СРЦЕ ЗА ЖИВОТНИТЕ - здружение

НЕ А БАШ ГИ САКАМ ЖИВОТНИТЕ

СТАЦИОНАРОТ ВАРДАРИШТЕ ГИ ЗАТВОРА СВОИТЕ ВРАТИ!
ГЕНОЦИДОТ ВРЗ ЖИВОТНИТЕ ПРОДОЛЖУВА!

Почитувани,

по упатените критики за работата на стационарот Вардариште и исклучително високата стапка на усмртување во истиот (официјално 55,8%), денес се случи уште еден преседан, за кој сметаме дека треба да бидете известени: Од денес стационарот Вардариште е затворен за посета на граѓани заинтересирани за посвојување – според одлука на одговорните. Денес, десетина активисти на СРЦЕ ЗА ЖИВОТНИТЕ и заинтерсирани граѓани за посвојување беа дочекани со затворена капија и со објаснување дека отсега може да се дојде само петоците од 9:00 до 12:00 часот (иако во јавноста се тврди нешто друго, дури и на официјалната web-страница на стационарот). Веќе станува очигледно дека стационарот Вардариште почнува да работи зад затворени врати, по можност, далеку од очите на јавноста и без контрола на тивкиот геноцид врз животните кои најчесто не излегуваат живи оттаму.

Заради тоа, ние отворено ги поставуваме следните прашања:

   1. До кога одговорните за стационарот ќе спроведуваат тивок геноцид зад затворени врати? - Многу индикативно е дека очигледно им смета често присуство на заинтересирани граѓани и активисти од здруженијата. Дали имаат нешто да кријат од очите на јавноста?

   2. До кога ќе ги опструираат сите обиди да се посвојуваат дел од животните во стационарот, одвраќајќи ги заинтересираните?

   3. Каде завршуваат многубројните заловени животни, кои за ден или два исчезнуваат без трага од стационарот, а на нивно место доаѓаат нови. За хуман третман, тоа е прекраток период, а за посвојување, јасно ни е дека не се посвоени (впрочем, затоа и стационарот нема евиденција на лица кои посвоиле. Вака не ни може да се провери дали некој посвоил и дали се грижи за тие животни).

По средбата на здруженијата со градоначалникот на град Скопје, г-нот Коце Трајановски, која се одржа во петокот, градоначалникот не извести дека се планира зголемување на возила и ветеринари за стерилизација и третман на бездомните животни, со намера и лично да го посети стационарот Вардариште – што го поздравуваме. ОНА ШТО ЗА НАС И ГОЛЕМ БРОЈ ГРАЃАНИ Е АЛАРМАНТНО, Е ФАКТОТ ШТО СЕ ПРАВИ БЕЗМИЛОСНА ЕВТАНАЗИЈА ЗАД ЗАТВОРЕНИ ВРАТИ И НИКОЈ ОД ОДГОВОРНИТЕ НЕ МРДНАЛ СО ПРСТ ТАКВАТА СИТУАЦИЈА ДА СЕ ПРОМЕНИ. ВПРОЧЕМ, ДЕНЕШНОТО „ЗАТВОРАЊЕ“ НА СТАЦИОНАРОТ, СПОРЕД НАС, Е УШТЕ ЕДНА ПОТВРДА ЗА НАМЕРИТЕ: ТИВОК ГЕНОЦИД.

За контакт и дополнителни информации, Ви стоиме на располагање!

„СРЦЕ ЗА ЖИВОТНИТЕ“

п.фах 420, 1000 Скопје
моб. ++ 389 (0)75 800-765
e-mail: info@srcezazivotnite.org.mkЕ-маил адресата e заштитена од спам ботови.
www.srcezazivotnite.org.mk

Изменето од Majkl - 06.Јули.2009 во 19:09

Утре, четврток, со почеток од 11:00 часот во КУЛТУРЕН ЦЕНТАР - ЦК (старата локација на „ТОЧКА“ до РС Shop, на почетокот на „Илинденска“ кај владата)

Здружението за заштита на животните и животната средина „СРЦЕ ЗА ЖИВОТНИТЕ“ Ве кани на прес-конференција и кратка презентација од Игор Есмеров – ветеринарен доктор, магистер по молекуларна генетика.

