F1 Вести

Баричело: "Маса е мојата инспирација!"



Рубенс Баричело ја откри тајната на неговата добра форма во последно време. Популарниот Рубињо добивал совети од повредениот ас на Ферари Фелипе Маса во последните две трки. Маса е во аут откако беше удрен од пружина од болидот на Браун на својот добар пријател Баричело на квалификациите за Унгарското ГП.
"Отидов до неговиот дом пред трката во Валенсија и тој ми објасни како да се носам со патеката каде што лани доминираше и потоа победив. Тој исто така беше доминантен во Сингапур, така што добив совети и за таму", изјави Баричело за Газета Дело Спорт.



Изменето од Iron Man - 18.Септември.2009 во 04:35

Маса се враќа на пистата во декември



Фелипе Маса признава дека се надева оти наскоро ќе се врати на пистата, односно кон крајот на оваа година.

Фелипе преживеа тежок инцидент на трката за Големата награда на Унгарија возена на пистата Спа каде што парче од болидот на Рубенс Баричело го погоди во пределот на главата по што со полна брзина болидот удри во заштитната ограда од гуми и вода крај патеката а тој заработи потрес на мозокот и повреда во пределот на окото.

Тој сака да се вклучи во картинг трките во родниот БРазил во текот на Декември и покрај тоа што до тогаш ќе помонат четири месеци од тешката повреда на главата, Бразилецот сеуште не знае дали ќе добие дозвола од медицинскиот тим за да седне зад волан и да се натпреварува.

„Се зависи од докторите. Доколку тие ми дозволат ќе се вклучам во картинг трките за издржливост во Бразил кои се одржуваат во Декември“, изјави Маса. „Ако зависи од мене до сега ќе се тркав. Проблемот е што во моментов треба да бидам предпазлив од причина што нов инцидент би бил голем ризик по моето здравје“, заврши Бразилецот.

sportdenes.com

Лотус ќе оди со проверени имиња



Претседателот на Лотус, Тони Фернандес објави дека сака својот Ф1 тим да го изгради околу искусни возачи и стабилен тимски шеф. Брендот, кој всушност е повратник во Формула 1 минатата недела беше официјално промовиран како нов натпреварувач, откако договори финансирање од малезиската влада. Фернандес, кој е претседател на авиокомпанијата ЕрАзија, беше првично поставен за тимски шеф, но вели дека пред почетокот на сезоната ќе му ја препушти палката на искусен човек, кој ќе биде вистинскиот лидер на тимот.

- Мојата позицијата на тимски шеф нема да биде постојана. Ќе го донесам тимот до одреден стадиум, а потоа некој ќе биде тимски шеф постојано. Мојата работа е ЕрАзија и сакам да сум сигурен дека Лотус ќе се движи во вистинската насока, ќе има вистинска слика и иднина, добра стратегија и маркетинг. Мислам дека до Мелбурн ќе се повлечам, можеби, ќе уживам во улогата на тимски шеф неколку трки, а потоа ќе му го отстапам местото на некој друг, - вели привремениот тимски шеф за Ројтерс.

Иако Малезиецот изјави дека лично посакуваа да има сонародник во тимот, сепак одлучено е да се оди со искусни индивидуи кои имаат многу трки зад себе. На изјавата на Фернандес се надоврза и малезискиот премиер, кој објави дека шест локални и интернационални возачи се во нивниот список на кандидати, без да прецизира конкретно кои имиња се на списокот. Се очекува имињата на двајцата возачи да бидат објавени до крајот на месец октомври.

- Мојот личен став е дека треба да одиме со некој со многу искуство, кој е на крајот на кариерата, кој ќе допринесе за развојот на болидот. Најзначајно е да го имаме вистинскиот човек кој може да ги пренесе знаењето и успешната тимска работа. Нема логика да поставиме човек кој сеуште не е подготвен, - додава Фернандес.

