Албанците и нивните права

Абе не се лоши идеите и размислувањата во постовите на Real.....

ninja_34 напиша: Абе не се лоши идеите и размислувањата во постовите на Real.....   Ама кога ќе прочитам дека некој ги поткрепува своите гледишта и убедувања, со нагласување на одреден политички субјект...тука паѓа во вода и искреноста и добрите заложби....   Сепак, мислам дека тука сме за да искажеме свои мислења и убедувања а не да претставуваме потпароли и рекламни паноа за политичарите....

....bog da chuva!...( me mrzi da si go baram popcheto ) .......

Вчера Тачи имаше интересен настап на ТВ, дури и бајаги ја збуни Оливера Трајковска.

Не кажа нешто ново- но беше впечатливо....може си вика, дај да бидам подециден, Македонциве конечно да разберат.

.....Него не го интересира во која држава живеат албанците и како се вика/ќе се вика таа држава-конечно во името нема ништо што го обележува албанскиот етникум. Нив им се важни евроинтерациите, и затоа се во игра со Мк, инаку тие најмногу би сакале да живеат во една држава, сите Албанци.
Бидејќи низ призма на бројки, Албанците се скоро изедначени со Мк (?), така треба да биде и во сите институции во кои се носат одлуки од заеднички интерес: тие не сакаат веќе да бидат надгласувани.
Четвртина од буџетот се пари на Албанците, и тие треба да си ги трошат само за нивни цели. ( кога Албанциве низ државава станаа толку ревносни плаќачи на даноци...и воопшто на сметки? Можеби мисли на тие Албанци кои се во администрација, а си ’’работат’’ од дома?)

Па некако ми зазвуче на овие европски струи кои стануваат погласни во последно време ( Франција, Германија, Англија) а кои пополека го преиспитуваат моделот на мултукулти: ние сме различна култура, религија, менталитет, и сакаме да си ја негуваме таа наша посебност, вели Тачи. На пример, тој кога оди на лекар, прво прашува што е лекарот, албанец или македонец. Нему му е важно тоа, оти е прашање на имање доверба во лекарот.

Си викам, чекај малку, ние сеуште вежбаме соживот, не сме стигнале до тоа напредно ниво.
Всушност, тажно е. Тажно е што толку се вложи труд и отстапки за градење соживот, а од друга страна македонецот не е способен да ги брани своите интереси во светот и да се заложува за себеси така како што знае албанецот. Како и би знаел, кога е тврдоглаво заглавен во минатото и се бави со труимфални капии, и со лични егоистични интереси. А кога вака ќе го слушнете лидерот на втората албанска партија во Македонија, па не можете/не смеете да го игнорирате тоа!!

Времето нема секако да стои и да не чека да се освестиме и вратиме во реалноста и да ги решиме проблемите: или ќе бидеме активни учесници во општеството, или ќе останеме статисти.



Изменето од Kali - 08.Октомври.2010 во 13:26

Koга сето тоа кое го говори за буџетот и сите други нешта ќе има правна основа, тогаш и нека бара некакви права.

Во однос на бројките, пописот ќе покаже кој е изедначен со кого.

А за името, одамна е јасно дека на одреден дел не им е гајле за името, туку приоритет им се други опции.

Се согласувам со кажаното од Kali, македонската држава не е способна да излезе на крај со определени прашања, а за жал тие прашања се последица на нерешавање на некои други прашања во минатото на соодветен начин и примена на сите средства кои ги има државата.

И ова е дел од општественото живеење..да не речам од скојдневната мулти политика во Македонија.


Posted by in Некатегоризирано.
trackback

ПРАВНА ДРЖАВА НА ОХРИДСКИ НАЧИН

На Теута Арифи и беа потребни девет години за да каже дека насилството не е при­фатливо, ни етички ни политички. Мнозина од нас го знаеа тоа и пред 2001, но таа чекаше на таква норма во Рамковниот договор кој се извојува токму со на­силство. Но, таа сега изигрува Емил Зо­ла: обвинува дека власта е таа која пот­тик­нува на­сил­ство, дека со насилство од­го­ва­ра на оние кои се фатиле за оружје. Об­­винува за егзекуции на лица, чија пре­зумп­ција на не­ви­ност била нарушена, без оглед што меѓу дотичните имаше лица со правосилни суд­ски пре­суди и так­ви обви­не­ти за воени злосторства. Иако спо­де­­­лувам заг­ри­же­ност околу начинот на изве­ду­вање на секоја полициска акција во која има чо­веч­ки жртви, сепак не мо­жам да ја сфатам како е можно да тврди дека се егзекутирани и тоа само за­ра­ди ет­нич­­ката при­­падност. Ваквите тези ја стигматизираат и навредуваат целата ал­­бан­­ска заедница, бидејќи во исти кош со криминалци се ставаат сите чесни и ми­рољубиви луѓе, на кои на памет не им паѓа да шверцуваат оружје. Чуден на­чин да се покаже дека нема контрадикција меѓу европезимот и облиците на „им­пле­ментација“ на Рамковниот договор, милом или силом. Не знам за вас, ама мене ова ми личи на класична легитимација на на­сил­ство, па дури и пре­­дуп­ре­ду­­­­ва­­ње дека ако се продолжи со моноетничката по­ли­ти­ка на „маке­дон­ски­­от парт­­нер“ на сè поголем број Албанци може да им пад­не на­памет да се воо­­ружат. Јас ќе застанам во од­­­бра­на на достоинството на моите сограѓани Албанци. Или сум јас наивна, или имам повисоко мислење и респект за Албанците од нивната пар­ламентарка. Точ­­но е единствено дека до вис­тин­ско разоружување никогаш и е дојде, неле­гал­ната тргоција со оружје и нар­ко­тици цвета, а како и во секое пост­кон­ф­ликтно општество во­е­но­то насилство се трансформира во криминално од­не­сување.

