Survivor Србија

Љубовни искрички меѓу нашата Ана и Његош на островот Карамоан

Ситуацијата во најсуровото и најекстремното реално шоу Сурвиворр по една недела значително се менува, работите полека се кристализираат, а на повидок е и првата романса. Како што пишува српскиот весник "Блиц" нашата Ана Стојановска и Босанецот Његош Арнаутовиќ веќе јавно ги покажуваат симпатиите кои ги имаат еден кон друг. Његош и Ана. Наводно се зближиле во автобусот кој ги возел до полуостровот Карамоан на Филипините. "Његош ми се бендиса уште во автобусот кој не возеше до полуостровот. Поточно, се запознавме, тој ми кажа дека е од Босна, а јас му кажав дека и баба ми е од Босна. Тогаш ми рече дека сигурно поради тоа сум добар човек. Некако ми се допадна. Но, само другарски", вели на смеа Ана и додава дека е многу позитивен и станал заштитнички настроен кон неа, а тоа и годело. На прашањето дали меѓу неа и Његош постои нешто повеќе од пријателство, Ана низ смеа одговара: "Ма неее.. ! Сето тоа беше другарски, а тоа галење по коса беше онака случајно", тврди Ана. Босанецот Његош исто така ги потврдува тврдењата на Ана. "Мислам дека не постои ништо повеќе од пријателство. Ана ми годи бидејќи секогаш е насмеана, позитивна. Некако ме извлекува од целата ситуација во која сме, ми ги одвлекува мислите од гладот и лошите услови. Енергична е. Мислам дека е станува збор само за пријателство, е сега... не знам дали од нејзина страна нешто постои", вели Његош.