ПРЕГОВОРИ ЗА ИМЕТО - 1

Двојната формула е природна позиција на Македонија во спорот што таа го има со јужниот сосед околу разликите за името тврди премиерот Никола Груевски во интервјуто дадено  за неделникот “Форум“ што ќе биде објавено на 7 август.

Премиерот вели дека ваквата позиција е условена од однесувањето на Грција во преговорите која инсиситира на тоа да се промени уставното име на државата со името Република Северна Македонија и тоа за севкупно надворешно и внатрешно користење и со целосно изчезнување.

„Грција бара бришење на името Република Македонија, со промена на Уставот, личните документи, а по однос на идентитетот нема подготвеност за признавање на македонската нација и јазик ниту расположение да се разговара за тоа. Во една таква ситуација, логична наша позиција е природната позиција - двојната формула, со која и нудиме на Грција, во комуникацијата со нив да договориме друго име, а со сите други да важи уставното име“, вели Груевски во интервјуто.

Тој признава дека има притисок од дел од меѓународната заедница во правец да се прифати се што треба и што се бара, со цел да се затвори спорот. И покрај тоа Греувски  истакнува дека Македонија останува дел од преговорите што се водат под покровителство на Обединетите Нации.

„Да, остануваме, ние сакаме да дојдеме до решение на овој проблем. Тоа е државен интерес на Македонија. Сакаме да станеме членки на НАТО и на ЕУ, и не сакаме да бидеме блокирани. Не сакаме да имаме проблем со јужниот сосед, проблем кој не исцрпува и нас и нив. Но, сепак, не ни е сеедно какво ќе биде ова решение“, вели премиерот.

За последниот предлог на Нимиц кој даде модификации на октомврскиот предлог Северна Македонија при неговата посета во Скопје и Атина на почетокот од месецот, Греувски вели:
„Медијаторот Нимиц изложи еден сет на негови размислувања, кој го нарече модифициран сет, спореден со оној октомврискиот. Тој исто така напомена дека веројатно во август ќе ги повика двата преговарачи за да поразговараат за овие негови идеи. Во меѓувреме идеите треба да се анализираат, пред разговорите да продолжат. Се уште сме во рана фаза на оваа рунда разговори, која дојде по неколку месеци прекин заради изборите во двете држави. Преговорите сакаме да се водат со едно државно единство и ние силно ќе работиме на тоа, така ќе течат преговорите, а така ќе се носат и одлуките, сите што ја сакаат оваа држава мора да ги збијат силите, инаку разединети нема да имаме поволно решение“.

Во интервјуто тој јавно повикува на државно единство меѓу власта и опозицијата околу спорот, како што тоа го прави Грција, но, го критикува лидерот на опозицијата Бранко Црвенковски за тоа што додека бил претседател на државата вистински не се заложил за решавање на проблемот.

„Кај нас се доведуваме во позиција да се такмичиме кој ќе биде попопустлив, а со тоа се прави впечаток дека тој што е попопуслив за името, значи дека е повеќе за НАТО И ЕУ. Тоа е погрешна теза и тоа е само дел од тактиката на Црвенковски, кој за жал ова прашање го користи исклучиво како негова алатка за да се препукува со нас, велејќи дека целата одговорност е кај нас и  глуми конструктивност, притоа сака да заборавиме дека цели 17 години тој си поигрува со ова прашање и бега од негово решение. Тој сака да заборавиме дека е дел од причината за овој проблем, а се нуди сега како дел од решението. Ако го знаеше решението, зошто во 17 години не го реши проблемот“, вели Груевски за “Форум“.

Денешните вести во врска со преговорите веќе апла покажуваат како расте дрскоста на ЕУ. Се покажа дека укинувањето на визите ни го дадоа ко лижавче на дете, ептен влеговме во еуфорија, кога глеј, нов „подарок“. Ако го решиме спорот со името брзо, иако не исполнуваме услови ЕУ ќе не награди со датум за преговори. Какви бенчмаркови, каква комисија на ЕУ...Тоа ти е политика, видоа со „бенчмаркови“ ништо не добија, па отворено тргуваат со нас.... Продајте го името , за да разговарате за да влезете во ЕУ...И, еве ќе го смениме името, ќе ни дадат датум за преговори...Колку ќе траат тие преговори? Гооодини...Еден ден може и ќе влеземе во ЕУ....Очигледно се спроведува добро разработена стратегија да се „распамети“ народов од наеднаш многу убави работи, за да омекне околу инатот да го задржи името...Еедноставно нели, што би рекол Љубчо, ќе пробаат на финта, многу евтино да се продадеме...А не го прават тоа бадијала сега, не научија какви сме, кога сме во тесно, се инатиме до даска, кога ќе ни дадат луфта да мрдаме, правиме тешки киксови....