Девет години правото ни се сервира на ох­рид­­ски на­чин (вклу­чувајќи го и Ус­тавниот суд, кој замислете требал да одлу­чу­ва по ет­нич­ки клуч, божем ус­тав­нос­та и законитоста се ценат низ етнички очила). Пос­то­јано одиме како по јајца, за да не се предизвикало вознемирување, излегување на ал­бан­скиот партнер од влас­та или да не дошло до дестабилизација. Во оваа др­жа­ва сите зна­ат што е право – и оние во собраниската комисија и оние кои бло­кираат ули­­­ци и про­тес­ти­раат, и јавното мислење. Сите, освен ис­траж­ните су­дии, об­ви­ни­телството и су­до­вите. За Сопот се вели дека била јав­на тајна де­ка лу­ѓето биле невини, а плус и еден (бивш) амбасадор изразил сом­невање де­ка станувало збор за вистинските сто­­рители. За последната по­ли­цис­ка акција си­те знаат подобро и од разуз­на­вач­ки­те органи и од специјалните сили. Зим­бе­ри рече дека тој, на пример, би се спра­вил со таква ситуација со еден ка­лаш­њиков. Да му веруваме на збор, си знае човекот! Ниту еден единствен албански интелектуалец не се насекира и не по­бара правда за оние несреќници ма­сакрирани кај Веј­це (дури и „не зна­ат“ дека Женевските конвенции важат и за оне­способени ли­ца во униформа). Не­ма ни збор за ци­вилите дигнати во воз­дух кај „Бри­о­ни“. Ба­рем Мав­ров­ски­те работници, а преку нив и си­те ние, да ви­девме де­ка во Ма­ке­донија постои прав­да за сите. Апс­тракт­ната „осуда“ на на­­силството веќе не е доволна. Нема ни морална осуда за скрнавењето на спо­мен обележјата, нема тронка респект за ра­се­лените и за имплементација на Ох­рид­ски­от договор во оваа ди­мен­зија. Не е доз­воливо сите да се академици, ен­ци­клопедисти, или ис­тражни органи, судии и толкувачи на закони. Не­ка пре­с­та­нат да се кри­јат зад ам­нестијата и да бараат тол­кување на нешто што е ре­гу­лирано со ме­ѓу­на­род­но право кое не зас­та­рува. По­веќе од влез во ЕУ, ми значи да живеам во држава во која вла­дее правото, во кое нема „чув­ст­ви­тел­ни“ граѓани кои ба­ра­ат да бидат изземени од законот, зош­то од очај ќе фателе оружје. Доста е од коа­ли­ции по цена на па­зарења со нешто за што не смее да има па­зар, и од власт во ко­ја зако­но­дав­на­та и извршната власт мо­жат да и на­ло­жат на суд­ска­та како да се од­не­су­ва заради мир во куќата. По­ли­тиката на уцени не са­мо што ја минира се­ко­ја помисла на правна држава, туку ја осуетува и се­ко­­ја идеја за демократско општество. Ра­ди­кали­за­ци­ја­­та на една заед­ни­ца има соодветен ефект и кај другата. Постои праг на толе­ран­ци­ја на уцените, на изи­грување жртви на ет­но­цен­три­зам на оние кои во­ју­­ваа за биет­нич­­ност, униш­ту­­вајќи ја автентичната мул­ти­ет­нич­ка суштина на Ма­­кедонија. Не може (не)­­за­до­­­вол­ството на чет­вр­ти­­на од населението да биде услов за мирот и спокојството на оста­на­тите. Владата не ја заслужува мојата доверба ни ден по­веќе, се до­де­ка се па­зари за нешта за кои нема пазар и се меша во спро­ве­дува­ње­то на прав­да­та.

vlad0 напиша: по моја логика албанците треба да имаат права само во албанија(сепак се албанци), ај што се населија во македонија туку сега сакаат и споменици да прават од нивната „историја„тоа не треба да им се дозволи(се надевам дека нема да се навредат албанските членови на форумов(доколку ги има))

Tvoe pravo e da mislis i da iskazes svoe mislenje, a nemora da znaci deka si vo PRAVO

Изменето од Анастеа - 22.Октомври.2010 во 23:51