ФИФА СП (Мундијал)

Бронзената репрезентација од СП 1998 година, Хрватска, викендов нема натпревар од квалификациите за Мундијалот во Јужна Африка, но целото раководство и фудбалерите со задоволство би се преселиле во Киев за во живо да го следат клучниот меч за нивната судбина во овој циклус. Во пресрет на последните пет натпревари од шестата група, Хрватска е второпласирана во групата со два бода, но и еден натпревар повеќе од главниот конк*рент Украина. Позитивна работа за "коцкастите" е тоа што Украина денеска треба да се сретне со Англија, која досега има максимални 24 бода, но и веќе го обезбеди пласманот на Мундијалот, па многумина се сомневаат дека без мотиви патува во Киев и дека би можела да му пушти на домаќинот само за да и врати на Хрватска за дебаклот во квалификациите за ЕП 2008.

Сепак, од таборот на Гордиот албион засега стигнуваат само позитивни најави кога станува збор за Хрватска. Уште на почетокот од оваа недела селекторот Капело рече дека никој не смее да си игра со реномето на англиската репрезентација и дека во Киев одат на победа по секоја цена со цел да го задржат максималниот ефект во овој циклус. Украинската селекција најмногу ја намачи Англија во овој циклус откако на Вембли загуби само со 2:1, но тоа воопшто не ги вознемирува ниту другите фудбалери кои растоварени одат на Истокот на Европа. Капело ги има на располагање сите важни фудбалери, а доминацијата која ја покажа Англија во овие квалификации може да биде само најава за убав фудбал.

"Селекторот секогаш од нас бара победа без разлика со кого играме. Нас н$ не интересира каква е ситуацијата на табелата, кој се бори за Мундијал, а кој не. Мораме да го дадеме максимумот и да го сочуваме нашиот образ", изјави Џон Тери пред денешниот меч.

Токму капитенот на Челзи бил посочен како најслаба точка во англискиот национален тим од шпионите на Михаиличенко и шанса за Украина да го загрози голот на Дејвид Џејмс. Домашната селекција има мали проблеми со составот кои доаѓаат поради здравствената состојба на Артем Милевски. Напаѓачот на Динамо Киев има температура и не е сигурно дали ќе биде на располагање за вечерашниот меч. Најверојатно покрај Шевченко ќе игра Воронин, а во комбинација се уште Владимир Гоменјук и Јевген Селезнев, кој добро се согласуваше со Шева на мечот со Казахстан. Домашниот терен е најголемиот адут на Украинците во овие квалификации имајќи предвид дека на него досега остварија три победи и едно реми и токму поради тоа с$ уште се во комбинација за пласман на Мундијалот ако се знае дека на гости има само еден триумф

"Атрактивно е да се игра против поранешните соиграчи Тери, Ешли Кол, Лампард и останатите, но немам чувство дека треба да се докажувам неколку. Ова за сите е најважен натпревар од овие квалификации и потребна ни е победа. Добро ги познавам противничките фудбалери и знам дека мора да дадеме с$ од себе за да победиме", истакна најдобриот фудбалер во историјата на украинскиот национален тим Андриј Шевченко. На Украина & одговара само победа од овој меч бидејќи во последното коло Хрватска гостува на Казахстан и минимална е веројатноста да загуби таму. За потсетување, двете селекции се борат второто место кое носи само во баражот за пласман на Мундијалот.

БЕЛГРАД ГОРИ ПРЕД МЕЧОТ СО РОМАНИЈА

Србија (порано СР Југославија и СЦГ) првпат по распаѓањето на СФРЈ има шанса да игра на две светски првенства по ред. Во моментов селекцијата на нашиот северен сосед е убедливо на првото место со четири бода повеќе од Франција и ако вечерва ја победи Романија тоа ќе значи сигурен пласман на Мундијалот. Од тие причини Србија и особено Белград деновиве живее за фудбалот, особено по немилите настани кои се случуваа последниот месец со навивачите од оваа земја.

