика на екранот. Тогаш се чини дека екранот работи бавно и на него се појавуваат духови или сликата се заматува. Кај AMOLED екраните, боите се произведуваат со слој прекриен со органски материјал, органски светлечки диоди. Бидејќи нема течни кристали, овие екрани работат подобро на студено.

-----------------------------------------------------------------------------------------

Значи да си купиме или Самсунг или нешто од пред 3-4 години, за овие минус 28 степени