F1 Вести

Лотус ќе оди со проверени имиња



Претседателот на Лотус, Тони Фернандес објави дека сака својот Ф1 тим да го изгради околу искусни возачи и стабилен тимски шеф. Брендот, кој всушност е повратник во Формула 1 минатата недела беше официјално промовиран како нов натпреварувач, откако договори финансирање од малезиската влада. Фернандес, кој е претседател на авиокомпанијата ЕрАзија, беше првично поставен за тимски шеф, но вели дека пред почетокот на сезоната ќе му ја препушти палката на искусен човек, кој ќе биде вистинскиот лидер на тимот.

- Мојата позицијата на тимски шеф нема да биде постојана. Ќе го донесам тимот до одреден стадиум, а потоа некој ќе биде тимски шеф постојано. Мојата работа е ЕрАзија и сакам да сум сигурен дека Лотус ќе се движи во вистинската насока, ќе има вистинска слика и иднина, добра стратегија и маркетинг. Мислам дека до Мелбурн ќе се повлечам, можеби, ќе уживам во улогата на тимски шеф неколку трки, а потоа ќе му го отстапам местото на некој друг, - вели привремениот тимски шеф за Ројтерс.

Иако Малезиецот изјави дека лично посакуваа да има сонародник во тимот, сепак одлучено е да се оди со искусни индивидуи кои имаат многу трки зад себе. На изјавата на Фернандес се надоврза и малезискиот премиер, кој објави дека шест локални и интернационални возачи се во нивниот список на кандидати, без да прецизира конкретно кои имиња се на списокот. Се очекува имињата на двајцата возачи да бидат објавени до крајот на месец октомври.

- Мојот личен став е дека треба да одиме со некој со многу искуство, кој е на крајот на кариерата, кој ќе допринесе за развојот на болидот. Најзначајно е да го имаме вистинскиот човек кој може да ги пренесе знаењето и успешната тимска работа. Нема логика да поставиме човек кој сеуште не е подготвен, - додава Фернандес.

Она на што алудира сегашниот тимски шеф на новиот тим е можен договор со Рубенс Баричело, иако сепак во ниту една изјава не фигурира име на возач. Сепак, Бразилецот иако ги има најдобрите моменти во сезоната со Браун, не е сигурен за следната сезона со британскиот тим. Нико Розберг е споменат како можна алтернатива за Браун, а е поблиску до водечкиот тим, отколку до Мекларен, па според тоа се претпоставува дека Баричело е еден од шестмината на списокот. Дополнително, двајца ветерани кои ги исполнуваат критериумите на Лотус се Јарно Трули и Ник Хајдфелд. Првиот е поврзан со прекин на соработката со Тојота, а Германецот Хајдфелд веројатно ќе остане без седиште откако БМВ Заубер ја изгуби лиценцата за настап во 2010 година и го продаде тимот. Останатите возачи на листата веројатно се млади талентирани надежи на Малезија, кои ќе мора да ја поминат школата пред Формула 1, а ќе бидат обучувани за евентуални понатамошни ангажмани.

Од маркетиншки аспект, Фернандес очекува малезиски спонзор, односно трансфер на нафтениот магнат Петронас од досегашниот тим БМВ Заубер чии настапи завршуваат на крајот на 2009 сезона. Дополнително, иако сега седиштето на тимот се наоѓа во Норфолк, САД, се очекува понатамошен трансфер во нови објекти крај патеката Сепанг, близу Куала Лумпур. Фернандес потврди и дека очекува болидот со кој Лотус ќе настапи во 2010 година да биде комплетиран во јануари следната година, а во февруари оспособен за дебитирање на патеката.



Раиконен се враќа “дома”?



Според британскиот весник Мирор, кој се повикува на неименуван извор од Ф1 падокот, Кими Раиконен постигнал првичен договор со Мекларен за враќање во нивните редови. Финецот повторно би седнал во болидот на тимот од Вокинг во 2010 година, но претходно мора да постигне спогодба за раскин на постоечкиот договор со Ферари. Имено, при крајот на 2008 година беше објавено дека Раиконен и Ферари ја продолжиле верноста заклучно со 2010 сезона, со што на хартија во следната сезона тој е возач на болидите на црното коњче.

