ПРЕГОВОРИ ЗА ИМЕТО - 1

 

Мило ми е што ние тука се согласуваме околу неменување на нашето име. Но, колку сме тоа ние? Ние неколку членови на форумот, дури и меѓу нас има некои на кои не им пречи промена на името. Но, каде се крие тројанскиот коњ? РЕФЕРЕНДУМ....

Навидум демократско право, всушност добро пресметан чекор за перење раце од евентуалната одлука на врвот.Ако ја гледаме статистиката, 60% од населението го сочинуваат Македонци(од овие 60 % има голем дел горди сопственици на бугарски, српски, па и грчки пасоши и државјанства, кои во животот си поставиле само една цел-како покомотно да си проживет, кој ги врти другите „будали патриоти“ и Македонија). На остатокот ама баш им е гајле како се вика државата, нити ја гледаат како матична,нити им е свето името.Не се случајни сите овие радикализации во разни ненормални барања кога е густо околу главните проблеми за државата. Проблемот е во оние „лабави“ 60%, на кои им се пере мозокот дека промената на името е само „козметичка“ корекција, за експресно да влеземе во ЕУ и НАТО. И за жал , добар дел од нив ја проголтаа приказната. Така да, референдумот е тројанскиот коњ, преку кој би се извршило легално бришење на Македонија.

Затоа, бидејќи се фалат дека огромен дел од народот ги донел на власт,ја имаат таа одговорност во име на тој огромен дел (30% од 60% излезени гласачи) да донесат цврста одлука, и со тоа да излезат пред народот, па ако е согласен народот , ќе ги поддржи, ако не е, пак ништо, и до сега кубурата ја чуваме за не дај боже...Битно е дека ќе патуваме без визи во ЕУ, а благосостојбата само што не дошла...