ТЕМА: Ефективноста на NO KILL – стратегијата, наспроти неефективноста и нехуманоста на стационарот „Вардариште“,

со краток осврт на она што ние како асоцијација на здруженија го нудиме како помош и реформа за ВАРДАРИШТЕ – КОНКРЕТНО РЕШЕНИЕ, ЕДИНСТВЕНА ЕФИКАСНА И ДОЛГОРОЧНО ЕКОНОМСКИ ИСПЛАТЛИВА ПРОГРАМА ЗА КОНЕЧНА КОНТРОЛА НА БРОЈНОСТА НА БЕЗДОМНИТЕ КУЧИЊА И НИВНО ДРАСТИЧНО НАМАЛУВАЊЕ.“

Организирањето на овој настан е поттикнат од игнорантската политика за стационарот Вардариште, кој продолжи да функционира на нехуман, несоодветен и неисплатлив начин, а во него ништо не е сменето на подобро. Наспроти тоа, имавме бројни рекции од светската јавност и пред се од најсилните светски здруженија за заштита на животни: WSPA, OIPA International, PETA, Vier Pfoten, најсилните балкански здруженија “Пријатељи животиња“ – Хрватска, Босна и Херцеговина, “Слобода за животиње“ - Србија.

Срдечно Ве покануваме да присуствувате!


Здружение за заштита на животните и животната средина
СРЦЕ ЗА ЖИВОТНИТЕ
п.фах 420, 1000 Скопје
mob. ++ 389 75 800-765

e-mail: info@srcezazivotnite.org.mk
http://www.srcezazivotnite.org.mk

Изменето од Majkl - 12.Август.2009 во 18:59

Циркуси ДА, ама БЕЗ ЖИВОТНИ!

Во Скопје стигна нов циркус, и тоа беше одбележано со бегството на слонот кој шеташе изгубено низ сокаците на Маџир Маало. Медиумите известија конфузни одговори од надлежните околу ингеренциите и надлежностите за издавање дозволи и проверка/контрола на начинот на кој се третираат животните во циркусите.

Циркусите со животни се забранети во САД, Велика Британија, Австралија, Данска, Грција, Шведска, Финска, Израел ... Во Хрватска, на пр., се забранети во сите градови со градски одлуки и со Законот за заштита на животните.

Земјите кои скоро се влезени во ЕУ исто така ке мораат постепено да ги затвораат циркусите со животински точки, најпрвин со забрана за чување диви животни и трговија со нив, а потоа и целосна забрана. Големите земји од ЕУ кои имаат голем број животни, најпрвин забраните ги воведоа во големите градови, како Венеција, Виена, Барселона ...

Во Македонија, за жал, Законот за заштита и благосостојба и заштита на животните воопшто не ги заштитува циркуските животни, освен некои општи одредби кои прашање е колку можат да помогнат, со оглед на фактот што уште нема донесено правилници и подзаконски акти за примена на овој закон, кој стапи во сила 1.1.2008 год.

Но, дали сте се запрашале како е можно да се „научи“ еден див лав или тигар, навикнат на слободата во џунглата, да седи мирно на столица и на заповед да скока низ пламен обрач? (Животните не можат да го контролираат оганот и сигурно се плашат од него многу повеќе од нас луѓето). Дали сте се запрашале како е можно да се „научи“ една мечка да „танцува“? Можеби ќе стане појасно кога ќе се погледне ова видео: http://www.youtube.com/watch?v=l5G93sKC5No

Одговорот на оние кои веќе го запознале светот на циркуските животни однатре, во најголем дел е: терор, страшни тортури и мачење.

Животните во циркусите страдаат, а нивниот живот е јаден, полн со мачни агресивни дресури, напорни и долги патувања во тесни кафези, напорни претстави кои тие ниту ги сакаат, од град во град, па повторно во кафез, додека не подивеат или оболат. Сето тоа за ние да се „забавуваме“, за да се насмееме на сметка на нивното „страдање“.

Не заборавајте – животните не се во циркусите по своја слободна волја. А циркусите можат да бидат забавни и без страдање на животни.

Апелираме до граѓаните да ги бојкотираат циркусите со животни, градоначалниците да не издаваат дозволи за циркуси со животни и на тој начин да се вклучат меѓу државите и градови – поборници за правата на животните. А до Министерството за земјоделство, шумарство и водостопанство, апелираме во Законот за заштита и благосостојба и заштита на животните да се предвиди член со кој ќе биде забрането гостувањето на циркуси со животни.