Веќе се шпекулираше дека откуп на договорот ќе има од страна на Ферари со тоа што би му исплатиле половина од договорената сума, а и самиот Раиконен одговори на провокацијата изјавувајќи дека има други тимови во поредокот кои би го прифатиле со насмевка. Дополнително, Мирор објави дека договорот на шампионот од 2007 за следната година е речиси 49 милиони долари. Оваа атмосфера само ги зголемува сомнежите дека Ферари ослободува седиште за двократниот шампион Фернандо Алонсо, кој во моментов е окупиран со “краш-гејт” аферата на неговиот Рено.

Што се однесува до второто седиште во Мекларен, ако сметаме дека Луис Хамилтон има обезбедено место во тимот, сè поизвесно е дека договорот на Хеики Ковалаинен нема да биде продолжен. Шпекулации постојат и во овој домен, исфрлајќи го Нико Розберг како најсериознен кандидат, по германска линија со Мерцедес. Оттука пак се надоврзуваат нови гласини, дека брендот од Штутгарт сака да ја раскине 15 годишната цврста врска со Мекларен, што дополнително ја компликува ситуацијата.

Инаку, Кими Раиконен помина пет сезони во Мекларен, во периодот од 2002-2006 година. Притоа, на 88 настапи забележа 9 победи, 10 пол-позиции и 35 подиуми, а на двапати ја освои вицешампионската титула. Најблизу до титулата во болидот на сребрените стрели беше во 2003, кога заостана само два бода зад шампионот Михаел Шумахер.

f1almanah.com

Маса се враќа на пистата во декември



Фелипе Маса признава дека се надева оти наскоро ќе се врати на пистата, односно кон крајот на оваа година.

Фелипе преживеа тежок инцидент на трката за Големата награда на Унгарија возена на пистата Спа каде што парче од болидот на Рубенс Баричело го погоди во пределот на главата по што со полна брзина болидот удри во заштитната ограда од гуми и вода крај патеката а тој заработи потрес на мозокот и повреда во пределот на окото.

Тој сака да се вклучи во картинг трките во родниот БРазил во текот на Декември и покрај тоа што до тогаш ќе помонат четири месеци од тешката повреда на главата, Бразилецот сеуште не знае дали ќе добие дозвола од медицинскиот тим за да седне зад волан и да се натпреварува.

„Се зависи од докторите. Доколку тие ми дозволат ќе се вклучам во картинг трките за издржливост во Бразил кои се одржуваат во Декември“, изјави Маса. „Ако зависи од мене до сега ќе се тркав. Проблемот е што во моментов треба да бидам предпазлив од причина што нов инцидент би бил голем ризик по моето здравје“, заврши Бразилецот.

sportdenes.com

Баричело: "Маса е мојата инспирација!"



Рубенс Баричело ја откри тајната на неговата добра форма во последно време. Популарниот Рубињо добивал совети од повредениот ас на Ферари Фелипе Маса во последните две трки. Маса е во аут откако беше удрен од пружина од болидот на Браун на својот добар пријател Баричело на квалификациите за Унгарското ГП.
"Отидов до неговиот дом пред трката во Валенсија и тој ми објасни како да се носам со патеката каде што лани доминираше и потоа победив. Тој исто така беше доминантен во Сингапур, така што добив совети и за таму", изјави Баричело за Газета Дело Спорт.



Изменето од Iron Man - 18.Септември.2009 во 04:35

Бриаторе и Симондс го напуштија Рено



Во пресрет на понеделничкото сослушување на екипата Рено пред Светскиот совет за моторспорт на ФИА, денеска француската екипа соопшти дека тимскиот шеф Флавио Бриаторе и директорот на инженерите Пат Симондс веќе не се во нивните редови.

Ова е епилогот на скандалот кој еволуираше последниве две трки, откако на крајот од јули отпуштениот возач Нелсон Пике јуниор поднесе пријава дека добил наредба од екипата да предизвика инцидент. Засегнатите во прв момент ги отфрлија оптужбите, а Бриаторе поднесе и приватна тужба против возачот и неговиот татко, за клевета и обид за уцена. Вчера беше соопштено дека ФИА му гарантирала имунитет на Симондс во замена за целосна изјава, по што се верува дека целата одговорност била натоварена на плеќите на Бриаторе.

- Екипата ИНГ Рено Ф1 нема да расправа за неодамнешните обвиненија од страна на ФИА за трката во Сингапур 2008 година. Истовремено, екипата сака да соопшти дека Флавио Бриаторе како менаџер на тимот и неговиот извршен директор на инженеринг Пат Симондс, заминаа од тимот. Пред сослушувањето во Париз на 21 септември, екипата нема да има натамошни коментари,- се вели во соопштението.

