F1 Вести

Нелсон Пике го купува БМВ?



Легендарниот бразилски возач, Нелсон Пике, наводно сериозно размислувал за купување на БМВ Заубер, тим кој најави повлекување по завршувањето на тековната сезона во Ф1, а идејата ја подржа и неговиот син.

Легендарното име Нелсон Пике во последните неколку години во Формула 1 се споменува најчесто во контекст на неговиот син, истоимениот возач на Рено, но се чини дека Пике стариот планира враќање во светот на елитниот автомото спорт на голема врата.

Според пишувањата во бразилските медиуми, 56-годишниот Пике договара соработка со Заубер, заедно со шефот на тимот Супер Нова, Давид Сеарс. Супер Нова се натпреварува во ГП2 серијата.

„Се што можам да ви кажам досега е дека ми се свиѓа името Пике Ф1. Што мислите вие?“- прокоментира младиот Пике, што за него ке представува одлична шанса да го продолжи својот пат во Формула 1. Имено, бразилскиот возач паѓа во се поголема немилост на шефот на Рено, Флавио Бријаторе, и се чини дека е само прашање на време кога Италијанецот ке побара негова замена.


Во меѓувреме, се погласно се јавува и Жоан Виладелпрат, шефот на тимот Епсилон Еускади, која цели на испразното место во Ф1. „Дотолку се отвори шанса го Ф1, сигурно е дека ке ја искористиме.“- изјави Шпанецот, тврдејки дека може да остварува подобри резултати од трите преостанати новајлии: Кампос, Монор и УСФ1.
„Во тимот на УСФ1 моментално работат само 15луѓе. Манор пробува да продаде поголемиот дел од својте акции, а слушам дека на Адриан Кампос и не му иде баш најдобро. Јас сум во постојан контакт со ФИА и Берни Еклстоун и уверен сум дека кога-тогаш ке влеземе во Формула 1“- објасни Виладелпрат.

sportdenes.com

Михаел Шумахер го откажа враќањето во Формула 1

Седумкратниот шампион во Формула 1, Михаел Шумахер, денеска го откажал враќањето во тимот на Ферари, како замена за Фелипе Маса, а како причина за оваа своја одлука навел дека сеуште чувствува последици од повреди, кои ги добил кога паднал од моторцикл, пред неколку месеци.

“За жал нема да можам да го заменам Фелипе“, соопштил Шумахер на својата интернет страница и додал дека за својата одлука ги известил и челниците на Ферари.

Германецот појаснил дека во несреќата со моторцикл во февруари, годинава, добил повреди на главата и на вратот, кои биле премногу сериозни. Тој оценил дека неговиот врат нема да може да го издржи стресот, кој го носи натпреварувањето во Фoрмула 1.

Тимот од Маранело набргу по објавувањето на информацијата за одлуката на Шумахер, соопшти дека на 23 август на трката за Големата нарада на Европа, која ќе се вози во Валенсија, Шпанија, болидот на Маса ќе го вози Лука Бадоер, досегашен нивни тест возач.

Шумахер се повлече од трките во 2006 година, но минатиот месец се согласи привремено да го замени повредениот Маса во тимот на Ферари.

Михаел Шумахер го откажа враќањето во Формула 1...    ...........

 

laki_bu напиша: Biba_G напиша: Михаел Шумахер го откажа враќањето во Формула 1...    ...........   Ke stanuva Astronaut

така а? а за таму вратот не го боли,а? а?

Пике: "Егото на Бриаторе е поголемо од се друго!"

Нелсон Пике продолжи со објаснувањето на својата верзија на настаните по кои прво го нарече шефот на Рено, Флавио Бриаторе, негов "егзекуционер" пред да биде отпуштен од францускиот тим по Унгарското ГП. Бразилецот, кој е син на трикратниот светски шампион со исто име, вели дека Италијанецот не знае ништо за формула 1. Пике Јуниор беше ГП2 вицешампион зад Луис Хамилтон, а сега е во позиција неговиот квалитет и талент да не е воопшто на цена.

"Тој не знае ништо за формула 1. Можеби, поради сите работи кои не ми одеа во корист, тој ме постави толку долу. Едноставно не се грижеше, а искрено нема поим што се случува во тимот. Ако ја слушате радио-комуникацијата, како да слушате шега. Тој нема поим што се случува во трката и понекогаш прашува дали возачот има гуми за суво или дожд кога е очигледно", изјави Пике во интервју за Аутоспорт.

Иронично токму на Унгарското ГП, откако Фернандо Алонсо излета во вториот болид на Рено по одлуката на тимот да не му каже дека едното тркало не му е добро зацврстено при влегувањето во боксот, Бриаторе беше покажан на ТВ камерите како си заминува од патеката иако Пике се уште беше во трката.

"Сите знаат дека неговото его е поголемо од се друго. Тој сака да се покажува. Може да бидеш колку сакаш добар бизнисмен, но Ф1 тимот на Рено може да работи многу добро и без него. Кога почнав со тимот, тој беше на сите состаноци и брифинзи, но освен за бизнисот другите коментари му се без врска. Единствена добра страна му е добрата врска со Берни Еклстоун и со ФИА. Но, кога го слушав што зборува, како да ја слушав мојата сестра. Пет Симондс е човекот кој навистина знае што се случува во Рено", додава Пике.

Рено речиси сигурно ќе го постават Французинот Роман Грожан на местото на Пике на трката во Валенсија доколку ФИА им дозволи настап, а интересно е што токму Бриаторе му е менаџер на Пике. 23-годишниот Бразилец не очекува помош од него во враќањето во формула 1.

