Министерство за внатрешни работи

Стојанче Ангелов

Достоинство преку канцеларијата на Фуере ќе врши притисок за интервенции во новиот Закон за внатрешни работи, но и за според нив, неправдите кои се одвиваат во полициските редови.

Според првиот човек на Достоинство, само минатата недела 200 припадници на полицијата се преместени на работни места оддалечени на 50 до 100 километри од нивните домови.

Ангелов се сомнева во смислена операција, со оглед дека повеќето од тие што се преместуваат се членови на Достоинство или учесници во конфликтот 2001-ва.

„Ние дојдовме до неофицијална информација дека вкупно 800 припадници на полицијата до крајот на летото ќе бидат прераспоредени надвор од местата на живеење, што е огромна бројка“, вели Стојанче Ангелов, претседател на „Достоинство“.

„Притоа, сметаме дека на овој начин се врши и освета врз поголем дел од полицајците, бидејќи се тргнуваат полицајци коишто не стојат добро со локалните старешини, со власта“, додаде Ангелов.

Од Достоинство во канцеларијата на Фуере побарале интервенција и за новиот закон за внатрешни работи кој беше повлечен, но се очекува и повторно да влезе во собраниска процедура.

И покрај предвидената законска можност за напредување во полицијата, од Достоинство прашуваат дали припадниците на МВР што биле деградирани на позициите во изминативе години сега повторно ќе стартуваат од нула?

Бараат да се изготват правилници во кои ќе биде вметната одредба за сите што биле неправилно деградирани да се вратат на повисоката стартна позиција.

Со сите смени на власта, полициските деградирања се пракса која најчесто освен од лични, се врши и од политички причини.

Redno bese nekoj da intervenira....iako so nekolku dena zakasnuvanje...