Крштевање на мали деца?

Повикувањето до ткн. "светите отци" е мисловна именка. Тие не се некое одредено дефинирано купче, нивните дела не се канонизирани и невозможно е да се повикаш на нив. Еден свештеник ќе ти цитира еден свет отец, друг свештеник ќе ти цитира некој посовремен свет отец и секој ќе си тера по своето.

Maran Ata напиша: maria_magdalena, обично кога јас говорам за некои работи, како што е случајот со крштевањето на бебиња, или оној што го спомна - за митарствата, искрено речено, не ми се мерило свештениците што ќе кажат, туку Светите Отци.

Значи ставовите на свештениците во однос на крштевањето се поинакви од ставовите на светите отци.

како може да не ги слушаш свештениците кога тие се духовни водачи на вашата црква.

Ти си значи некој одметник од православието.
 
Не ти се мерило свештениците ниту пак Библијата туку светите отци .

 Т и да не си припадник на некое светоотечко здружение.

Maran Ata напиша: п.с. Јас барем имам доблест јавно да се произнесам тоа што сум - Православна Христијанка, а ти немаш храброст да кажеш на која верска заедница припаѓаш.

  Бидејки немаш познавање од Христовото учење, не ги забележуваш и Неговите ученици.

 Јас сум христијанин.

Maran Ata напиша: Која верска заедница ја посетуваш? Како сте регистрирани во регистарот за верски заедници во РМ?

 
Посетувам верски заедници што го проповедаат Словото и за основа на верата ја имаат Библијата.

 А регистриран сум во душата и умот како христијанин.

Одете и научете ги сите народи, крштевајќи ги во името на Отецот и Синот и Светиот Дух. (Матеј 28, 19)
Така им заповедал Господ на светите Aпостоли, а со тоа и на сите апостолски преемници. Со еден збор, оваа заповед се однесува на сите луѓе на планетава, сите се повикани да бидат крстени, да бидат членови на Христовото Тело - Црквата, сите се повикани да бидат учесници на светата трпеза Господова, но сите не се силни и брзо одлучни да го направат тоа...

Значи, знаејќи го фактот дека демонот го зазема центарот на срцето пред човекот да биде крстен, тогаш ни станува јасно зошто се одложува Крштевањето на нас самите и на нашите деца. Но, работата на оној што отпадна (демонот) е секогаш да нè двоуми, тој не сака да направиме нешто што за нас и нашата душа е полезно и спасително...

А спротивно на ова, треба да знаеме дека кога човекот се крштева, Господ го прима и го прави член на Своето Тело, без разлика на тоа колку сме грешни или достојни. Нѐ прави Свои органи т.е. стануваме органи на Телото Христово, бидејќи од Неговата плот сме и од коските Негови (Ефес. 5, 30)...

А спротивно на ова, треба да знаеме дека кога човекот се крштева, Господ го прима и го прави член на Своето Тело, без разлика на тоа колку сме грешни или достојни. Нѐ прави Свои органи т.е. стануваме органи на Телото Христово, бидејќи од Неговата плот сме и од коските Негови (Ефес. 5, 30)...

Во Светата Тајна Крштение човекот се очистува од сѐ грешно и се преродува со Светиот Дух. Ако е дете, се очистува од последиците на прародителскиот грев, а ако е возрасен се очистува и од личните гревови. Во Светата Тајна Крштение најважно е трикратното потопување во вода на оној што се крштева, при што свештеникот ги изговара зборовите: Се крштева чедото Божјо (и се кажува името на крштеваниот) во името на Отецот – амин, и Синот – амин, и Светиот Дух – амин. Ова потопување претставува погребување на стариот и воскреснување на новиот човек, бидејќи ги претставува смртта и воскресението на Спасителот...

Светата Тајна Крштение и Светата Тајна Миропомазание се двоедно Таинство. Во Светата Тајна на Миропомазанието крштеваниот го прима „печатот на дарот на Светиот Дух“, т.е. Божественото осветување и помазување и укрепување со благодатта на Светиот Дух. Миропомазанието е Света Тајна во која низ помазувањето со свето миро на одредени делови на телото во името на Светиот Дух на крштеваниот му се даваат особени дарови на Светиот Дух, коишто го укрепуваат, просветлуваат и восовршуваат во духовниот живот. А најважно од сè е тоа дека со крштевањето Христос се вселува во срцето на човекот...

Одложувањето на крштевањето од кои било причини, пред сè, е неполезно за нашата душа, и е неоправдано. А за крајниот исход не сакам ниту да помислам. Освен тоа што ја губиме можноста да уживаме во сите благодети што ни ги дава Црквата преку Светите Тајни, додека сме живи, ја губиме и можноста на крај, достојно да бидеме и погребани. Само колку да знаеме, не постои служба за погребение на некрстен.


Еве неколку нафрлени факти од текстот на о.Григориј Јакимов во Преминпортал за потребата од крштението.

Опитен напиша: Во Светата Тајна Крштение човекот се очистува од сѐ грешно и се преродува со Светиот Дух.

EvAngelos напиша: Опитен напиша: Во Светата Тајна Крштение човекот се очистува од сѐ грешно и се преродува со Светиот Дух. Хитлер и Сталин биле крстени како бебиња. Дали сметаш дека тие биле препородени од Светиот Дух?

1 Тимотеј: 4:1 А Духот јасно зборува дека во последните времиња некои ќе отстапат од верата, слушајќи измамливи духови и ѓаволски учења.

Евреите: 3:12 Браќа, гледајте де би некого од вас, да има лошо срце за верата, та да отстапи од живиот Бог.



Изменето од Maran Ata - 18.Септември.2009 во 02:01