ПРЕГОВОРИ ЗА ИМЕТО - 1

real напиша: Хмм, точно, Македонија е мултиетничка држава која ја сочинуваат повеќе етноси.

Анастеа напиша: Хмм, точно, Македонија е мултиетничка држава која ја сочинуваат повеќе етноси. И како таква, државата пак се идентификува со името Македонија. Исто како и Грција - држава во која живеат повеќе етноси, иако непризнаени, но по државјанство (или националност) сите се грци. А државата се вика Грција. И никој не бара од нив да си го променат името, само затоа што покрај грците таму живеат и други етноси. Зошто пак тие би барале од нас такво нешто, поткрепено со вакво ступидно “оправдание“? Ако ми ја сфаќаш поентата.... иако Папуљас со изјавата сакаше да каже нешто друго, не ова што ти го потенцираш.

 

real напиша: Папуљас не сака да биде кум на Македонија    Нимиц чека на сигнали од Македонија и Грција за да закаже нова рунда преговори – ова денеска го соопшти генералниот секретар на ОН од Атина по средбите со грчкиот државен врв. Бан Ки Мун охрабрува двете страни да ги продолжат преговорите за да се најде решение. „Се надевам дека специјалниот претставник Метју Нимиц, ќе ја задржи досегашната динамика во разговорите со Поранешната југословенска Република Македонија. Во разговорите со Грција, му реков на Премиерот дека специјалниот претставник стои на располагање за да започнат одново преговорите, што ќе бидат подготени двете страни. Премиерот ми одговори дека Грција е подготвена и целосно ја поддржува координативната улога на мојот специјален претставник, изјави Бан Ки Мун – генерален секретар на ОН. Во врска со прашањето за името, претседателот Папуљас на генералниот секретар на ОН, му ја повтори грчката позиција - сложено име со географска одредница за сите употреби, и истакна дека проблемот е едноставен. „Географската област Македонија е мултиетнички регион од средниот век, и не е татковина на еден народ. Ја нарекуваат нивната земја "Македонија" и јазик "македонски", бидејќи преку овие имиња се обидуваат да обезбедат залог од целината Македонија. За да се постигне оваа цел се и реториката за големата поделена македонска татковина. Грција не сака да биде кум на соседната земја. Само се противи на гореспоменатиот обид за узурпација“, изјави Каролос Папуљас – претседател на Грција. Грчкиот Премиер Папандреу го уверувал генералниот секретар на ОН дека Грција сака решение на спорот. „Имавме можност да осврнеме и на разговорите за решавање на кипарскиот проблем како и за случувањата во разликите околу името со Поранешната југословенска Република Македонија. Го известив генералниот секретар за последните иницијативи што се преземаат во таа насока, се со цел да се најде решение на промлемот со кипар, но секако и обидите да се реши спорот со името со ФИРОМ, изјави Јоргос Папандреу – претседател на влада на Грција. Последната средба на медијаторот Нимиц со преговарачите Јолевски и Васликаис беше пред 4 месеци. Се чекаше на изборите во Грција за да биде закажана нова. Но продолжение на преговорите до овој момент нема, а нема и информации – зошто. Пораката на Бан Ки Мун од Атина е двете страни да седнат на заедничка маса што поскоро. Генералниот секретар на ОН дводневната посета на Атина ја завршува утре. Бан Ки Мун во текот на утрешниот ден ќе го посети Парламентот каде што ќе му биде врачен златен медал за специјалната улога што ја имаат ОН во соработката меѓу земјите и народите.    http://www.kanal5.com.mk/default.aspx?mId=37&egId=13&eventId=54987 04.11.2009

 

Мислам дека треба да го повторам мојот став , дека Македонија треба да излезе од преговорите ...
А вакви изјави како оваа на претседателот на Гејланд е уште една причина повеќе, јасно кажува дека му смета македонскиот народ, македонскиот јазик, а името и така и така , мислам дека повеќе не е потребно...

“Ако немаше сиромаштија, немаше да има херои“... а кај нас на тони ги има! Ако во минатото идентитетот не беше ниту спомнуван, сега дојде редот јазикот и идентитетот да ни се оспорува.... ова веќе ме разгневува

Има една поговорка и вели вака:

Ако планираш за една година- посади ориз, ако планираш за десет години-посади дрво, ако пак, планираш за сто години- образувај го својот народ!

Златник, “западот“ да сакаше да ни стори нешто што ние упорно тврдиме, досега ке го стореше без око да им трепне. Земи го примерот, Србија и Косово. План, сценарио, припрема, акција и буумммм....

Нам ни се даде шанса, проблемот е потписот во ООН кој упорно го повторувам и обврската за наоѓање на решение во спорот со името. Зошто едноставно тој дел го одбегнуваме?

Значи, Македонија се ОБВРЗУВА од ООН (институција која и дава ДЕЈУРЕ на државата за да учествува во сите меѓународни институции како легално правна држава) да изнајде решение. И според меѓународните закони, таа одлука е ОБВРЗУВАЧКА.

Тоа што владите во Македонија вметнаа негативна енергија, обидувајки се да се одбегне од таа обврска е друг проблем а не проблем на западните, источните или која било друга страна! Грција е во подобра позиција во секој случај, и ги користи сите дипломатски пријатели за да си обезбеди што подобра позиција за името. Кој нам ни е крив кога од една страна ги обвинуваме сите западни земји а од друга страна сакаме пријателство со нив, влез во НАТО и ЕЗ, па дури и во платформите на сите политички партии стои дека ке се изборат за влез во тие институции.

