Тежината на кажаниот збор

Тест за грип крена паника во градинка

Тревогата се кренала откако вработените дознале дека брат на едно од децата, кој е средношколец, е на испитување поради сомневање дека е заразен од новиот вирус, па им се јавувале на родителите да си ги земаат децата дома

Сомнителен случај на свински грип во градинка во скопската општина Аеродром вчера ги исплаши родителите, откако на неколкумина им се јавиле воспитувачки и им препорачале децата да ги однесат на контрола кај матичниот лекар. Паниката се кренала откако вработените дознале дека брат на едно од децата, кој е средношколец, е на испитување поради сомневање оти е заразен од новиот вирус. Веднаш била известена и санитарна и здравствена инспекција и Заводот за јавно здравје.

Комисијата за пандемичен грип потврди дека вчера имало нови 42 болни од грипот А (Х1Н1), а вкупниот број се зголемил на 240. Епидемиолозите вчера решиле дека откако ќе има 300 потврдени случаи, лабораториската анализа ќе се прави само за пациентите со тешка клиничка слика за кои е неопходен болнички третман, потоа за хронично болни лица, за бремени жени и кај деца до 36-месечна возраст, кои ќе добијат симптоми на болеста.

Повеќе од 50 потврдени случаи на грип веќе има кај ученици од основните и средните училишта во Скопје. Во градинките до вчера официјално не е пријавен ниту еден болен.

- Ни кажаа децата да ги носиме на лекар за да направиме контрола, а некои родители се вознемирија дека децата можеби ќе треба да пијат и од лекот „тамифлу“. Кој нема каде да ги остави децата, мора да ги носи во градинка - вели една мајка на дете што оди во оваа градинка.

Надлежните од оваа установа вчера не сакаа многу да зборуваат за случајот.

- Ова се само превентивни мерки. Досега немаме болно дете од новиот грип. Стравот се појави, бидејќи брат на едно дете од нашата градинка се' уште чека резултати дали е болен од новиот грип. Учителките се такви. Можеби за да си одат порано дома им рекле на родителите да ги носат децата на контрола. Ние водиме евиденција и ги преземеме сите мерки за заштита - ни изјавија одговорни во градинката.

Ако бројот на болните почне да се зголемува и кај предучилишните деца, први установи што ќе се затвораат се градинките поради чувствителноста на најмладата популација.

Во Државниот санитарен инспекторат вчера ни потврдија дека нема пречка дете да не оди во градинка ако во семејството има болен или сомнителен случај.

- Ако детето е здраво, може да оди во градинка или на училиште, но ако има симптоми, не треба да оди за да не им ја пренесе болеста на другите деца - ни изјавија инспекторите.

Поради неработниот ден, вчера не работеа матичните лекари, туку само дежурните служби. Тоа создаде дополнителен хаос кај родителите и другите пациенти што бараа лекарска помош. Но, бидејќи состојбата е на чекор пред епидемија, на Клиниката за инфективни болести велат дека ако некој не може да извади упат, ќе биде прегледан и без него.

Љубица Балабан

Епидемија од грип на секои 30-40 години

Епидемиолозите проценуваат дека кај нас се очекува епидемија или пандемија на секои 30 или 40 години, кога ослабнува или се менува типот на вирусот.

- Токму сега е годината кога се промени типот на вирусот против кого луѓето немаат никаков имунитет. Луѓето масовно заболуваат, бидејќи немаат заштитни антитела, па се очекува секој што ќе дојде во контакт со вирусот да заболи и потоа да стекне антитела - објаснуваат имунолозите.

........ еве убава тема,   ....надвор од темите кои се секако секојдневно на ТВ медиумите македонски, особено оние државно-јавни,...,каде некој треба да води ред кој, што и каква квалификација дава!?....но овде драги пријатели,..и покрај тоа што сакале или не сакале, секако сте под „лупа“,.....хм, ....на инфорамтичарите!,....од државното општеството!,...., верувам дека сите непосакувани и недозволени дејствија од страна на релевантните институции,...., се во рамките на законски дозволени граници!?...а Вие сепак треба да се држите до разумната граница на објективната состојба,....без навреди,...који секако некој може да ги злоупотреби против Вас,...особено ако има потреба од тоа,....,кој,...Вие зклучете!?....НО, ..секако тоа не би требало да го суспендира Вашето демократско размислување,...па ние нели сме демократска држава!?....