Спроведува ли државата финансиски терор?

Спроведува ли државата финансиски терор?


Фирми се санкционираат за банални работи, се пишуваат драстично високи казни, буквално за ситници. По информацијата на А1 дека инспекции пустошат низ Македонија, се огласи и најголемата бизнис асоцијација во земјава.

Стопанската комора апелира државата да го намали притисокот што врз компаниите го прави преку инспекциите, бара наместо со казни, со опомени да се бара од фирмите да отстранат евентуални недостатоци.

„Ова на одреден начин е полнење на буџетот. Ние ја сфаќаме политиката на владата, дека законите треба да се почитуваат, тоа не е спорно, меѓутоа мислиме дека треба инспекциите да посветат внимание и на нивната превентивна улога, во делот што е предвиден со законот, за да сепак во стопанството не се случуваат овие работи“, вели Ацо Спасовски, Стопанска комора на Македонија.

А1 вчера објави дека годинава пазарната инспекција за неверојатни 900 проценти ја зголемила вредноста на изречените казни во однос на лани. Раст на приходите бележат и други инспекции, казнувањето драстично го зголемило и МВР.

Состојбата на терен покажува дека насекаде низ државата се затвораат фирми и дуќани, кафулиња, масовно се делат казни.

Бизнисмените се пожалија дека државата спроведува финансиски терор.

„Имаме неколку бензински пумпи кои се членови кои се затворени, исто така ресторани, текстилни фабрики во источниот дел од Македонија, но и во западна, неколку земјоделски компании кои имаат преработка и процесуирање на овошје и зеленчук“, рече Миле Бошков, конфедерација на работодавачи.

Опозицијата обвини дека власта очајно се обидува да ја наполни испразнетата буџетска каса. владата сака да собере околу 40 милиони евра повеќе во буџетот од ставките кои се дел од неданочните приходи. Само од административни такси и надоместоци планира да собере 22 милиони евра повеќе од лани.
http://a1.com.mk/vesti/default.aspx?vestID=115907


Што се однесува до мене , јас сум ЗА да се спроведуват законите но сепак мислам дека неретко се казнуват фирми за ситници и со несоодветно високи казни, а со цел по секоја цена да се наполни државната каса , за нели да има од што да цицаат буџетарите...
Но она што мене особено ми боде очи е тоа, дали инспекциите на ниво на цела држава вршат контроли или казните одат по „линија на помал отпор„ како и што досега беше пракса се удара таму каде што се може...
Само неколку примери ќе дадам:
Во Струмица инспекторите шетат секојдневно и има примери каде што за непријавен вработен се лепат казни и до 20илјади евра, од друга страна во Струга оваа година ниту еден локал не работеше легално , за плажите и да не зборуваме...
Исто така многу добро се знае дека од „оваа„страна на Бардар кафичите и дискотеките строго се држат на работното време додека од „онаа„ страна на Вардар поточно во Капан Ан работи дискотека до 7 саатот на сабајле...

Анастеа напиша: Неспорно дека законите треба да се почитуваат, но кога тоа се прави вака предизвикува оправдан револт кај граѓаните. Наместо да се обрне повеќе внимание на превентивно дејствување и припремање на теренот за спроведување на законските прописи, бидејќи знаеме дека кај нас се што е ново наидува на отпор, се отиде на варијантата спроведувањето на законите да се претвори во собирање државен арач. А и како инаку ќе ја наполнат буџетската дупка?! Минатата недела во Струмица беа пуштени над 500 разноразни инспектори, низ градот владееше страв, сите чекаа да им тропне некој инспектор на врата, барајќи нешто за казнување, ужас!

Да тоа го знам за Струмица, но дали е така во Тетово...
Таму е доволно да се прошетат само по кладилниците, мислам дека не постои легална кладилница во Тетово...Или се бројат на прсти додека во Струмица 100 пати ги затворија...
Нека одат малку да збират арач и во западна Македонија...Но дали смеат прашање е???

kultuzin напиша: Анастеа напиша: Неспорно дека законите треба да се почитуваат, но кога тоа се прави вака предизвикува оправдан револт кај граѓаните. Наместо да се обрне повеќе внимание на превентивно дејствување и припремање на теренот за спроведување на законските прописи, бидејќи знаеме дека кај нас се што е ново наидува на отпор, се отиде на варијантата спроведувањето на законите да се претвори во собирање државен арач. А и како инаку ќе ја наполнат буџетската дупка?! Минатата недела во Струмица беа пуштени над 500 разноразни инспектори, низ градот владееше страв, сите чекаа да им тропне некој инспектор на врата, барајќи нешто за казнување, ужас! Да тоа го знам за Струмица, но дали е така во Тетово... Таму е доволно да се прошетат само по кладилниците, мислам дека не постои легална кладилница во Тетово...Или се бројат на прсти додека во Струмица 100 пати ги затворија... Нека одат малку да збират арач и во западна Македонија...Но дали смеат прашање е???

има и такви на кои за жал не им е јасно ......... уште живеат во некој СВОЈ  свет

Изменето од МАРШАЛ - 06.Ноември.2009 во 09:57

МАРШАЛ напиша: има и такви на кои за жал не им е јасно ......... уште живеат во некој СВОЈ  свет

Маршале не се согласувам со вашиот коментар сакам да ви појаснам некоји работи;Државата не спроведува финансиски терор,спроведуваше кога беа комуњарите на власт,тие затввараа пломбираа продавници без потреба,а сега немаме никаков финансиски терор.Според вас ако има сакам да ми објаснете каде го гледате овој терор?

Култизин една мала забелешка и за тие кои ги нарекуваш најмали сопственици на бутици, пекари и сл.....имено господата невини пекари и сопственици на бутици, бижутерии имаат во просек по двајца вработени на кои со години не им плаќаат никакви придонеси и не ги пријавуваат, бидејќи не им се исплати нели и за кои боледување е мислена именка. А плата им даваат кога ќе им текне, со изговор дека слаб бил прометот месецот.(мижи асан да ти баам)

Не треба од нас да прават Скандинавци, доста е да направат примерни граѓани
Има небулозни закони, тука апсолутно се согласувам, како и небулозни висини на казни ( напишав веќе- за не опоменување ученик да ги чува уЧебниците 5 000 евра за наставник кој месечно заработува 300 евра)  но има работи кои море да се средат со казни.
Неколку банални работи кои бодат очиЧ
- Локалните татковци средиле детски паркови со љуљашки и други тракатанци- дури грб свртиле малку поголеми деца го поиспокршиле- Зарем не треба казна?
-10 минути стојат деца пред училиште да поминат на пешачки премин, ниеден не застанува, возат ко на рели трки- Зарем треба да му се прости?
- за плата од 100 евра во гранапче маалско работи продавачка и сабота и недела/ празници од јутра до сутра непријавена и дури мора да лаже ако дојде инспекција (за која навреме се информирани газдите за да се тука) дека не работи туку пазари
-продажба на разноразни дребулии по работни организации или по влезови, без фискална, без можност за рекламација ако нешто не чини. (јас купив 15 кг грав по 150 ден.оти бил многу убав а на пазар имало и за 120)
Е за такви казни зборуваме, никој кај нас не почитува а сите се вадиме на големите газди кој впрочем и не се толку големи затоа што досегашното искуство покажало дека стојат онака фигуративно, а се ортаци со политичките партии и делат, па по завршувањето на владеењето на нивните, завршуваат со лисици на рацете и потврда за претпрен страв и неможност за следење на судењето па државата им плаќа и психијатар за давање мислење.  Народната вели - Видела жабата го потковуваат коњот па и таа дигнала нога!