Македонија - Шпанија

Video na golovete       http://www.sportal.bg/video.php?video_id=16277

СРАЊЕ.....ОСВЕН РЕДЕНКИ И МЕСТЕНКИ МКД НЕ ЗНАЕ ПОИНАКУ

Sepak naj dobrijot pobedi

е шо напред..да не беше пријателска и 0-10 ќе изгубевме, се игра само прво полувреме 

Sakam da kazam dek natprevarot ke bide interesen za gleanje a za rezultatot ne znam jas mislam pobeda za nas.

Црвено-жолта "фиеста"

* "Има ли поголема мотивација за нас од гостувањето на Шпанија? Убеден сум дека ќе биде убава фудбалска вечер следена од одлична атмосфера", вели Горан Пандев

Македонија вечерва, заборавајќи го барем за момент целокупниот метеж, срам и скандал кој ни го сервираше ФФМ со аматерската организација на дуелот, од 21:30 часот на новата национална арена "Филип 2 Македонски" ја очекува спектаклот кој дефинитивно треба да го освежи домашниот скромен фудбалски простор...

Во годината на одбележување на 100-годишнината од македонскиот фудбал, но и во моментот на промоција на новата Северна трибина, пред повеќе од 25.000 домашни фудбалски вљубеници, нашите национали дефинитивно не може да имаат и поголема мотивација за фешта од актуелниот европски шампион, Шпанија.

"Подобра контрола од Шпанија пред последните квалификациски натпревари кои нe очекуваат во септември сигурно не можевме да посакаме", вели најдобриот македонски фудбалер, Горан Пандев, пренесувајќи дека сите репрезентативци се максимално подготвени очекувајќи го дуелот со нескриена возбуда, но и низ сосема мирна атмосфера.

"Треба ли некаква посебна подготовка? Јасно е дека од Шпанија нема подобра мотивација. Според мене, 'фуријата' е најдобрата светска селекција. Играат технички извонреден фудбал, на кој објективно тешко е да се парира".

Според нашиот офанзивец, погледнато пред сe од спортскиот агол кој е најважен за селекторот Мирсад Јонуз и неговите избраници, денешниот пријателски натпревар треба да биде добра подготовка пред последните два квалификациски натпревари, против Шкотска и против Норвешка во септември.

"Шпанија игра тактички и технички сосема поразличен фудбал од Шкотите и Норвежаните, нормално на далеку повисоко ниво. Резултатот од натпреварот воопшто не ни е важен. Во септември не очекуваат два важни дуела, и во насока на што подобра подготовка за тие средби сега треба да се насочат мислите и концентрацијата", истакнува Пандев, кој во секој случај дополнува дека вечерва ќе се пружи максимално уживање за нашите навивачи.

"Убеден сум дека ќе биде убава фудбалска вечер следена од одлична атмосфера".

И капитенот Гоце Седлоски, како што истакна на вчерашната прес-конференција, од денешниот натпревар очекува контролна увертира за последните квалификациски предизвици.

"Знаеме со која репрезентација играме. Нема потреба премногу да се зборува за Шпанија. Но ние не се оптоваруваме со нив. Селекторот ја одредува тактиката, ние сме должни да ја почитуваме и со максимален ангажман да & се оддолжиме на домашната јавност", истакнува Седлоски.

Вчера, низ попладневните часови во базата на нашите репрезентативци, хотелот "Стоун Бриџ", очигледен беше обидот националите да се изолираат од сите случувања изминативе денови околу продажбата и препродажбата на билетите, но и од вчерашниот утрински инцидент на тренингот... На крајот единствена е желбата вечерва сето тоа да остане длабоко зад нас па сепак гостувањето на европскиот шампион да остане запаметено како момент кој во секој случај ќе остане запишано во аналите на македонскиот фудбал.


БЕЗ ОПТОВАРУВАЊЕ СО РЕЗУЛТАТОТ

Се поставуваат основите за тактиката со Шкотска

Македонскиот селектор ќе побара од своите избраници вечерва заборавање на името на противникот од спротивната страна, концентрирање пред с$ на нашата игра и, како што вели, реализирање на замислите за добра тактичка подготовка пред септемвриските квалификациски дуели.

"Нe очекува одличен контролен натпревар на кој, за среќа, го имаме европскиот шампион. Репрезентација добро позната која не треба да се анализира. Ние почнавме од јуни да реализираме некои промени во составот, промени во стилот на игра, промени во тимскиот дух, промени во начинот на размислување за противникот и сето тоа треба сега да се дополни со Шпанија. Нема оптоварување со резултатот. Важно е тактички да надополниме во подготовката за тоа што нe очекува со Шкотска. Нема повредени фудбалери, дадовме доволно одмор за оние кои имаа последен настап за своите екипи, па мислам дека сите понесени и од амбиентот соодветно ќе одговориме на, во секој случај, силниот предизвик", истакна вчера селекторот Мирсад Јонуз.