"Во националниот тим негуваме офанзивна формација, а што се однесува до овој натпревар, важноста е иста како за Франција иако тензијата е малку помала, што е добро за нас. Се подготвуваме во мир и очекуваме да им приредиме голема радост на нашите фанови", рече капитенот на српскиот национален тим Драган Станковиќ.

Романија нема шанси за првото или второто место, додека Франција со победа против Фарски Острови ќе го обезбеди барем пласманот во баражот.

ДЕРБИ ВО МОСКВА И КОПЕНХАГЕН

Не помалку интересни натпревари се играат вечерва во првата и четвртата група и тие директно одлучуваат за конечниот пласман на табелата. Европскиот вицешампион Германија гостува кај Русија, која под раководство на Гус Хидинк доживува ренесанса. Во моментов селекцијата на Јоаким Лев е првопласирана, но со само еден бод повеќе од Русија.

Во Копенхаген нема да има толку голема тензија бидејќи Данска со едната нога веќе е во Јужна Африка, но затоа скандинавското дерби е од исклучително големо значење за Шведска. На "викинзите" им одговара само победа од овој меч бидејќи својата шанса од втор план ја очекува Португалија предводена од Кристијано Роналдо.

ДВОЈКИ

ГРУПА 1

ДАНСКА - ШВЕДСКА 20 ч.

ПОРТУГАЛИЈА - УНГАРИЈА 21.45 ч.

ТАБЕЛА

1. Данска 8 5 3 0 15:4 18

2. Шведска 8 4 3 1 9:3 15

3. Португалија 8 3 4 1 10:5 13

4. Унгарија 8 4 1 3 9:5 13

5. Албанија 9 1 4 4 5:9 7

6. Малта 9 0 1 8 0:22 1

ГРУПА 2

ЛУКСЕМБУРГ - ШВАЈЦАРИЈА 18.45 ч.

ГРЦИЈА - ЛЕТОНИЈА 20.30 ч.

ИЗРАЕЛ - МОЛДАВИЈА 21 ч.

ТАБЕЛА

1. Швајцарија 8 5 2 1 15:8 17

2. Грција 8 4 2 2 13:7 14

3. Латвија 8 4 2 2 13:8 14

4. Израел 8 3 3 2 17:9 12

5. Луксембург 8 1 2 5 3:20 5

6. Молдавија 8 0 3 5 3:12 3

ГРУПА 3

ЧЕШКА - ПОЛСКА 20.30 ч.

СЛОВАЧКА - СЛОВЕНИЈА

ТАБЕЛА

1. Словачка 8 6 1 1 21:8 19

2. Словенија 8 4 2 2 13:4 14

3. С.Ирска 9 4 2 3 13:9 14

4. Чешка 8 3 3 2 15:6 12

5. Полска 8 3 2 3 19:11 11

6. Сан Марино 9 0 0 9 1:44 0

ГРУПА 4

ФИНСКА - ВЕЛС 16 ч.

РУСИЈА - ГЕРМАНИЈА 17 ч.

ЛИХТЕНШТАЈН - АЗЕРБЕЈЏАН 20 ч.

ТАБЕЛА

1. Германија 8 7 1 0 24:4 22

2. Русија 8 7 0 1 18:4 21

3. Финска 8 4 2 2 11:12 14

4. Велс 8 3 0 5 6:10 9

5. Лихтенштајн 8 0 2 6 2:19 2

6. Азербејџан 8 0 1 7 1:13 1

ГРУПА 5

ЕРМЕНИЈА - ШПАНИЈА 18 ч.

ЕСТОНИЈА - БИХ

БЕЛГИЈА - ТУРЦИЈА 20.45 ч.

