Црвенковски старо-нов лидер на СДСМ

Компанијата Рамстор Македонија ДОО Скопје која стопанисува со истоимениот трговски центар, ќе мора во рок од 15 дена на сметката на Министерството за транспорт и врски да уплати 70 милиони денари (1,13 милиони евра). Вака одлучи Комисијата за заштита на конк*ренцијата (КЗК) која откако пред една година повела истрага за оценка на државната помош која на Рамстор Македонија во 2004 година му ја додели Министерството за транспорт и врски за купување на државно земјиште за изградба на трговскиот центар Рамстор. Тогаш државата, а премиер беше Бранко Црвенковски, преку непосредна спогодба на турскиот инвеститор Коч Холдинг му продаде 19.866 квадратни метри од локацијата позната како Осми колосек на Старата железничка станица и тоа по цена од 1.750 денари за квадрат.

Рамстор Македонија треба овие 1,13 милиони евра да ги доплати до пазарната вредност на чинење на 6.549 квадрати од купеното земјиште што го доби турскиот инвеститор, но тој потоа истото го препродал на друг субјект за повисока цена. На останатата површина од парцелата со површина од 13.370 квадратни метри е изграден трговскиот центар Рамстор и за овој дел Комисијата нема забелешки.

-Поради тоа, државната помош во износ од 1,13 милиони евра што на Рамстор Македонија за овој дел од земјиштето му ги доделило Министерството за транспорт и врски, е некомпатибилна и истата се укинува. Тоа значи дека инвеститорот ќе мора посочените над 1,13 милиони евра да му ги исплати на ресорното министерство - стои во образложението на Комисијата.
http://www.vecer.com.mk/default.asp?ItemID=9E63790F92736A4AA7F4392F9D588BF6