Вечер на радост за Македонија

Според Гоце Седлоски, најважно од денешниот пријателски е да се донесе радост на трибините на националната арена. Потребно е добро издание како поттик за с$ што н$ очекува понатаму.

"Сакаме да & донесеме радост на Македонија. Желбите неизмерно се со еден навистина добра резултат да стартуваме со натпреварите на новиот стадион. Тоа без сомнение ќе ни донесе нов мотив за последните два квалификациски натпревари за пласман на Светското првенство во Јужна Африка 2010", вели нашиот капитен.

Јонуз: "Тотално изолирани од случувањата со билетите"

Вчера воопшто никој од нашиот национален тим на средбата со новинарите не го спомна инцидентот меѓу Гоце Седлоски и Горан Попов на утринскиот тренинг, затоа, па,к селекторот Мирсад Јонуз напомена дека комплетната селекција е целосно изолирана од сите случувања околу организацијата на дуелот...

"Организацијата не е наша надлежност. Ние сме тотално изолирани од сe што се случуваше со билетите за средбата. Нашата концентрација е единствено на што подобра подготовка за натпреварот. Во секој случај нормално е кога доаѓа една Шпанија да има и таков интерес, па и турканици... По сето тоа очекувам и сигурен сум дека ќе има одлична атмосфера. Знам дека на крајот се ќе помине идеално, како и публиката така и нашиот настап на зелениот терен. Треба да биде вистински празник на фудбалот", истакна Јонуз.

Пандев: Не можевме да посакаме подобра контрола од оваа со Шпанија

Најдобрите македонски фудбалери, речиси во целост изолирани од хаосот со продажбата и замената на влезниците, во одлична атмосфера се подготвуваат за утрешниот дуел со Шпанија, кој започнува во 21:30 часот на Арената Филип Втори во Скопје.

"Несомнено ни претстои добар контролен меч, за среќа за противник го имаме европскиот шампион Шпанија, чии квалитети не треба дополнително да се анализираат. Нашата цел е и на овој меч успешно да ја спроведеме нашата тактика, со брзи додавања, игра до нога со брзи и прецизни акции. Ќе биде потешко да го оствариме она што ќе се договриме поради квалитетот на противникот во сите линии, но тоа не значи дека однапред ќе се предадеме. Напротив, ова е натпревар по мерка за она што не очекува во решавачките квалификациски дуели со Шкотска и Норвешка. Од тоа што го видов на тренинзите фудбалерите се во добра кондиција, повредени нема, а по вечерашниот тренинг ќе ги знаеме имињата на 11-те фудбалери со кои ќе го започнеме мечот." - изјави селекторот Мирсад Јонуз на денешната пресконференција.

"Сите знаеме против кого играме, но ние не сме преокупирани со квалитетите на противникот. Најважно е да одиграме машки, да направиме добар резултат и да ја задоволиме Македонија" - додаде капитенот на македонската фудбалска репрезентација Гоце Седлоски.

"Не можеше да посакаме подобра контрола од оваа со Шпанија, која слободно ќе кажам игра технички најдобар фудбал во Европа. Но ние не се оптоваруваме со противникот, треба да ја играме нашата игра. Не очекува одличен меч, а резултатот и не е најважен. Најважно е да го дадеме максимумот и добро да се подготвиме за одлучувачките квалификациски мечеви кои ни претстојат на почетокот на месец септември со Шкотска и Норвешка." - категоричен е Горан Пандев.

Инаку, на утрешниот меч официјално простување од дресот со националниот грб ќе има Артим Шаќири, кој од ФФМ и Агернција за млади и спорт ќе добие симболични признанија.

Потсетуваме, Европскиот шампион Шпанија во Скопје гостува по повод одбележувањето на јубилејот 100 години фудбал во Македонија, како и пуштањето во употреба на новоизградената северна трибина на Арената Филип Втори во Скопје. Благодарница за изградбата на северната трибина ќе добие и Премиерот на Република Македонија, Никола Груевски. Пред стартот на мечот предвидена е и богата културно уметничка програма, а за сите оние кои не успеаа да стигнат до влезница на Градскиот плоштад Македонија ќе биде поставен видео бим за заедничко следење на пријателскиот меч меѓу Македонија и Шпанија.

Останува да ги оставиме зад нас сите нервози и лоши спомени од изминатите денови поврзани со набавката на влезници и да создадеме атмосфера адекватна за празникот на фудбалот кој ни претстои.