Зошто тогаш ги гласа народот ако знаат дека во нивните платформи, партиите се залагаат за влез во “непријателските институции“ насочени кон Република Македонија?

Иронично, нели?

П.С. - Дали ние воопшто имаме пријатели? На крајот ке испадне дека цел свет нас не не сака ако погледнеме дека со ниту еден сосед немаме добро-соседски односи. На западот им се “удвараме“ иако они тоа го знаат. Русија не не рецка поради Србија и Грција. Кој нам ни е пријател? КОНГО?

Изменето од Buggyman - 04.Ноември.2009 во 23:12

Се мобилизираат сите актери за притисок за името
     
Не само странците, туку и невладиниот сектор, дел поранешни претседатели и премиери, албанскиот политички блок и дел медиуми во периодов вршат силен притисок врз Владата да се реши спорот за името до декември


     
     
„Грчката шлаканица од Бук*решт да не ни се повтори во ЕУ.“

„Без решение за името ќе пропуштиме златна шанса.“

„Албанците со и без Македонија ќе влезат во НАТО и ЕУ.“

„Времето за решавање на спорот за името не се мери со секунди, туку со стотинки.“

„Македонија нема маневарски простор за името.“

Ваквите изјави дадени од страна на поранешни високи политичари, невладиниот сектор и албанскиот политички блок покажуваат дека се мобилизираат сите фактори за да се изврши притисок врз Владата за да се реши спорот со Грција до Самитот на министри на ЕУ во декември. Притисокот од евродипломатите што без ракавици бараат од земјава да се реши долгогодишниот спор за да се избегне грчкото вето во ЕУ, е засилен од страна на невладините организации, дел од поранешните претседатели и премиери, партиите на Албанците, опозицијата и медиумите.

Аналитичарите објаснуваат дека меѓународната заедница со помош на овие „фактори“ се обидува да изврши крупен притисок со цел да се реши името.

Љубчо Георгиевски, Киро Глигоров и Васил Тупурковски се дел од екс политичарите што се јавија во јавноста со свој став за спорот со Грција. Поранешниот претседател Глигоров во интервју за грчкиот весник „Прото тема“ неодамна изјави оти за него е смешно што некои македонски историчари тврдат дека овде сме доселени 2.000 години пред Александар Македонски. Глигоров во интервјуто вели дека и двете земји треба да направат отстапки за да се реши спорот. Професорот Тупурковски, пак, деновиве порача дека Македонија нема маневарски простор за името. Екс премиерот Георгиевски иронично забележа дека му е жал што левицата прва сфатила дека промената на името е неминовна.

- Со задоволство ќе гледам како истите тие што велеа дека не смее да се смени името, сега ќе тврдат дека тоа не само што не е лошо, туку е и добро - истакна Георгиевски.

Силен притисок за името се чувствува и од ДУИ која и даде рок на Владата до декември да испорача до меѓународниот фактор и до Грција гаранција дека има подготвеност да се реши спорот. Опозицијата и невладиниот сектор се приклучија кон зачестениот притисок од ЕУ да се реши спорот до декември.

Иван Дамјановски, политиколог од Институтот за демократија, смета дека доаѓа момент кога се мобилизираат сите сили за да се изврши притисок со цел да се избегне грчкото вето во Советот на министри.

- Меѓународната заедница гледа поволен момент за ги мобилизира сите фактори со цел да го постигне решение за името затоа што е јасно дека Грција има право да стави вето. И пред Бук*решт имаше притисок зашто беше јасно дека ќе има блокада - вели Дамјановски.

Поранешниот амбасадор во НАТО и професор Нано Ружин објаснува дека постои цела маса на актери што вршат притисок да се фати возот за ЕУ.

- Постои институционален притисок од страна на еврократите и блиските пријатели на Македонија кои сакаат да не дисциплинираат, но и цела маса на актери каде спаѓаат политичари, невладини организации, политичари и интелектуалци кои размислуваат прогресивно и пофлексибилно и препорачуваат дека Груевски треба да попушти за да добиеме членство во НАТО и почеток на преговори со ЕУ - смета Ружин.

Професорот Назми Маличи смета дека притисокот од дипломатите и интелектуалците е позитивен затоа што покажува дека постои интерес за тоа земјата да продолжи напред со евроинтеграциите.




Што се случуваше пред Бук*решт?

Сликата на секојдневен притисок преку препораките да се реши спорот за името што доаѓаа од меѓународната заедница, но и од домашната политичка и стручна јавност можеше да се види и лани пред самитот на НАТО во Бук*решт. Стејт департментот во неколку наврати апелираше да се најде решение за името за да се избегне грчкото вето во Бук*решт. Тогаш, министерот за надворешни работи на Луксембург, Жан Аселборн порача дека зачленувањето во НАТО е поважно од името на една земја. Непосредно пред Бук*решт, Владата ја потресе напуштањето на владината коалиција од Мендух Тачи со објаснување дека Груевски одбил да ги прифати шесте барања на ДПА, за кои партискиот лидер објасни оти биле услов за влез во НАТО. Тачи тогаш објасни дека со напуштањето на Владата не сакал да им помогне на Грците во спорот околу името.     

Извор : Нова Македонија

Многу добар текст , мислам дека треба да се прочита затоа што најдобро ја отсликува моменталната состојба каде што освен надворешен имаме силен внатрешен притисок...