F1 Вести

Алонсо е вистински избор за иднината



Тимскиот шеф на Ферари, Стефано Доменикали, даде кусо интервју за тимската прес служба по повод објавувањето на веста дека Фернано Алонсо се приклучува кон Скудерија од почетокот на 2010 до крајот на 2012 година. Тој се осврнува на времето минато со Раиконен, а открива дека покрај Фелипе и Фернандо, трет возач на тимот ќе биде Физикела, човекот кој му асистираше на Шпанецот при освојувањето на претходните две шампионски титули.

- Среќни сме дека го направивме овој договор со Фернандо, кој не е само возач со голем талент, туку исто така и победнички тип, како што покажа многу пати во текот на неговата кариера, притоа и во многу тешки околности. Неговиот придонес ќе биде многу значаен за да го вратиме Ферари на нивото каде што треба да биде, да се бори за врвот.


- Како дојдовте до него?

- Како што неодамна изјави претседателот Монтеѕемоло, сите големи шампиони сакаат да дојдат во Маранело, порано или подоцна. Со Фернандо почнавме да разговараме за иднината од 2011 година, но тогаш се случи условите да се антиципираат за почеток на нашата врска уште од следното првенство, па префериравме да ја искористиме можноста.



- Како ќе изгледа посадата на Скудерија следната сезона?

- Веднаш до Фернандо ќе биде Фелипе Маса, кој заздравува мошне брзо кон неговата најдобра состојба, заедно со Џанкрало Физикела како замена. Веруваме дека ова е најдобриот можен пар за тим како нашиот: Фелипе и Фернандо се два победоносни возачи и тие одлично ќе се интегрираат еден со друг и со екипата.



- А каква е ситуацијата со Раиконен?

- Зборувавме со Кими и се согласивме да го прекинеме договорот една година пред рокот. Трите години минати заедно беа мошне интензивни и успешни, а кулминација беше несекојдневната победа и титулата во 2007 година, како и пресудниот придонес за освојување на двете конструкторски титули. Оваа година, болидот не ни беше меѓу најдобрите на патеката, а Кими покажа што е способен да направи, особено во вториот дел од сезоната. Тој му даде многу на Ферари, но доби многу. Сигурен сум дека ќе го памети времето со нас како најдобро во неговата кариера, исто како што ние ќе го паметиме него со почит поради неговиот несекојдневен возачки талент, но и како што тоа го заслужува еден чесен, искрен и лојален човек.



- Какво е расположението со кое влегувате во последниот дел од сезоната?

- Се наоѓаме на третото место во поредокот на конструкторите, но знаеме дека ќе биде тешко да го задржиме. Видовме дека многу тимови се уште ги развиваат болидите, додека ние ја вложуваме целата наша енергија во болидот за 2010 година. Уште повеќе, како ниедна сезона претходно, има многу тимови кои се борат за победа, но има толку малку места на подиумот. Кими и Џанкарло го имаат потребниот стимул за да дадат се од себе во последните три трки.

nemojj voopsto da navivash za negoo

Неизвесна иднината на Kimi



Додека се шират шпекулации за Robert Kubica и Renault, иднината на уште еден одличен возач е далеку од сигурна.

По објавувањето дека Kimi го раскина договорот за 2010 со Ferrari, тој веќе потпиша преддоговор и е добредојден во тимот за кој настапуваше од 2002 до 2006, McLaren.

Но, кога Kimi зборуваше со новинарите на Suzuka, тој не ни потврди дека ќе се натпреварува во F1 трките наредната сезона.

"Mожеби ќе се натпреварувам, можеби не. Немам амбиции да одам во мал тим, моја единствена цел е да се натпреварувам во тим со кој ќе имам шанса да ја освојам титулата. Инаку, бесцелно е да останам во F1," изјавува Kimi.

Raikkonen, најави дека има преддоговор со McLaren, а исто така се очекува наскоро и договор, но исто така тој алудираше дека има голема желба за рели натпреварите.

"Има шанса да се случат и двете нешата. Сеуште незнам за што ќе се одлучам. Ќе видиме, ќе одлучам наскоро. Одсекогаш сум имал одлични односи со McLaren. Има можност да седнам во нивниот болид, но засега не размислувам многу за иднината" додава Финецот.

vkk напиша: nemojj voopsto da navivash za negoo

не можам, или за цел тим навивам, или за никого, а сум доживотен фан на ферари

Како Батон може да ја освои титулата во Бразил



Неверојатното представување на пилотот на Ред Бул, Себастијан Фетел кој со победата си ги задржа шансита за титулата.

Џенсон Батон ќе стане светски шампион уште на патеката во Бразил доколку се исполнат неколку услови.

Џенсон е со најголеми шанси во однос на неговите двајца противкандидати, Барикело и Фетел.

