Јосип Броз Тито-Скопје

ВО ДСУ „ЈОСИП БРОЗ ТИТО“

ОДБЕЛЕЖУВАЊЕ НА МЕЃУНАРОДНИОТ ДЕН ПРОТИВ СИРОМАШТИЈАТА

Во гимназијата „Јосип Броз Тито“ во организацијата на Канцеларијата за Обединети нации во Скопје ќе биде одбележан Меѓународниот ден против сиромаштијата. На свеченоста ќе зборуваат министерот за труд и социјална политика Џељаљ Бајрами, шефот на Канцеларијата на високиот комесаријат на ОН за бегалци кој воедно е и вршител на должност постојан координатор на ОН во земјава Карлос Малдонадо, како и директорката на гимназијата Снежана Малчовска Мироновска.

На одбележувањето на Меѓународниот ден против сиромаштијата ќе настапат и пејачките Дани Димитровска и Александра Пилева. Целта на одбележувањето на овој настан во гимназијата „Јосип Броз Тито“ е да им се овозможи на младите луѓе да земат активно учество во оваа кампања и да се придонесе во постигнувањето нов светски гинисов рекорд, но и да се влијае на подобрување на нивната свест за активна борба против сиромаштијата и нееднаквоста, како и за фактот дека во таа борба сечиј придонес е важен.

На денешното одбележување на Меѓународниот ден против сиромаштијата неколку фотографи од повеќе агли ќе ги фотографираат присутните со цел фотографиите да бидат испратени во Њујорк во ОН и да се избројат учесниците и конечната бројка да се евидентира во финалниот гинисов рекорд.

Минатата година 43,7 милиони луѓе насекаде низ светот се приклучија на standapup кампањата, поставувајќи нов светски реркорд во најголем број луѓе кои едновремено симболично станаа и го дадоа својот глас против сиромаштијата.