Она на што алудира сегашниот тимски шеф на новиот тим е можен договор со Рубенс Баричело, иако сепак во ниту една изјава не фигурира име на возач. Сепак, Бразилецот иако ги има најдобрите моменти во сезоната со Браун, не е сигурен за следната сезона со британскиот тим. Нико Розберг е споменат како можна алтернатива за Браун, а е поблиску до водечкиот тим, отколку до Мекларен, па според тоа се претпоставува дека Баричело е еден од шестмината на списокот. Дополнително, двајца ветерани кои ги исполнуваат критериумите на Лотус се Јарно Трули и Ник Хајдфелд. Првиот е поврзан со прекин на соработката со Тојота, а Германецот Хајдфелд веројатно ќе остане без седиште откако БМВ Заубер ја изгуби лиценцата за настап во 2010 година и го продаде тимот. Останатите возачи на листата веројатно се млади талентирани надежи на Малезија, кои ќе мора да ја поминат школата пред Формула 1, а ќе бидат обучувани за евентуални понатамошни ангажмани.

Од маркетиншки аспект, Фернандес очекува малезиски спонзор, односно трансфер на нафтениот магнат Петронас од досегашниот тим БМВ Заубер чии настапи завршуваат на крајот на 2009 сезона. Дополнително, иако сега седиштето на тимот се наоѓа во Норфолк, САД, се очекува понатамошен трансфер во нови објекти крај патеката Сепанг, близу Куала Лумпур. Фернандес потврди и дека очекува болидот со кој Лотус ќе настапи во 2010 година да биде комплетиран во јануари следната година, а во февруари оспособен за дебитирање на патеката.



Раиконен се враќа “дома”?



Според британскиот весник Мирор, кој се повикува на неименуван извор од Ф1 падокот, Кими Раиконен постигнал првичен договор со Мекларен за враќање во нивните редови. Финецот повторно би седнал во болидот на тимот од Вокинг во 2010 година, но претходно мора да постигне спогодба за раскин на постоечкиот договор со Ферари. Имено, при крајот на 2008 година беше објавено дека Раиконен и Ферари ја продолжиле верноста заклучно со 2010 сезона, со што на хартија во следната сезона тој е возач на болидите на црното коњче.

Веќе се шпекулираше дека откуп на договорот ќе има од страна на Ферари со тоа што би му исплатиле половина од договорената сума, а и самиот Раиконен одговори на провокацијата изјавувајќи дека има други тимови во поредокот кои би го прифатиле со насмевка. Дополнително, Мирор објави дека договорот на шампионот од 2007 за следната година е речиси 49 милиони долари. Оваа атмосфера само ги зголемува сомнежите дека Ферари ослободува седиште за двократниот шампион Фернандо Алонсо, кој во моментов е окупиран со “краш-гејт” аферата на неговиот Рено.

Што се однесува до второто седиште во Мекларен, ако сметаме дека Луис Хамилтон има обезбедено место во тимот, сè поизвесно е дека договорот на Хеики Ковалаинен нема да биде продолжен. Шпекулации постојат и во овој домен, исфрлајќи го Нико Розберг како најсериознен кандидат, по германска линија со Мерцедес. Оттука пак се надоврзуваат нови гласини, дека брендот од Штутгарт сака да ја раскине 15 годишната цврста врска со Мекларен, што дополнително ја компликува ситуацијата.

Инаку, Кими Раиконен помина пет сезони во Мекларен, во периодот од 2002-2006 година. Притоа, на 88 настапи забележа 9 победи, 10 пол-позиции и 35 подиуми, а на двапати ја освои вицешампионската титула. Најблизу до титулата во болидот на сребрените стрели беше во 2003, кога заостана само два бода зад шампионот Михаел Шумахер.

f1almanah.com

vkk напиша: napishete nesto sto mislite vie ne samo statii od vesnici ili od net

другар еве повели напиши
скрши го мразот

Ferrari ќе ги објави возачите наскоро



Luca di Montezemolo во средата призна за прв пат дека е време за да се објави возачкиот кадар на Ferrari за наредната сезона. Се погласни се најавите дека местото на Felipe Massa е сигурно, додека како негов колега би бил Fernando Alonso, возачот кој со Ferrari веќе има потпишано преддоговор иако и Massa и Kimi Raikkonen имаат договори за 2010.