Денес повторно ќе ве запознаеме со различните варијанти со кој на трката во Бразил Батон би станал светски шампион:

- Да победи на ГН на Бразил
- Да стигне на целта како втор
- Да да се качи на подиумот како трето пласиран
- Да заврше четврти а Барикело да остане втор или поназад.
- Да заврше петти а Барикело да остане втор или поназад
- Да заврши на 6. позиција а Барикело да биде неподобар од третото место а додека пак Фетел да биде втор или поназад.
- Да заврши 7, - Барикело да остане трет - Фетел втор
- Да заврши 8. - Барикело да биде четврти а Фетел трети или поназад
- Да освои еден поен - Барикело да биде петти а Фетел трети.

sportdenes.com

Ватанен го обвинува Мозли


Кандидатот за претседателската функција на ФИА, Ари Ватанен го обивни сегашниот прв човек Макс Мозли дека го прекршува законот на Франција, со тоа што активно лобира за Жан Тод во претседателската трка. Дејли Телеграф објави дека на Мозли му било доставено писмо од судски извршител, каде стоел потписот на Ватанен. Во писмото се наведени сомнежите на кандидатот за претседател за пристрасност на ФИА, а истото содржи и потврда дека неговата кампања е чиста и без заткулисни игри. Се смета дека писмото е е одговор на претходно упатеното отворено писмо на Мозли до принцот Феисал од Јордан, кој е еден од номинираните потпретседатели, ако Финецот стане претседател.

- ФИА е непрофитна организација, раководена од францускиот суд. Согласно францускиот закон, операцијата на непрофитни организации подлежат на легалните принципи. Прекршувањето на принципот на неутралност за време на изборната камшања, при кое целта е да се наруши резултатот од изборите е казниво од сите француски судови. Имам право да покренам постапка за акт кој е извршен против мене. Многу луѓе ми пријдоа и ме прашаа што значи кога другите ја сметаат мојата кампања за нечесна. Одговорот е едноставен - ако зборувам за промени, демократија и транспарентност, очигледно е погрешно и се смета како лична навреда на сите луѓе кои биле поврзани со ФИА пред сегашните избори. Тоа е стара изборна стратегија, но сеуште извонредна, - вели Ватанен во писмото.

ФИА објави дека Финецот е спремен да покрене тужба, поради наводно прекршување на законот. Ватанен веќе се обратил до францускиот трибунал и побарал покренување на судски спор по неколку основи. Инаку, на обвинувањата им претходел неуспешен состанок меѓу кандидатот и сегашниот претседател, кој завршил по три минути откако Британецот манифестирал нељубезни манири. Весникот Гардијан тврди дека Ватанен се обидел да воспостави нормална комуникација, но Мозли јасно покажал дека не е заинтересиран за разговор, затварајќи му ја вратата.

- Не сакам да се расправам со тебе, - биле зборовите на Мозли според Гардијан.

Претходно беше обелоденето дека покрај самиот Мозли кој јавно ја подржа кандидатурата на Жан Тод, официјални лица на ФИА стојат зад Французинот, што фрли сомнеж неутралноста на ФИА, која е правно пропишана. Дејли телеграф и во овој случај беше носител на главните информации. Весникот наведува извадоци од електронска пошта во кои генералниот директот на ФИА, Питер Доџвилер и генералниот директор на фондацијата на ФИА, Дејвид Вард активно лобираат за поранешниот прв човек на Ферари.

- Ќе ти се јавам неделава да видиме каде сме, за да му доставиме адекватен репорт на Жан, - стои во пораката испратена од Доџвилер.

Дополнителнио, во еден од мејловите кој ги испратил Дејвид Вард се споменува поинтензивна стратегија за лобирање. Но во своја одбрана, Вард вели дека соработката со Тод не е против правилата.



- Старателите можеби не се свесни дека јас сум вработен во фондацијата на ФИА четири дена во неделата. Во слободно време, на волонтерска основа му помагам на Жан Тод да ја развие изборната агенда и да обезбеди извештај за неговата кампања. Во мојата асистенција нема употреба на ресурси од фондацијата, - вели директор на фондацијата на ФИА, Дејвид Вард.

Подршка за Жан Тод изрази и Михаел Шумахер, кој беше дел од златната ера на Ферари, предводена токму од Французинот. Од друга страна, неофицијално возачите и тимовите се залагаат за избирање на Ари Ватанен, но тврдењето не е поткрепено со сериозни изјави кои го потврдуваат истото.

Демант стигна од другата страна на приказната. ФИА смета дека подршката за двата кандидати е очигледна, но притоа не се превземени акции што се против законот.

- Свесни сме дека има лобирање во корист на двата кандидати. Изборите се спроведуваат во согласност со статутите на ФИА и законот. Ништо што досега е видено не е во спротивност со тоа, - вели претставник од ФИА за агенцијата ПА.

Војната на зборови која започна пред неколку дена доаѓа на само една недела пред одржувањето на изборите во кој ќе биде одреден наследникот на Макс Мозли. Изборите ќе се одржат на 23 октомври (петок) во Париз.

f1almanah.com

Казна за Ковалаинен поради пожарот во боксот


Тимот на МекЛарен-Мерцедес е казнет со 50 илјади долари поради инцидентот кој го предизвика пилотот на тимот Хајки Ковалаинен.

На излегвуањето од своето прво влегување во боксот на Големата награда на Бразил механичарите на МекЛарен го пуштија Хајки да тргне со цревото за гориво закачено на болидот.

Како резултат на тоа, од болидот на Ковалаинен по патеката започна да истекува бензин и по неколку секунди изби пожар. Кими бешеточно зад својот сонародник и неговиот болид пламна за секунда.

Освен со парична казна, која МекЛарен ќе мора да и ја исплати на ФИА, на вкупното време на Ковалаинен беа додадени казнени 25 секунди. Така финалното место на финецот беше 12-то, наместо деветтото на кое ја финишираше трката.

sportdenes.com