Фестивалот што ја однесе реата од војната

Фестивалот „Вудсток“ е една од легендите на модерното време. Четириесет години поминаа од тој незаборавен настан. На фестивалот дојдоа луѓе од цел свет, меѓу нив и тогаш 24-годишниот Дитер Фровајн - Лиасо од Келн.

Во јуни 1969 година, Дитер бил при крај со служењето на воениот рок во германската армија. Од американски војници, стационирани на исто место, дознал за претстојниот фестивал во Вудсток, крај Њујорк, и решил да отпатува.

„Си помислив: мора да се ослободиш од оваа реа на униформи, од командна структура, наредби и послушност, а тоа можеш најдобро да го сториш, ако се измешаш со луѓе од еден сосем друг свет“, вели Дитер.

Фестивал преплавен со млади луѓе

И, без многу размислување, Дитер, инаку голем музички фан, резервирал авионска карта за Њујорк. За планот не кажал никому, бидејќи по секоја цена сакал да патува сам. Во Њујорк се сместил во некој феријален дом. Таму запознал млади луѓе од американскиот среден запад, кои исто така сакале да одат на фестивалот: „Ме прифатија, оти за нив беше егзотично дека доаѓам од Германија.“

Фестивалот Вудсток не се одржал во Вудсток?!

Во Вудсток ги очекувало изненадување: „Вудсток? Не таму. Се’ се случуваше во наредното место Бетел, околу три километри оддалечено. Вудсток е лага - неговите жителите одбија да дадат терен на располагање“, раскажува Дитер.

Тој не зборувал многу англиски, а и неговата облека се разликувала од стилот на хипиците, кои го преплавиле местото. Тој бил облечен „сосема нормално“, но добро се чувствувал во тоа „шарено племе“. „Немав никакви задршки и навистина уживав. Шетав наоколу и ги гледав луѓето. Се поздравуваа со „хелоу“ или „хај“. Само гледав и се‘ впивав во себе, целата прекрасна атмосфера.“

„Не ми пречеше чадот од марихуана“

За време на фестивалот малку јадел и пиел, проблем му правел и дожот што не престанувал, оти Дитер од опрема за кампување имал само капа за дожд. Не го тангирале многу ексцесите со дрога и идејата за слободна љубов:

„Секако, неколкумина трчаа наоколу голи, но тоа не ме интересираше многу. Сакав само да слушам музика, да се измешам меѓу тие луѓе, за да видам како живеат, што е тоа, што се случува тука? Чад од марихуана и слични работи беа латентно присутни, но тоа не ми пречеше.“

„Вудсток" во 2004 г. во Кострзин, Полска

Многу значајно му било на Дитер што можел да ги доживее неговите омилени големи ѕвезди: „Кога кратко по фестивалот од предозираност со дрога почина Џенис Џоплин, можев да кажам: барем уште еднаш ја доживеав“. По три дена, тргнал да си оди - до Њујорк со авто-стоп, потоа со авион до Германија. Во татковината видел дека „Вудсток“ станал голем медиумски настан, музиката од таму била емитувана во сите кафулиња и барови.

Трите луди дена цврсто врежани во сеќавањата

Вудсток засекогаш во сеќавањата на Дитер

Дитер, кој сега води продавница за уметнички потрепштини во Келн, досега ретко раскажувал дека бил во Вудсток; вели, малку кој би му верувал. Во 1996 уште еднаш бил на големата фестивалска ливада во Бетел. Во главата и по 40 години му се цврсто врежани сеќавањата на трите луди денови, полни со музика и шарената човечка толпа. „Во секој случај, целата, како да кажам, целата реа на Бундесверот беше како од ветер однесена“, заклучува Дитер.