"Менаџер, според него, е некој кој зема 20% од парите на возачот. Според мене, тоа треба да биде некој што треба да даде максимум за добар договор. Флавио никогаш не сакаше да биде во улога на некој кој ми бара тим во формула 1, и нема да се обиде", изјави Пике.

Баричело: "Маса е ОК, сака да се врати бргу!"

Асот на Ферари, Фелипе Маса заздравува добро од неговата незгода на квалификациите на Унгарското ГП и чека од лекарите да му дадат дозвола да се врати на тркањето, вели неговиот сонародник, возачот на Браун ГП Рубенс Баричело.

"Го поминав попладнето со Фелипе и тој е ОК и му благодарам на Бога, истата личност како и претходно", напиша Баричело на Твитер.

Болидот на Баричело загуби пружина од еден килограм која го удри Маса во кацигата на квалификациите во Унгарија. Маса доби фрактура на черепот и мала повреда на окото по што помина една недела во болницата во Будимпешта пред да се врати дома во Бразил и да продолжи со заздравувањето.

"За неговото враќање мораме да бидеме трпеливи. Тој мора да биде 100% подготвен пред да почне да вози, а волјата не му недостасува", додаде Баричело.

Берни ќе си заминел ако се формирала нова серија

Ф1 шефот Берни Еклстоун вели дека не бил задоволен од непријателството кое било покажано од тимовите во овогодишната закана дека ќе се формира нова серија. Иако иднината на Ф1 изгледа сигурна по потпишувањето на новиот Конкорд договор со Еклстоун и ФИА, Британецот реши да проговори за преговорите оваа година и откри дека ќе си заминел ако се продолжело со заканите за паралелна серија.

"Овој бизнис сега е изграден и полесно е да се продолжи отколку да се стартува нешто од почеток. Јас сигурно немаше да формирам нова серија покрај формула 1. За тоа немаше причина, ниту логика. Тие кои кажуваа дека ќе прават нова серија малку се занесоа. Ако Ф1 колабираше зошто јас би останал? Немаше цел повторно да се гради и иако имам енергија имам и многу подобри работи на кои би можел да ја потрошам", призна Еклстоун.

Ф1 ФЛЕШ

Организаторите на Малезиското ГП ќе го вратат стартот на својата трка од 17 часот на 16 часот за следната година по фрустрирачката прекината трка оваа сезона поради силниот дожд. Трката во Сепанг стартуваше подоцна по барањето на Берни Еклстоун за ноќна трка за европските гледачи, но таа беше прекината по само 32 кругови поради тропска бура, а возачите добија по половина поени.

Лидерот во генерален пласман, Џенсон Батон, го продава својот Бугати Вејрон. Досега се изработени само 200 Вејрон автомобили со 8-литарски турбо В16 мотор и повеќе од 1.000 коњски сили и максимална брзина од 400 км/ч. Црниот Вејрон на Батон има само 1.500 поминати милји и се продава за 900.000 фунти или речиси 1.5 милиони $. Покрај ова 29-годишниот Британец вози и Мерцедес ЦЛК ДТМ АГМ, Мерцедес Ц63 АМГ, Ферари Енцо, Ауди РС6 Авант, БМВ М5, Смарт автомобил, Фолксваген комби од 70-тите.

Бруно Сена е главен кандидат за место во новиот Ф1 тим Кампос за 2010, вели шефот Адријан Кампос за шпанското радио. Кампос призна дека сака еден искусен возач како Педро де ла Роса или Марк Хене, но дека млад возач како Сена би бил совршен за тимот. Покрај тоа Кампос како кандидат го спомена Витали Петров, Русинот кој настапува во ГП2 серијата и има огромен број спонзори, додека добриот пријател на Фернандо Алонсо, 29-годишниот Шпанец Антонио Гарсија засега има понуда само за еден тест.

Вебер: Шумахер ќе продолжи да се подготвува за Ф1



Менаџерот на Михаел Шумахер - Вили Вебер не ја отфрли можноста за враќање на седумкратниот шампион зад воланот на болидот на Ферари во наредните неколку месеци.

Според Вебер сега Михаел може да работи на својата физичка подготовка без огромниот притисок кои го имаше до минатата недела.

„Зошто да не продолжи да работи на својата физичка подготовка“, призна Вебер. „Сега Шумахер може да се подготвува без огромниот притисок кои го чувствуваше во текот на минатата недела“, заврши Германецот.

Вчера на официјална прес конференција личниот лекар на летечкиот Германец Јоханес Пијл појасни дека со тек на време нема да има никакви медицински причини кои ќе го попречат Шуми да се врати во Формула 1.

„Очекувам во текот на следните недели Шумахер да се опорави комплетно. После одредено време тој ќе може да се врати во Формула 1“, изјави докторот.

Портпаролката на Михаел - Сабине Кем исто така го коментираше идното враќање на шампионот.

„Не верувам дека Михаел ќе се натпреварува наскоро во Формула 1. И покрај тоа тој не сака да ја отфрли таа можност“, заврши Кем.

Рено најде замена за Нелсон Пике



Нов возач зад воланот на Рено во преостанатиот дел од сезоната во шампионатот на Формула 1, ќе биде французинот - Роман Грожан.

Талентираниот 23-годишен возач во Рено ќе го замине бразилецот Нелсон Пике Јуниор кој пред 10-тина дена доби отказ.

"Навистина сум презадоволен и горд што Рено ми пружи шанса да се докажан. Особена чест ми е што клубски колега ќе ми биде двократниот шампион во Формула 1 - Фернандо Алонсо" - изјави кратно Грожан.
Инаку Роман Грожан во минатите 3 години во болидот на Рено ја освојуваше титулата во европската Формула 3 и во азиската ГП2 серија.