Љубовта умира

Многу работи ги двојат мажите и жените. Една од нив е тоа што жените размислуваат со срце, а мажите со разум. Но, ова веќе го знаевте. Друга работа по која се разликуваат е предвидливоста, со ова се согласуваат и истражувачите.

Предвидливоста кај мажите.

Мажите може секоја сабота да гледаат фудбал, со месеци да ги носат истите патики, да излегуваат на 3 места иако има уште 50 локации во градот... едноставно уживаат во повторливите активности.

Штом стигнат до моментот „имам сериозна врска"  или „се оженив", тогаш сметајте ја непредвидливоста за умрена. За нив тоа е моментот кога може да се олабават и да уживаат во секојдневната рутина. Работата е тоа што тие навистина уживаат во тоа.

Еве ја шемата по која функционираат:

ВИЗУЕЛНА АТРАКЦИЈА што води кон РАЗУМСКА СЕКУСАЛНА КОНЕКЦИЈА.

Момците имаат емоции, но нивната здодевност нема никаква врска со нив,  а и немаат навика да ги изразуваат јавно. Нив им е здодевно кога нема акција.

Предвидливоста кај жените.

Која жена може да поднесе да ги носи истите чевли еден месец, да излегува само по дискотеки и да се смее стоти пат за истата глупост?

Жените сакаат изненадувања, неочекувани промени и постојано променливи емоции. Жената не може да опстане ако не е под влијание на некое чувство. За да ја разбијат монотонијата и да се почувствуваат живи, тие често предизвикуваат кавги без мотив.

Еве ја шемата по која функционираат:

ЕМОЦИИ (особено вербално изразени) од кои се раѓа ПРИВЛЕЧНОСТ за на крај да донесе ЕМОЦИОНАЛНА СЕКСУАЛНА КОНЕКЦИЈА.

За жал, и овој пат мажите ни се виновни. Всушност, виновна е природата, а нејзе не сме во состојба да ѝ судиме. Како што стојат работите, пред вас има две опции.

Прва опција: Не чекајте само на него. Тој е таков и залудно му зборувате. Ќе биде сменет првите три дена за потоа пак да ви се јавува во стандардното време. Сами направете си да ви биде забавно. Гледајќи ве вас, со текот на времето ќе му послужите како пример.

Втора опција: Објаснете му на партнерот како функционира женскиот мозок. Ако не можете да најдете зборови, испратете му ја статијава. Многу работи ќе му се разјаснат  ако се потруди да се самоанализира себеси, а и вас. Соочувањето со фактите е добар почеток за воведување промени.