Вистина или фарса - Реформите во здравството

Пет фирми во трка за големиот тендер со медицинска опрема

Според Министерството за здравство, тендерот е успешен иако за некои сегменти има само по една понуда

Јасмина Јовановска

Само пет фирми се во конк*ренција за големиот тендер со кој треба да се набави медицинска опрема за потребите на болниците и клиниките. Толку фирми вчера се јавија на јавното отворање во Министерството за здравство. Во трка се германски „Нихон коден“, кој нуди јапонска опрема, словенечката „Белимед“, јапонската „Шиматцу“ преку претставништвото во Загреб, грчката „Папапостолу“ преку македонската фирма „Би мек“ и холандската „Симед интернационал“, која ја понуди опремата на „Сименс“ и „Генерал електрикс“. Од 21 лот, односно сегменти на колку што е поделен тендерот, за пет лота имаше по две понуди, додека за другите има само по една понуда, а за апарат за Пе-Ха метрија немаше ниту една понуда. И покрај ова, за претседателот на тендерската комисија, Фатмир Авмедовски од Министерството за здравство, тендерот е успешен.

„Валидна е и една понуда, врз основа на што може да се направи избор за купување на опремата“, вели Авмедовски, повикувајќи се на Законот за јавни набавки.