Сексуално образование дури на петгодишна возраст е препораката што на македонските образовни власти им ја испрати УНЕСКО (Организација за економски, културен и социјален развој при Обединетите нации). Иако информацијата до која неофицијално дојдовме вчера во Министерството за образование немаше кој да ја потврди, дознаваме дека надлежните во земјава ќе се изјаснат по препораката дури откако ќе видат како на овој контроверзен предлог ќе реагираат соседните држави. Тактизирањето се должи, пред се, на респектот кон институцијата од која потекнува предлогот. Инаку, препораката од УНЕСКО деновиве предизвика жестоки полемики во многу земји, пред се во Америка.
УНЕСКО препорачува дека децата треба да почнат да се запознаваат со фактот дека поголемиот дел од нив се љубопитни за своите тела, дека е природно да се истражува и да се допира сопственото тело, дека на „телото може да му се допадне“ кога се допира. Се препорачува и дека децата треба да знаат оти допирањето и триењето на гениталиите се нарекува мастурбација, дека некои луѓе мастурбираат, некои не, и дека таа мастурбација не е штетна, но треба да се прави во приватност.
- Не знам како тоа може да му се објасни на едно петгодишно дете и кој ќе треба да ја преземе таа непријатна задача. Нашите власти секако ќе мора да го имаат предвид фактот дека ние се уште сме прилично затворено општество кога станува збор за такви теми - вели еден родител.
Во училиштата во земјава, и покрај неколку иницијативи, досега немаше предмет наменет за сексуално воспитување на децата. Упатството на УНЕСКО не е од обврзувачки карактер и на владите останува дали ќе го имплементираат во наставните програми. Предлогот, во меѓувреме, предизвика бурни дебати и ги крена на нозе американските конзервативни здруженија. Тие сметаат дека таквото изложување пред децата на таа возраст е преурането, иако Обединетите нации инсистираат дека програмата е адекватна на возраста. Според критичарите, на таа возраст можат да учат за точните називи на одредени делови од нивното тело, но сигурно не и за мастурбацијата.
УНЕСКО препорачува на возраст од пет години децата да почнат да учат за сексот, мастурбацијата, хомосексуалноста и за сексуално преносливите болести како што е СИДА. Според нивните експерти, со наполнети 12 години, децата треба да знаат за абортусот и за тоа дека имаат право на сигурен абортус. Организацијата смета дека овие препораки треба секоја земја да им ги посочи на родителите, наставниците и здравствените работници.
Контроверзното упатство на УНЕСКО е документ од 100 страници, кој дава упатство како да се подучуваат младите во четири возрасни групи, од пет до осум, од девет до 12, од 12 до 15 и од 15 до 18 години за шест основни области, за врските, вредностите, ставовите, комуникациските вештини, културата, општеството, законите и сексуалното однесување.


На што личи ова. Овие ни на луѓе не личат. Кој од вас излезе со одбрана на оваа злонамерна и нездрава препорака напуштил секаква доблесност. Погледнете ги очите на секое дете и помислете што сакате да направите од него. Ова не личи на ништо. Ај да зборувавме за едукација на тинејџери и адолесценти, ама кога се обидувате да посегнете по децата, или земете колете не или да знаете ќе ве колиме ако посегнете по нивната невиност. За мене нема никаква поголема мотивација да се борам за подобро општество освен кога ја гледам детската невиност за да им се овозможи општество во кое ќе ја зачуваат колку е можно повеќе кога ќе израснат.






Овие кои себе си се уништиле, сакаат другите, па дури и децата да ги уништат.

Треба да се едуцираат од 5 одделение кога веќе активно почнуваат да завлегуваат во пубертет како да се грижат за своето сексуално зравје и да добијат правилна слика за тоа што е нормално и концепт за сексуално однесување и планирање на семејство.

Изменето од GlenKlouz - 18.Септември.2009 во 09:13

Еве колку се сексуално образовани денешните "МЛАДИ".
Се запрепастив од резултатите од истражувањето на малдата популација во Македонија,не ми се верува во ова што го слушнав на вести и прочитав во интернет изданијата на Македонските весници.

Од бременост се штителе со ракија, сода бикарбона и со „кока-кола“
Младите ретко посетуваат гинеколог и не се информирани за контрацептивните методи
Ракија, сода бикарбона и „кока-кола“ погрешно употребувале студенти од Скопје за да се заштитат од несакана бременост. Младите се недоволно информирани за контрацепцијата, покажуваат студии направени од професионални медицински организации. Официјалните податоци покажуваат дека на 1.000 бремени жени во земјава, 40 се тинејџерки. - Ние бевме вчудовидени кога на трибини кажуваа дека од бременост се штителе кога по односот девојките употребувале „кока-кола“, или ракија или, пак, сода бикарбона. Дотогаш верувавме дека се работи само за митови. Затоа младите мора да се едуцираат. Студиите покажуваат дека најмалку несакани бремености меѓу адолесцентите има кај оние што поминале некаков облик на сексуална едукација во основните или средните училишта - вели д-р Татјана Гуржанова. Истражувањето за свесноста за контрацепција на „Брима Галуп“ спроведено на 500 испитанички од 15 до 49 години по повод 26 септември, Светскиот ден за контрацепција, вели дека има голема потреба да се издигне нивото на знаење за сите контрацептивни методи, а особено за оралната контрацепција. Резултатите од истражувањето покажале дека 61 отсто од испитаничките никогаш не користеле средство за контрацепција, 17 отсто изјавиле дека нивниот партнер користи презерватив, а 1,6 процент користат орални средства за контрацепција. Една четвртина од испитаничките изјавиле дека абортирале најмалку еднаш, додека 4 испитанички имале по 9 абортуси. - Во мојот кабинет дојде пациентка што ми кажа дека имала и 14 абортуси. Младите навремено и редовно треба да посетуваат гинеколог, да се информираат за контрацепцијата - апелира д-р Емилија Трајковска, матичен гинеколог. Проф. д-р Славејко Сапунов од Гинеколошко-акушерската клиника вели дека најпрепорачлива заштита е комбинација на кондоми и орална контрацепција. - Оралната контрацепција најмногу се користи во најразвиените држави, кои имаат и највисок степен на едукација и најразвиени здравствени системи - изјави д-р Сапунов. Од Министерството за здравство велат дека установите пријавуваат по 20 абортуси на 1.000 жители, но тоа не е реална бројка, затоа што има и многу непријавени. Оттаму додаваат дека се подготвува стратегија кога треба да се издигне едукацијата за заштита од несакана бременост.

ужасна работа..толку многу абортуси и се поради тоа што спречуваат бременост со кока кола...
можеби треба малку да се замислат институциите и да воведат ЗАДОЛЖИТЕЛНО сексуално образование...

jbg,ima i takvi sto namesto 250ml vo staklo,grabnale koka-kola od 2 L vo plastika,i ete belja..!sto znaat deca...plus upatstva ne citaat...

Ако опфаќа и пракса со соученичките - тогаш ОК

треба да има, ќе се чудите што се ќе слушнете од младите околу сексуалните односи, не само ова со кока коливе или со ракијата, ете затоа