ТАБЕЛА

1. Шпанија 8 8 0 0 21:2 24

2. БиХ 8 5 1 2 21:8 16

3. Турција 8 3 3 2 11:8 12

4. Белгија 8 2 1 5 11:18 7

5. Естонија 8 1 2 5 7:2 5

6. Ерменија 8 1 1 6 5:18 4

ГРУПА 6

БЕЛОРУСИЈА - КАЗАХСТАН 17 ч.

УКРАИНА - АНГЛИЈА 18.15 ч.

ТАБЕЛА

1. Англија 8 8 0 0 31:5 24

2. Хрватска 9 5 2 2 17:12 17

3. Украина 8 4 3 1 14:6 15

4. Белорусија 8 3 1 4 15:11 10

5. Казахстан 8 2 0 6 10:23 6

6. Андора 9 0 0 9 3:33 0

ГРУПА 7

СРБИЈА - РОМАНИЈА 20.30 ч.

АВСТРИЈА - ЛИТВАНИЈА

ФРАНЦИЈА - Ф.ОСТРОВИ 21 ч.

ТАБЕЛА

1. Србија 8 6 1 1 16:6 19

2. Франција 8 4 3 1 10:8 15

3. Австрија 8 3 2 3 11:11 11

4. Литванија 8 3 0 5 7:8 9

5. Романија 8 2 3 3 9:12 9

6. Фарски О. 8 1 1 6 4:12 4

ГРУПА 8

КИПАР - БУГАРИЈА 19 ч.

Ц.ГОРА - ГРУЗИЈА

ИРСКА - ИТАЛИЈА 22 ч.

ТАБЕЛА

1. Италија 8 6 2 0 13:3 20

2. Ирска 8 4 4 0 10:6 16

3. Бугарија 8 2 5 1 10:7 11

4. Кипар 8 1 3 4 8:12 6

5. Црна Гора 8 0 5 3 7:13 5

6. Грузија 8 0 3 5 4:11 3

Руни: Би сакал Роналдо и Меси да не играат на СП

Својата тешка природа, но и недостиг на спортско однесување уште еднаш ги покажа напаѓачот на Манчестер Јунајтед, Вејн Руни. Англискиот репрезентативец изјави дека нема ништо против на Мундијалот да не играат Кристијано Роналдо и Лионел Меси, кои имаат проблеми со аргентинската и португалската репрезентација.

Се разбира, Руни нема ништо лично против својот некогашен соиграч и против фудбалерот на Барселона, но затоа има голема желба со Англија да стане светски првак, а токму Аргентина и Португалија можат да го оневозможат во тоа.

"Не би ми пречело Роналдо и Меси да не се појават таму. Всушност, би било убаво Португалија воопшто да не оди имајќи предвид дека н$ елиминираа од последните две големи натпреварувања, и тоа на пенали. Ние се пласиравме и среќни сме поради тоа, а кога ќе ги погледнам Португалија и Аргентина како се мачат, чувствувам возбуда", признава Руни.

Капело брка рекорд

Хрватска очекува услуга од Англија, но селекторот на Гордиот албион, Фабио Капело, самиот себе може да се запише во историјата на квалификациите за Светско првенство. Ниеден селектор досега не успеал да го однесе својот национален тим на Мундијал со максимален број бодови од десет натпревари (тоа веќе им успеа на Холандија и берт Ван Марвијк, но од осум). Слична шанса како Капело има и шпанскиот селектор Висенте дел Боске бидејќи европскиот првак исто така досега победи се и веќе обезбеди пласман во Јужна Африка.

Ако не се изземат пријателските натпревари, Фабио Капело последен пат бил поразен на официјален меч на 14 септември 2007 година во Сантандер со 2:1 и тоа додека го водеше тимот на Реал Мадрид. Таа година со Реал стана шпански првак, но на крајот од сезоната си замина и шест месеци подоцна стана англиски селектор. На клупата на Англија има два порази, и тоа од Франција и Шпанија, но на пријателски средби. Досега е најуспешен англиски селектор во квалификациски циклус.

