Дали Ви се остваруваат соништата

Cекоја година научнички групи ширум светот извршуваат испитувања и експерименти истражувајќи ги човечките сништа. Изучувањето на соништата се вика онирологија. Има направено значителен напредок во таа гранка на науката, но генерално гледано, луѓето знаат многу малку за содржината и функцијата која што ја имаат нашите соништа. Но, едно е сигурно- сликите, мислите и чувствата што поминуваат низ нашите тела за време на нашите сништа можат да имаат големо влијание врз нашиот поглед на животот. Следува листа на уште десет неверојатни факти за соништата кои што можеби не сте ги знаеле до сега.

10. Вашиот мозок е активен додека спиете.

Проучувањата покажале декасе случуваат големи промени во мозочната активност за време на сонот. Тоа било докажано употребувајќи ја технологијата на електроенцефалографија. Научниците воочиле пет различни фази на сонувањето, кои што се карактеризираат со соодветните различности во мозочната активност. Фазите 1-4, како и крајниот степен на сонувањето се наречени РЕМ (rapid eye movement). Кога се разбудени за време на таа фаза, луѓето кажуваат дека сонувале. Со развојот на новата технологија во раните деведесетти научивме уште повеќе за мозоната активност за време на РЕМ спиењето. Истражувачите откриле дека некои делови на мозокот се многу активни за време на РЕМ, дури и поактивни отколку во будна состојба. Проучувањата покажале дека деловите во мозочната кора задолжени за анализирање на визуелните сигнали се повеќе активни за време на РЕМ сонувањето. Голема активност е исто така забележена и во лимбичниот систем, кој што е средиште на човечките емоции.

9. Животните и соништата

Не можеме со сигурност да тврдиме дека и животните сонуваат на сличен начин како и луѓето, но и тие ито така влегуваат во состојба на РЕМ сон. Таквиот сон се појавува кај сите цицачи, вклучувајќи ги и клунарите од Австралија кои што полагаат јајца. Крајната хипотеза за РЕМ спиењето поставена од Фредерик Снајдер во 1966 предочува дека многу цицачи се будат веднаш откако ќе влезат во фазата на РЕМ спиење, кое што го довело до заклучок дека процесот е всушост одбрамбен механизам. Исто така и многу птици покажуваат знаци на вакво спиење, но кај рептилите и другите ладнокрвни животни нема таков случај.

8. Марихуаната и спиењето

Многу луѓе кои што пушат марихуана велат дека не сонуваат, но откако ќе престанат, истите луѓе известуваат дека имаат исклучително живи и интензивни соништа. Најчесто соништата се случуваат за време на РЕМ спиењето, па логичното прашање е дали марихуаната влијае врз таа фаза од спиењето на некој начин? Во едно проучување од 1975 биле споредени начините на спиење кои ги имаат употребувачите на марихуана, со тие на непушачи. Резултатите покажале намалени очни движења што покажува дека тие кои што биле под дејство на марихуана имаат поредуцирана РЕМ фаза на спиење.

7. Епични сништа

Овој тип на соништа се исклучително живи и јасни, и имаат големо влијание врз животот. Овие сништа често влијаат и врз нашите сетила, и често развиваат поголема свесност за околината во која што живееме. Кога ќе се разбудите од ваков сон, се чувствувате како да сте откриле нешто неверојатно. Ваквите сништа остануваат во сеќавањето со години. Луѓето кои што сонуваат ваков вид на соништа често известуваат за континуиран развој на настаните во сонот кој што си представува живот за себе. Многу луѓе во ваквиот тип на соништа сонуваат дека сонуваат.

6. Половите разлики и соништата

Биле извршени многу прочувања за да се истражат разликите помеѓу сонувањата на мажите и жените. Се покажало дека жените сонуваат и мажи и жени подеднакво, додека 67 проценти од мажите всушност најчесто сонуваат мажи. Соништата на жените вообичаено траат подолго и во себе вклучуваат повеќе емоцонална содржина, додека соништата на мажите во себе повеќе вклучуваат насилство, автомобили и патишта. Во просек, осум проценти од човечките соништа вклучуваат сексуана активност. Основната разлика во сексуалните соништа помеѓу половите се состои во тоа што мажите во своите соништа најчесто сонуваат за секс на непознати и јавни места, и во нивните сништа често се појавуваат непознати лица, додека токму спротивното е карактеристично за повеќето жени. Жените повеќе сонуваат за затворени водни површини, како што се базените и езерата. Се разбира, овие податоци се општи, и не е нужно да се точни за секоја одделна личност.

5. Парализа за време на сон

Оваа состојба е чест случај кај луѓето насекаде низ светот. Таа е директно поврзана со РЕМ фазата и сонувањето. Парализата при сонот е поврзана со појавата наречена РЕМ атонија, која што се случува за време на РЕМ сонувањето. На личноста која што доживува парализа при сон и се случува тоа кога мозокот се буди од РЕМ спиењето, но состојбата на атоналност, т.е. парализа останува. Личноста е свесна, но не може да се движи. Тие продолжуваат да сонуваат но во многу случаи дури и визуелно и реално ги претставуваат нештата кои што се наоѓаат во нивните соби. Личноста не е во целосно свесна состојба , но е свесна за тоа што се случува. Искуството е проследено со искривено гледање како низ тунел, а исто така во себе може да вклучува и халуцинации и чувство на опасност или страв. Многу од случаите на наводните грабнувања од вонземјани всушност се објаснуваат преку оваа појава.

