Прилеп

СПЕКТАКУЛАРЕН КОНЦЕРТ НА ХРВАТСКАТА ЅВЕЗДА

Гаќите на Севе го запалија Прилеп

-Тешка сум на прашањата за приватниот живот, но бидејќи сте толку слатки ќе ви одговорам- среќна сум, вљубена и задоволна.

Мислам оти тоа и го заслужувам. Ова беше единствениот одговор за приватноста на хрватската ѕвезда Северина, која во саботата настапи на "Пиво фест" во Прилеп. Време за интервјуа немаше, освен една куса средба со новинарите, колку да се пофали околу кариерата.

Таа долго време беше мета на таблоидите. Приватниот живот го разголи до максимум објавувајки порно снимка со хрватски бизнисмен, кој можеби и ја донесе најголемата популарност. Се редеа трачеви за многу познати фаци, меѓу кои и Горан Бреговиќ, па прилично помладиот Мате Чуљак, кој ја придружуваше на изборот за песна на евровизија во Атина и последниот, поранешен келнер Славко Шаиновиќ, за кого наголемо се шпекулира дека веќе се верени. Но, Севе реши да ја крие приватноста од сите новинари и на секое прашање одговара- среќна сум, заљубена и задоволна.
-Ова е мој прв настап во Прилеп. Многу сум среќна што сум овде, во земјата позната по добрите вина, во град кој е влезен во гинисовата книга на рекорди. Среќна сум што сум во земјата во која живееше Тоше Проески
Дали на градоначалникот на Прилеп, Марјан Ристески, кој за добредојде во подари икона, ќе му ја испеете песната "Марјане мој"?
-Апсолутно, ќе ја испеам. Па тука има кршни, убави и згодни момци.
Во новиот албум има една песна во која маите се нарекуваат "гадови", па дали тоа се однесува на некој што можеби ве повредил ?
-Албумот го работев со Горан Бреговиќ, кој е еден од најголемите композитори не само на овие простири,туку и во светот и затоа сум многу среќна. Текстуално ни помагаа Марина Туцаковиќ и Лиљана Јорговановиќ, нормално, текстовите се правени поаѓајќи од мојот сензибилитет. Но, мислам дека секоја жена барем еднаш во живототот за некое момче помислала дека е гад. За тоа е песната.
Што беше пресудно за да настапите во Прилеп? Парите или тоа што никогаш не сте биле во овој град?
- Не се парите. Дојдов оти долго не сум била во Македонија а секоја срдеба со Македонија за мене е голема радост. Обично кога доаѓате во некој град имате некаква трема, некако душата ви е стегната. Во Македонија тоа го нема , тука ве дочекуваат со отворено срце и се чувствуате како да сте куќа полна со љубов .
Дали планирате концерт во Македонија
-Многу би сакала .Би сакала концерт во Македонија,во Скопје,можеби на есен или на пролет идната година. Можеби пак во Прилеп , да донесам засилен бенд и со танчерки и трубачи.
Да не сте пејачка што би биле?
- Никогаш несум била маникенка зашто за тоа треба да пораснам најмлаку 8 сантимтери. Но, бев на ревија само како пријателка на некои креатори кои работеа за мене. Како мала сакав да глумам во театар. Желбата ми се оствари во 2002 година, кога ја глумев една од најбараните женски улоги Бароницата Кастели во "Глембаеви".
Освен да пеам друго не знам да работам. Завршив средно музичко учлиште,но жал ми е што никогаш не матурирав заради турнеите. Мислам дека сеуште не направив многу, но никогашне е доцна. В.Тодороска

***

РЕКОРДИ НА "ПИВО ФЕСТ"

Испиени 100 илјади тони пиво, изедени 25 тони скара, собрано 200 метри кубни ѓубре

Жешка и весела атмосфера на пиво журката во Прилеп, која годинава се одржува по седми пат, уште повеќе ја вжешти настапот на хрватската ѕвезда Северина, која собра околу десетици илјади посетители. Да ја видат Севе дојдоа од цела Македонија и странци. И таа призна дека не очекувала толку голем интерес, па за да ги поздрави ја отпеа "Битола мој роден крај".
Четиридневната пиво забава годинава помина во пријатна и мирна атмосфера со многу гости кои од вжештената атмосфера што дополнително ја подгреа Севе се разладуваа со 13 видови ладен пенлив пијалок од домашни и странски пиварници, со најдобро подготвените специјалитети на сакара. Организаторите задоволни ги тријат рацете и од посетеноста и од изеденото и испиеното.
-Во саботата вечерта во Прилеп имаше околу 100 илјади посетители. За време на трите вечери на фестивалот испиени се 90 тони пиво и изедени се 25 тони скара, велат од локалната самоуправа.
За време на забавата и комуналците имаа полни рацеработа. Само по пиво забавата во саботата, кога од сите страни редици возила влегуваа во градот, комуналците собраа 200 метри кубни смет, што е за 130 отсто повеќе од претходните два дена. Но, од локалната самоуправа ветуваат дека и по пиво фестот Прилеп ќе го задржи епитетот- најчист град. (В.Т.)

НАЈМАЛКУ 2 МИЛИОНИ ЕВРА- СПЕЧАЛИ “ПИВОФЕСТ 2009”

Неверојатно успешно организираниот фестивал на пивото “Пивофест 2009”, кој годинава собра над 220.000 посетители, за градоначалникот Марјан Ристески е своевиден индикатор дека, веќе во наредното 8-мо издание, свое поактивно учество треба да има и Министерството за култура.

Ова уште повеќе и заради тоа што од ова случување, значаен финсиски бенефит има не само општинава, туку и државава.

Годинашниот “Пивофест 2009”, кој, и покрај невидената, за наши услови масовност, помина без ниту еден инцидент, го посетија и повеќе странски дипломати, домашни политчари, но и претседателот на државава, Ѓорѓе Иванов.