1. Св. Јаков епископ и исповедник. Не се знае ни местото на неговото раѓање ниту местото на неговото епископствување. Се знае само дека го исполнил законот Христов подвизувајќи се многу во постот и молитвата и дека, во времето на Копроним, големи беди и маки претрпел од иконоборците: и глад, и самица, и потсмевање од секој вид. Најпосле Му ја предал душата своја на Бога, на Кого верно Му служел во овој живот. Живеел и страдал во VIII век.

2. Преп. Кирил еп. Катански, во Сицилија. Родум од Антиохија и ученик на апостол Петар. Добро управувал со стадото Христово. Имал и дар на чудотворство со помош на молитвата. Така, некоја горчлива вода што не можела да се пие - а во тоа место друга вода во лето немало - со молитва ја претворил во слатка, питка вода. Се упокоил мирно.

СОЗЕРЦАНИЕ

Да Го набљудувам Господа Исуса распнат на крстот, и тоа:

1. главата Негова со рани од трновиот венец;

2. очите Негови, затворени од болка;

3. устата Негова, исушена од жед.

БЕСЕДА

за Првиот и Последниот, ¤ивиот

Не бој се, Јас сум Првиот и Последниот и ¤ивиот. Бев мртов, и, ете, жив сум за сите векови. Амин! (Откр. 1:18).

Така му рекол Господ Исус на Својот љубен ученик Јован во визија на островот Патмос. Од што да не се плаши? Не плаши се од гонењето на Црквата од страна на незнабожците. Не плаши се од мачителите, кои ги мачат моите верни на сите страни. Не плаши се од царевите кои подигаат гонење против христијаните. Не плаши се од силните моќници на овој свет кои се исмејуваат на Моето понижување и на Мојата смрт. Не плаши се од демоните што ги заслепуваат луѓето со страстите за да не ја видат вистината што ја донесов Јас во светот. Не плаши се од ништо!

Како да не се бојам, Господи, кога целиот свет е до заби наоружен и собран против нас, малобројните и ненаороужаните, како да не се плашам?

Не плаши се, бидејќи Јас сум прв и последен, алфа и омега. А сите тие војски наоружани против вас се ништо и се како еден минлив виор на мртовци. Јас сум од пред времето и Јас сум по времето, пред почетокот на сé и по завршетокот на сé создадено, Јас сум. А тие сите се заклучени во еден миг од времето што Јас на секого сум му го одмерил и повеќе од тој миг не можат да се спружат.

Не плаши се, бидејќи Јас бев мртов и еве оживев. Ни од смртта не бој се. Јас сум пред смртта и по смртта. Смртта ми е слуга и Јас го пуштив Својот слуга во светот да ми служи. И Јас се предадов на Својот слуга за три дена и му наредив да Ме пушти, и еве, жив сум. Јас сум сопственик на смртта како и на животот. Јас сум сопственик на времето како на вечност. Не плаши се! За вечни векови Јас сум жив. И ти ќе бидеш жив со Мене. И сите оние коишто ќе Ми останат верни и не се исплашат ќе бидат живи со Мене. Не плаши се, Јас сум - алфа и омега.

Господи вечен и бесмртен, дај овие Твои свети зборови да одекнуваат во душите на Твоите верни кога и да се подигне гонење на светата Твоја Црква. Да не се плашиме, држејќи се за Твојата десна рака. На Тебе слава и вечна пофалба. Амин.

РАСУДУВАЊЕ

Дури ни со маките на крстот Господ Исус не ги осудил грешниците туку го изнел пред Својот Отец извинувањето за нивниот грев, велејќи: 'Не знаат што прават!" И ние да не судиме никого за да не бидеме осудени. Бидејќи никој не е сигурен дека и тој до смртта нема да го направи оној ист грев за кој го осудува својот брат. Св. Атанасиј Синајски поучува: 'Ако видиш дека некој греши, не осудувај го, бидејќи не знаеш како тој ќе го доврши својот живот. Оној разбојник распнат со Исуса беше човекоубиец. Јуда, пак, беше апостол Христов, па сепак, разбојникот влезе во Царството, а апостолот отиде во пеколот. Ако и видиш дека некој греши, ти не ги знаеш неговите добри дела. Бидејќи многумина погрешија јавно, а се покајаа тајно, ние ги гледаме нивните гревови, а нивното покајание не го знаеме. Затоа, браќа, никого да не осудуваме за да не бидеме осудени".

СОЗЕРЦАНИЕ

Да Го набљудувам Господа Исуса распнат на крстот, и тоа:

1. како е безгранична Неговата љубов за луѓето заслепени од гревот;

2. како на крстот Неговите мисли се повеќе упатени кон Отецот небесен отколку кон Себе;

3. како на крстот Неговите грижи се повеќе упатени кон луѓето отколку кон Себе;

4. како на крстот Он е сигурен во Својата победа и воскресението.

РАСУДУВАЊЕ

Св. Пафнутиј го молел Бога да му открие на кого е тој (Пафнутиј) сличен. И слушнал глас кој му рекол: 'Сличен си на трговец кој бара добри бисери, стани и не биди мрзлив!" Но Бог не би рекол на секој од нас дека сме слични на трговец кој бара добри бисери, бидејќи многумина од нас не бараат бисери туку се затрупуваат со подебели слоеви на евтина прашина. Не е с# бисер што мрежата ќе го извади од дното на морето туку тиња и песок. Но тие што не знаат се грабат за  тињата и песокта како по бисери. Само трговецот кој го познава добриот бисер ја фрла мрежата во морето безброј пати и ја извлекува, истурајќи ги тињата и песокот додека не најде едно зрно бисер. Зошто Бог го споредува Пафнутија со трговец? Затоа што Пафнутиј го дал целиот свој имот и вложил голем труд и целото свое време некако да дојде до едно зрно вистински бисер. Тоа зрно вистински бисер е очистеното срце од страстите и лошите помисли и е загреано со пламенот на љубовта кон Бога. Стани и ти, човеку, и не биди мрзлив! Твојот пазарен ден се приближува кон првиот мрак.

СОЗЕРЦАНИЕ

Да Го набљудувам Господа Исуса распнат на крстот, и тоа:

1. како сострадалната љубов кон луѓето кај Него не се смалила заради Неговите маки;

2. како со љубов $ пружа на мајката утеха, укажувајќи на Јована како на син, наместо на Себе;

24 МАРТ/6 АПРИЛ

1. Св. Артемон еп. Селевкиски. Во Селевкија е роден и воспитан. Кога св. апостол Павле дошол во тој град, го видел Артемона, го утврдил уште повеќе во верата Христова и го поставил за епископ на тој град. Артемон со љубов и ревност управувал со словесното стадо Христово, бил лекар на душите и телата човечки и се преселил во вечноста во длабока старост.

2. Преп. Јаков Исповедник. Пострадал за иконите од царот Лав Ерменецот. Бил монах и собрат на Студитскиот манастир. Па кога великиот Теодор Студит бил во затвор, Јаков го ставиле на големи маки за да се одрече од иконопочитувањето. Но тој останал истраен и верен на православието до крај. Претепан и измачен го вратиле назад во манастирот кога лошиот цар Лав лошо го завршил животот. Во манастирот умрел од тешките рани и се преселил меѓу небесните граѓани.