4. Ноќна мора и ноќен терор

Ернест Хартман објавил многу книги и трудови во врска со кошмарите. Неговата работа покажала дека најчеста тема на сонување при ноќната мора е бегањето од прогонувач. Возрасните најчесто се гонети од машки фигури, додека децата најчесто се гонети од животни и суштества од нивната фантазија. Ноќните мори се поретки кај возрасните, и нив почесто ги сонуваат децата на возраста помеѓу три и четири години, и седум и осум години. Околу пет до десет проценти од луѓето сонуваат кошмари еднаш месечно или почесто. Хартман вели дека ноќните мори се директно поврзани со дневната активност, и се показател на страв и вознемиреност со кои што треба да се соочиме. Пттикнувачи на ноќните мори можат да бидат злоупотреба на дрога, трауматични искуства како загуба на сакана личност итн.

Ноќниот терор се разликува од ноќната мора. Ваквиот вид на сон се јавува за време на првиот час или два спиење и за време на не-РЕМ фазата. Врисоците при вакво сонување се чести. Сонувачот тешко се буди, и обично по будењето не се сеќава на повеќе од една сцена од сонот. Ноќните терори се многу поретки од ноќните мори. Децата од две до шест години најчесто сонуваат вакви соништа, а се случуваат кај 15 проценти од сите деца.

3. Славни соништа

На соништата често им се припишува дека допринеле за значајни нешта во реалнот живот. Мари Шели го напишала Франкенштајн откако сонила сон за чудовиште. „Видов страшна фантазма за испружен човек, и потоа како на некаква моќна машина покажува знаци на живот, и се придвижува со тешки, полуживи движења“. Елиас Хоу бил еден од пронаоѓачите на шивачката машина, и во голема мера го унапредил изумот во средината на деветнаесеттиот век. За него се вели дека кажал дека имал жив сон за група човекојадци кои што се подготвувале да го зготват. Танцувале околу оган мавтајќи со нивните копја горе и долу. Тој забележал дека во главите на секое копје имало мала дупка, кое што на крај му ја дало идејата за усовршување на машината. Научникот Фридрих Август Кекуле ја открил речиси невозможната структура на бензенот (С6Н6) откако сонил група на змии како си ги голтаат нивните опашки. Во 1953, Џемс Вотсон и Френсис Крик ја откриле структурата на ДНК. Вотсон подоцна изјавил дека идејата за тоа му дошла откако сонувал спирални скалила. Неколку дена пред неговата смрт, Абрахам Линколн и раскажал на својата сопруга за тоа како сонувал мртво тело завиен во погребна одежда и опкружен со стотици тажачи. Во тој момент некој војник му кажал дека председателот бил убиен.

2. Хроничното хрчење може да доведе до пореметувања во спиењето

Хрчењето е голем проблем за милиони луѓе. Многу луѓе кои што хрчат всушност патат од пореметувања во РЕМ фазата. За време на РЕМ фазата личностите искусуваат неправилно дишење, покачување на крвниот притисок, живи сништа и парализа. Луѓето што хрчат вообичаено сонуваат, но не се сеќаваат на соништата како што чесо се сеќаваат луѓето кои што не хрчат. Постојаното хрчење може да доведе до пореметување во РЕМ фазата кое што се одликува со отсуството на атоналност, т.е. парализа за време на спиењето. Тоа отсуство предизвикува луѓето да бидат физички активни во нивните соништа. Таквата физичка активност во себе вклучува нешта како викање, зборување, удирање, клоцање, подскокнување од кревет, па дури и зграпчување, а идниот ден вообичаено не се сеќава на ништо од тоа.

1. Живите сништа помагаат при учењето

РЕМ сонувањето започнува кога сигналите се пренесуваат од делот на мозокот наречен понс. Овој дел пренесува сигнали до таламусот, кој што ги пренесува до мозочната кора. Мозочната кора е делот од мозокот кој што е задолжен за процесот на учење, размислување и организирање на информациите. Понсот исто така испраќа и сигнали кои што ги исклучуваат невроните во рбетниот мозок, кое што предизвикува привремена парализа за време на РЕМ спиењето. РЕМ фазата го активира делот од мозокот кој што го употребуваме за учење. Тоа е значаен фактор за развивањето на здравиот мозок за време на детството. Тоа го објаснува фактот дека децата поминуваат поголемо време во РЕМ спиење отколку возрасните. Уште повеќе, РЕМ фазата се одликува и со зголемување на протеините во мозокот. Биле извршени проучувања во врска со РЕМ спиењето и процесот на учење. Одвоени групи на луѓе биле учени на исто нешто, и поголем процентлуѓето кои што за време на спиењето ноќта влегле во РЕМ фазата, утрината можеле јасно да се сетат на тоа што го учеле претходниот ден.

Внеси реплика	страница <1 4 567 8 >
Tweet