СРЦЕ ЗА ЖИВОТНИТЕ

Изменето од Majkl - 29.Септември.2009 во 20:04

Меѓународна конференција
за заштита на животните во Будимпешта


Ве известуваме дека дека алармантниот процент на евтаназија (57%) практикуван во стационарот Вардариште беше една од темите на која се дискутираше на Меѓународната конференција во Будимпешта каде учествуваа околу 200 претставници од 50 држави.

На конференцијата, која се одржа од 7-ми до 10-ти октомври годинава, присуствуваше и претставник од невладината организација „Срце за животните“, кој пред присутните ја образложи ситуацијата поврзана со третманот на бездомните кучиња во нашата земја. Организаторите нагласија дека веќе се алармирани од странските организации (Брижит Бардо, ОИПА, ПЕТА и други) за состојбата со уличните кучиња во Македонија и нивниот третман во стационарот Вардариште. Беше нагласено дека Македонија е единствена земја која има само еден стационар(транзитен центар) и дека како држава е далеку од европските стандарди кои предвидуваат секој град да има стационар за бездомни животни.

Гостите и предавачите на меѓународната конференција изразија големо разочарување од превисоката стапка на евтаназија на уличните кучиња, нагласувајќи дека тоа претставува непрофесионален пристап со кој непотребно се трошат средства, а резултатите се само привремени, а понекогаш и воопшто ги нема. Како единствена солуција учесниците на конференцијата го посочија искуството од европските земји каде што единствено стратегијата „Залови, стерлизирај, врати” долгорочно го решава проблемот.

Пред извесно време организаторите биле алармирани од страна на странски државјани што го посетиле стационарот Вардариште за лошите услови во кои се чуваат и третираат бездомните кучиња сместени во стационарот Вардариште, вклучително и за професионалноста на персоналот кој е ангажиран во оваа институција. Тие ја нагласија потребата од итно подобрување на хигиената и исхраната на животните во стационарот, а фактот дека стационарот во град со 800.000 жители работи само со едно ангажирано ветеринарно лице беше земен како пример како не треба да функционира една јавна установа од ваков карактер. Во контекст на ова, беше направена споредба со јавен стационар од Р.Хрватска, кој функционира според европските стандарди.

На крајот, сепак, беше поздравена соработката на градот Скопје и ЈП „Комунална хигиена-Скопје“ со невладината организација “Срце за животните” и вклучувањето на волонтерите на оваа организација во стационарот, како и акцијата за вдомување на бездомни животни која беше организирана од страна на невладината “Срце за животните” и “Комунална Хигиена - Скопје” на 04.10.2009 на градскиот плоштад „Македонија“.
Дел од учесниците понудија конкретни идеи и решенија за проблемот со големата популација на бездомните животни во Македонија, и ја нагласија спремноста за помош.
Главни теми на конференцијата беа „Односот кон бездомните животни сместени во стационар за бездомни животни” и „Справување со преголема популација на улични кучиња. Како предавачи се јавија дваесетина еминентни лица од полето на ветерината како што се: Клариса Балдвин - Извршен директор на Dogs Trust, Давид Њувал - истакнат активист и одговорен за тренажниот процес, Џефри Јанг - доктор по медицина, познат на светската јавност по програмите за масовна стерилизација, Џои Ли - WSPA и др.

Овие искуства и идеи за решавање на проблемот со бездомните животни имаме во план наскоро да ги презентираме пред одговорните во градот Скопје и другите градови во Р.Македонија.


„СРЦЕ ЗА ЖИВОТНИТЕ“

Изменето од Majkl - 17.Октомври.2009 во 17:23

i toa moze vo nekoja asalna zooloska....
ama delot od postot ne ti go svakam kaj so vikas VISHAK.
a ima vishak lugje!?

DDarko напиша: Сакав да кажам вишок животни кој ги има во природата.

Не се работи за тоа дали ги има вишок. Bluprayer сака да рече дека има и вишок луѓе на планетава(над 6 милијарди) па тоа сепак не ни дава право да правиме со нив било што. Така е и со животните. Животните треба да живеат соодветно својот вид а не според желбите на луѓето(на пр. да ги гледаат во циркуси и сл.)