молец

Opodiphthera eucalypti
Научна класификација
Царство: Животни Тип: Arthropoda Класа: Insecta Ред: Lepidoptera

Молецот е инсект сроден со пеперутката, од истиот биолошки ред на опнокрилци (lepidoptera). Разликите меѓу молците и пеперугите се во обликот и составот на антените, поврзувањето на крилата за телото, изгледот на куклата, боите на крилата, но најзначајни особини по кои ги разликуваме се:

• Времето на активност - молците се главно активни ноќе, и
• Структурата на телото - молците имаат поздепасто и влакнесто тело и здебелени крилца.

 Економски штети од молецот             

Ларвите на домашниот молец (Tineola bisselliella) јадат волна.

Молците, односно нивните гасеници се големи земјоделски штетници во многу делови од светот. Гасениците на циганскиот молец (Lymantria dispar) предизвикуваат големи штети на шумите во северниот дел на САД.

Во Македонија најчести штетници од семејството молци се:

• губар (Porthetria dispar l.)
• жолто (Euproctis chryscorrhoea l.)
• дабов (fam. Tortricidae)
• боров четник (Thaumatopoea pityocampa Schiff.)

Tие главно ги напаѓаат шумите, и зависно од климатските услови, можат да се рашират и на површини од десетици илјади хектари.Молците се обично поотпорни на пестицидите од комарците и мувите.Иако се обвинети дека јадат облека, најголемиот дел од возрасните молци воопшто не јадат. Дури, некои видови немаат ни уста. Кога јадат, молците обично се хранат со нектар. Само ларвите од еден вид молци (Tineola bisselliella) јадат волна.

Молецот како домашно животно

Некои молци се одгледуваат, најпознати од овие се свилени буби Bombyx mori). Тие се одгледуваат заради свилата од која ја формираат кукла (чаурата).

Природни непријатели

Ноќните инсектојади често се хранат со молци: некои видови на лиљаци и буфови и птици. Исто така, и некои видови на гуштери, мачки, кучиња, глодачи па дури и мечки е забележано дека јадат молци.