Астафјевс на чекор од рекорд

Играчот за врска на летонската репрезентација Виталијс Астафјевс би можел денеска да се израмни, а в среда да постави рекорд според бројот на репрезентативни настапи, и тоа во европски рамки. Фудбалерот кој има 38 години и кој за Летонија има 18-годишен стаж веќе одигра 156 натпревари и само еден настап го дели од израмнувањето на рекордот кој го држи Естонецот Мартин Реим, а е поставен во 2007 година.

Ако Астафјевс биде на теренот против Молдавија и Грција во последните два меча од квалификациите, рекордот ќе биде негов.

"Моја цел е да бидам на врвот на таа листа. Се надевам дека ќе успеам со оглед на тоа дека с$ уште немам намера да ја завршам кариерата", изјави фудбалерот кој во својата кариера настапуваше и во англиското и германското првенство.

На светско ниво рекордер е 37-годишниот голман на Саудиска Арабија, Мохамед ал Дејеа со 181 настап.

Со одигрувањето на синоќешните натпревари од последните кола во квалификациските групи, комплетирани се имињата на сите девет селекции кои директно обезбедија место на Светското фудбалско Првенство во Јужна Африка 2010-тата.

На веќе квалификуваните, Холандија, Шпанија, Англија, Србија, Германија и Италија, од синоќа им се приклучија и Словачка, Швајцарија и Данска, како првопласирани селекции во своите групи. За Словачка ова е прво учество како самостојна држава.

Место на Светското првенство во Јужна Африка, но преку дополнителните бараж натпревари ќе бараат: Португалија, Грција, Словенија, Русија, Босна и херцеговина, Украина Република Ирска и Франција. Ждрепката ќе се одржи в понеделник на 19 октомври, а натпреварите ќе се одиграат на 14-ти и на 18-ти ноември.

Преглед на постигнатите резултати во последното квалификациско коло:

Група 1: Португалија - Малта 4:0, Данска - Унгарија 0:1 и Шведска - Албанија 4:1.
Табела: Данска 21(бодови), Португалија 19, Шведска 18, Унгарија 16, Албанија 7 и Малта 1.

Група 2: Швајцарија - Израел 0:0, Грција - Луксембург 2:1 и Летонија - Молдавија 3:2
Табела: Швајцарија 21, Грција 20, Летонија 17, Израел 16, Луксембург 5 и Молдавија 3.

Група 3: Сан Марино - Словенија 0:3, Полска - Словачка 0:1 и Чешка - Северна Ирска 0:0.
Табела: Словачка 22, Словенија 20, Чешка 16, Северна Ирска 15, Полска 11 и Сан Марино 0.

Група 4: Германија - Финска 1:1, Азербејџан - Русија 1:1 и Лихтенштајн - Велс 0:2.
Табела: Германија 26, Русија 22, Финска 18, Велс 12, Азербејџан 5 и Лихтенштајн 2.

Група 5: Босна и Херцеговина - Шпанија 2:5, Турција - Ерменија 2:0 и Естонија - Белгија 2:0.
Табела: Шпанија 30, Босна и Херцеговина 19, Турска 15, Естонија 11, Белгија 10, Ерменија 4.

Група 6: Андора - Украина 0:6, Казахстан - Хрватска 1:2 и Англија - Белорусија 3:0.
Табела: Англија 27, Украина 21, Хрватска 20, Белорусија 13, Казахстан 6 и Андора 0.

Група 7: Литванија - Србија 2:1, Романија - Фарски острови 3:1 и Франција - Австрија 3:1.
Табела: Србија 22, Франција 21, Литванија 17, Романија 12, Австрија 9 и Фарски острови 4.

Група 8: Бугарија - Грузија 6:2, Република Ирска - Црна Гора 0:0 и Италија - Кипар 3:2.
Табела: Италија 24, Република Ирска 18, Бугарија 14, Кипар 9, Црна Гора 9, Грузија 3.