Реакциите по овој повод одат во насока на предвидување на реакцијата на ФИА и утврдување на степенот на вината за целата екипа. Според германската агенција ДПА, со ова екипата ефективно го признала местењето на резултатите. За англискиот Дејли телеграф, заминувањето на водечкото дуо треба да укаже дека нивните активности не треба да доведат во прашање 700 вработувања. Тајмс смета дека со ова Рено ја признал вината, но со испраќањето на конспираторите, всушност ја расчистил работата. Весникот Телеграф прашува дали одлуката била под притисок на Рено или е востановено дека нивните претходни изјави се невистинити.

Меѓу другите факти кои медиумите ги изнесуваат на виделина се и учеството на Рено во ГП2 серијата како снабдувач со мотори за сите возачи, при што непозната е улогата на Бриаторе поради фактот дека неговата десна рака Бруно Мишел е раководител на натпреварувањето. Дополнително, Берни Еклстоун има партнерски односи со Бриаторе во неколку бизниси, од кои јавноста најмногу знае за купувањето на фудбалскиот клуб Квинс Парк Ренџерс. Поранешниот сопственик на тим, Еди Џордан, кој сега е коментатор на Би-Би-Си, праша дали фудбалската федерација на Англија ќе му дозволи на Флавио да остане во лигата, имајќи го предвид овој скандал со местење, кој директно влијаел врз резултатите, а кој според него со денешниот чекор е признаен.

Од аспект на ФИА, денеска бил последниот ден за поднесување на документите за одбраната. Според Мозли, рангот на можни казни е широк и завршува со дисквалификација од првенството. Тоа е предвидено со Интернационалниот спортски код, а би можело да важи засекогаш.

Резултатите од сослушувањето в понеделник се очекуваат следниот ден.

Ова е втор случај годинава на заминување од спортот на личности со долгогодишни кариери во Формула 1. Претходно, спортскиот директор на Мекларен, Дејв Рајан, беше „жртвено јагне“ во скандалот со лажната изјава на Хамилтон пред стјуардите на трката во Австралија.

f1almanah.com

Монтеѕемоло: "Алонсо еден ден ќе дојде во Ферари"



Претседателот на Ферари, Лука ди Монтеѕемоло, вели дека Фернандо Алонсо порано или подоцна ќе вози за италијанскиот тим, но посочи дека тоа може нема да се случи во 2010. Возачот на Рено е поврзуван со трансфер во Скудерија подолго време, а шпекулациите станаа посилни откако шпанскиот банкарски гигант Сантандер, личен спонзор на Алонсо, потпиша петгодишен договор со Ферари.
"Порано или подоцна ќе го донесам Алонсо во Ферари. Ќе видиме кога. За следната година ги имаме Раиконен, Маса, Физикела, Бадоер, Хене, а се надевам и Михаел Шумахер, така што имаме 'клупа' како Реал Мадрид. Имаме двајца големи шампиони со Кими од 2007 и со Маса од 2008, кој беше 15 секунди шампион лани. Секогаш сум го сакал Алонсо, бидејќи тој е одличен возач, и го забележавме кога беше во Минарди. Како што секогаш велам, сите големи возачи доаѓаат во Ферари. Пред трката во Имола, Аиртон Сена ми кажа дека ќе ја заврши кариерата во Ферари. Прост, Лауда, Менсел, Михаел... Животот е долг, така што и тоа ќе се случи", изјави Монтеѕемоло во Монца.

Розберг се сели во Мекларен?



Според најтиражниот германски весник “Билд“, Нико Розберг е блиску до трансфер во Мекларен Мерцедес.

Тимот, чиј технички партнер преферира да има германски возач, покажува интерес за Розберг веќе подолго време и шпекулациите за можен трансфер на Германецот во тимот од Вокинг беа само подгреани од изјавата на Мартин Витмарш околу статусот на Хајки Ковалаинен.