Слави се потрошил во СЗ

Нова цел на бугарите

Ќерката на Мадона - каква копија на оригиналот



Во школска униформа, со превез и црвен кармин Лудрес (12) се повеќе личи на нејзината мајка Мадона. Оваа слика која може да се најде на интернет е дел од втората верзија од видоето на Мадона за песната „Славење“. Другата верзија за видеото е достапна на интернет од вчера.
Лудрес и се придружи на Мадона на сцената во Израел на вчерашниот концерт во Тел Авив како дел од нејзината „Стики енд вет“ турнеја.
Лудрес е најстарото дете на поп-кралицата Мадона од Карлос Леон, поранешниот фитнес тренер на Мадона.
Според пејачката, нејзините деца имаат многу строго воспитување: „Моите деца не гледаат телевизија. Имаме телевизор дома, но не сме претплатени на ништо освен на филмови. Телевизијата е ѓубре. Мојата ќерка има проблем со собирањето облека од подот. Па затоа ако не си ја стави облеката во плакарот, таа ќе заврши во ѓубре. Таа мора да научи да биде уредна“, изјави Мадона.

Во чест на Тоше Проески ќе се пее на 25 јануари

Одлуката неодамна ја донесе Управниот одбор на Меѓународната фондација „Тоше Проески“, бидејќи смета дека публиката треба да го слави денот на неговото раѓање

Традиционалниот концерт посветен на нашата мегаѕвезда Тоше Проески нема да се одржи на 5 октомври во националната арена „Филип Втори“, како што досега се шпекулираше, туку на 25 јануари 2010 година, а локацијата допрва ќе се одредува.

- Размислувавме дека понатамошната организација на концерт за Тоше, наместо на датумот на одржувањето на неговиот последен настап, 5 октомври, треба да го поместиме на датумот на неговото раѓање, со што ќе ја славиме и понатаму радоста од неговото раѓање. Лани докажавме дека концертот во 2007 година и не му беше последен. За нас, членовите на семејството, а веруваме и за сите на кои Тоше им е во срцата, 25 јануари е денот што треба да се слави и да се исполни со музика и со љубов. На последната средба на Управниот одбор донесовме едногласен заклучок дека денот кога ќе се одржува традиционалниот концерт треба да биде неговиот роденден - стои во соопштението потпишано од извршниот директор на Фондацијата, Андреј Николоски.

Концертот веќе се подготвува со полна пареа, но организаторите не откриваат детали за сценариото и за планираните музички гости. Минатата година организаторот, Фондацијата „Тоше Проески,“ под покровителство на Владата и на Министерството за култура на Македонија, заедно со публиката, ја исполнија желбата на Тоше.

- На 5 октомври 2007 година од Градскиот стадион Тоше рече „Да ве видам в година, тука, во уште поголем број. Ве сакам сите!“ На 5 октомври, 2008 година публиката на Тоше беше на Градскиот стадион, во уште поголем број, а таму беа и пријателите на Тоше од различни земји од Балканот кои ги пееја неговите песни. Договорениот простор, во закажаното време биеше со срцев дамар полн со музика и љубов. На сцената на Градски се качија голем број од најблиските соработници на Тоше од повеќе земји, а спектакуларниот меѓународен хуманитарен концерт, обмислен како грандиозна и гламурозна манифестација, го пренесуваа сите земји од регионот - велат од Фондацијата.

Собраните пари од хуманитарниот концерт во континуитет се распределуваат за општественокорисни цели, согласно одлуките на Управниот Одбор на Фондацијата. Со дел од парите неодамна се набавија неопходни медицински апарати за болницата во Крушево. Министерството за култура на Македонија потврди дека и годинава ќе го поддржи овој проект во чест на Проески. (М.А.М.)

Со парите ќе се доградува манастирот во Крушево

Парите што ќе се соберат од овој хуманитарен концерт ќе бидат наменети за манастирот „Св. Преображение“ во Крушево, каде што градителските работи се во тек.

- Со оглед на тоа што манастирот е седум километри оддалечен од Крушево, во место надвор од јавната електрична мрежа, потребна е поголема инвестиција за електрификација и за комплетно осветлување на комплексот. Веруваме дека и публиката на Тоше ќе не' поддржи во нашето убедување дека 25 јануари е вистинскиот ден за славење на делото на Тоше, во музиката и хуманоста и воедно се надеваме дека заедно ќе направиме многу и за заживување на една од неговите најголеми желби - Манастирот „Св. Преображение“ - вели Николоски.

Еве го Боjан бе- а де го Александр?

Анастеа напиша: Мадона и Лејди Гага се степаа пред камери во емисија Saturday Night Live  бљак

mizerii