Што можеме да направиме за Македонија?

   „Не прашувај што твојата татковина може да направи за тебе, прашај што ти можеш да направиш за твојата татковина“ - Џон Ф. Кенеди...
Интересно размислување кое би можело да го пренесеме на нашиве услови на живеење. Многупати сум размислувал и дискутирал, што всушност очекуваме од Македонија, и за возврат што ние и даваме. Дали живееме како паразити, закачени на едно тело и цицаме крв додека жртвата не колабира.
Сите очекуваме „чуда“ од државата, сакаме социјална држава, еколошка држава, правна држава, економски силна држава. Но, една кратка листа од неколку прашања, ме фрлаат во мисла- можеме ли навистина, со минимален напор, да си создадеме убави услови на живеење?
Еве неколку од тие прашања:

1. Колку граѓани и правни субјекти затајуваат данок, прикажуваат лажни резултати за остварен профит, бегаат од фискализација, плаќање придонеси?
2. Колку граѓани цените во продавница ги гледаат во денари а веднаш ги претвараат во евра, кога прашуваат за некоја роба бараат цена во евра, секој разговор е во евра, а , нашата национална валута, денар се викаше?
3. Колку граѓани , после завршена услуга од буџетски службеник во јавна установа, (платена од данок на народот , за да му служи на народот) , осеќаат потреба да почастат некој службеник, да им се најде за друг пат?
4. Колку граѓани свесно прават прекршок, во сообраќај, на улица (фрлање отпад насекаде), и ако случајно добијат казна, наместо да ја платат, бараат секакви можни врски да ја поништат казната, и повторно го прават истиот прекршок?

Списокот на вакви и слични прашања е многу долг, но поентата е прашањето: Дали постои желба кај народот да тргне од себе, секој поединечно, и да се  праша - што можам да направам, да живеам во богата земја со развиена индустрија и висок стандард на живеење, со силна здравствена и социјална заштита, со развиена наука, чиста околина околина, безбеден сообраќај, безбедна држава, ефикасна администрација...
А малку треба, секој да го покрене механизмот во себе, и еден ден ќе се смееме дека воопшто сме дискутирале за политика, на анкети ќе се смееме дека голем дел не знае која партија е на власт, не знаат име на политичар и сл.... Ама ќе живееме убаво, ќе дискутираме повеќе за спорт, музика, забави, патувања....
Можеби звучи како утопија, но верувам дека можеме, само ако сакаме - но, дали сакаме?
Добредојдени се сите размислувања, како да си го направиме животот поубав и како да се гордееме повеќе со нашата татковина...

Внеси реплика	страница 12 3 34 >
Tweet