Минатиот месец, шефот на тимот на Мекларен изјави:

- “Не сме во преговори со други возачи во моментов, но точно е дека ја немаме потврдено нашата возачка двојка за идната сезона. Сите ние сакаме да видиме подобри резултати од Хајки во трките и тоа ќе му овозможи да остане со нас“



И покрај фактот дека Ковалаинен освои бодови на последните четири трки, “Билд“ е уверен дека Розберг ќе се пресели во Мекларен. Во Спа тој изјави дека има “одлични опции“ за наредната сезона и дека сака во наредните две три недели веќе да го има обезбедено договорот.

koli.com.mk

Аферата ќе го избрка Рено?



По избивањето на мега скандалот со наводната наредба до Нелсон Пике да предизвика инцидент на првата ноќна трка во Сингапур минатата година, се засилуваат шпекулациите дека Рено ќе го продаде својот тим.

Француската компанија пред еден месец го потпиша новиот Конкорд договор, со кој се регулираат правата меѓу учесниците и организаторите, гарантирајќи го учеството во светското првенство до 2012 година. Но, истовремено почнаа да циркулираат и гласините дека рускиот бизнисмен Алишер Усманов, сопственик на мобилниот оператор „Мегафон – Северен Кавказ“. Оваа компанија стана партнер на екипата почнувајќи од трката за Големата награда на Турција, во јуни оваа година.

- Голема привилегија е да стане партнер на една од светски најпознатите тркачки екипи. Нашата матична компанија Мегафон секогаш активно го поддржува развојот за подобар спорт. Веќе неколку годин МегаФон го спонзорира националниот тим на Русија во фудбал и хокеј, а во почетокот на годинава стана и партнер на Зимски олимписки игри, што ќе се одржат во Сочи, во 2014 година,- изјави во таа пригода извршниот директор МегаФон – Северен Кавказ, Андреј Крајник, пренесено низ официјалното соопштение за потпишување на соработката во јуни.

Се шпекулира дека нивна цел е да му обезбедат седиште во конк*рентен тим на Виталиј Петров, актуелен возач во ГП2 серијата. Гласините се реактивираа откако бразилската телевизија ја актуелизираше изјавата на Нелсон Пике дека намерно излетал на трката во Сингапур, за да предизвика излегување на возилото за безбедност кое одговарало на стратегијата на тимот за Фернандо Алонсо, кој изненадувачки победи во трката на која стартуваше од 15 место. Коментирајќи го скандалот, промоторот на Формула 1, Берни Еклстоун, призна дека заминувањето на француската екипа сега е поверојатно.

- Аферата не е работа која ни е потребна во моментов. Мислам дека само ќе го изнервираат Рено, по што следи опасноста дека ќе го напуштат спортот. Се надевам дека тоа нема да се случи, но такви нешта се возможни,- изјави Берни за Тајмс.

Главниот осомничен, Флавио Бриаторе, кој беше посочен од Пике како единствен одговорен за неговиот раскин на договорот со француската екипа, како и дека не покажувал грижа за неговата натамошна кариера.

- Се што знам е дека Флавио инсистира дека не знае ништо за ова. Мислам дека ФИА ќе ги проверува сите, ќе се обидат да ја востановат вистината. Претпоставувам дека ќе бидат вознемирени ако најдат дека она што луѓето го зборуваат е вистина, дека е факт. Единствен начин на кој што може да се направи случај е да се има вистински доказ. Ако тоа е само поради тоа што младиот Пике тоа сакал да го каже, е една работа. Од друга страна, ако е реално, тоа е нешто поинаку. Ќе биде тешко да се докаже. Ако постои снимка од тимското радио во која се вели „Нелсон, подобро е сега да излеташ“, тогаш што по ѓаволите може некој да направи? Се зависи од тоа што ќе се открие со истрагата,- анализира Еклстоун предупредувајќи го понатаму и Пике дека сега е во непријатана ситуација.

Во одбрана на Рено застана и Дејвид Култхард, кој во својата колумна за весникот Телеграф напиша дека не ја „купува“ оваа приказна.

- Не е премногу тешко да се сосздаде несреќа со удирање во бариера, како што се случи во Сингапур. Но, приказната е многу поинаква. За да може доволно долго на патеката да остане возилото за безбедност, треба да се најде место каде што редарите немаат можност да го отстранат болидот доволно брзо. За такво нешто, се бара соучешништво на повеќе луѓе. Единствениот доказ би можел да биде од радио комуникацијата, а таа е достапна за ФИА. Некој одамна би промрморел за тоа, па затоа јас не верувам,- напиша поранешниот возач на Вилијамс, Мекларен и Ред Бул.

f1almanah.com