Но, откако Финецот потпиша преддоговор со McLaren, веќе јасно станува кој возач од Ferrari ќе си замине, само уште треба да се дефинира обезштетувањето за раскинување на договорот.

Осврнувајки се на Massa и неговите повреди на главата, претседателот на Ferrari Montezemolo изјавува: "Ќе имаме Бразиски возач бидејки тој заслужува шанса по се што стори за тимот. Иако сеуште има доволно време, во наредните неколку недели ќе објавиме кој ке седне во другиот болид".

Montezemolo нагласува дека Ferrari ке се врати на шампионските патеки во сезоната 2010, иако додава дека и во оваа сезона Ferrari има што да покаже.

Одам на победа во Сингапур

Лидерот во генерален пласман, Џенсон Батон, изјави дека ќе оди на победа на неделното Сингапур ГП место да се концентрира на зачувување на предноста во генерален пласман. На само 4 трки пред крајот на чудната Ф1 сезона и со 40 поени за освојување, Батон има 14 поени повеќе од својот колега од Браун ГП Рубенс Баричело, додека асот на Ред Бул, Себастијан Фетел е 26 поени зад него на третото место.

"Имам привилегија да водам во трката за титулата, но не е така едноставно. Кога ќе почнеш да се опушташ, си бараш проблеми. Тогаш се случуваат глупости", вели Батон.

Пред две сезони неговиот британски сонародник Луис Хамилтон ја пропушти титулата откако пропушти огромно водство во генерален пласман во последната трка од сезоната и Батон вели дека не сака да ја повтори истата грешка.

"Како возач инстинктот е да се победи. Да одиш на победа секогаш. Мораш да помислиш и дека треба да завршиш зад својот тимски колега во секоја трка", вели Батон.

Тој ја почна сезоната на спектакуларен начин, со шест победи во првите седум трки, по што следуваа проблемите со формата. Но, тој се врати одлично на последната трка во Монца, каде што заврши како втор, негов прв пласман на подиумот по шест трки. Според него, двете негови најлоши трки во Белгија и Валенсија, биле такви токму поради претпазливоста.

"Морате да одите до максимум и да бидете агресивни. Да, секогаш ќе биде тука мислата дека мора да ја завршите трката, така што ништо не се менува во мојот пристап", додава Батон.

На негова страна застана и поранешниот седумкратен светски шампион Михаел Шумахер, кој посочи дека "нема кој да му ја земе титулата". Трката за титулата се претвора во битка на колегите од Браун Батон и Баричело, а од тимот велат дека ќе дозволат отворена и фер битка.

Двојката на Ред Бул, Фетел и Австралиецот Марк Вебер се уште математички се во трката за титулата, но тоа може да заврши овој викенд. Вебер ќе биде елиминиран од трката ако Батон освои 2 поени повеќе од него овој викенд, а шансите на Фетел ќе бидат завршени ако Батон освои 4 поени повеќе од него.

Шансите на Фетел се уништени поради механичките проблеми на Ред Бул. Германецот не успеа да освои поени на две од последните четири трки и веќе ги искористи сите 8 мотори дозволени со овогодишните правила. Ако треба да искористи и 9 во последните трки, може да добие казна од 10 места на една трка. Бато вели дека нема причина да не се чувствува добро, но не ги отфрли шансите на Ред Бул.

"Знам дека сум во многу добра позиција. Го имам најдобриот болид во формула 1, но и еден од најконк*рентните колеги во спортот. Зошто да не бидам позитивен? Вистина дека Ред Бул се далеку, но бидете сигурни дека ќе се борат до крај", додава Батон.

McLarenn