Рака која подарува не се суши

Vo ramkite na moite moznosti sekogas bi pomognala na nekoj sto ima potreba od toa. Sum primetila isto taka deka koga toa ke se sluci a ke bide taka i samo taka spontano i iskreno napraveno, sekogas mi se vratilo so nekoja neplanirana dobivka ili uspeh vo nesto. Taka da navistina sum veruvac na ova moto.

Христина и Николчо мора да добијат шанса за нормален живот

Семејството Спасовски живее во трошна куќичка со две одаи, без никаква покуќнина

Столе Божиновски

КУМАНОВО - Тринаесетгодишниот Николчо и неговата сестричка Христина, една година помала од него, живеат речиси на врв на Козјак во Китанско Маало во Пелинце. Но, на маргините од животот, што би се рекло, во крајна беда, во услови недостојни за човек. Нормален живот не можат да им обезбедат нивните родители. Мајката на прв поглед остава впечаток на благо ретардирана личност, а таткото е безнадежен човек од кого и господ кренал раце. Така велат луѓето од Пелинце кои го знаат случајот на семејството Спасовски од Китанско Маало.

Семејството живее во трошна куќичка со две одаи, без никаква покуќнина. Живеалиштето повеќе личи на обична црна дупка отколку на куќа. Во двете простории, од чии тавани лете тече вода, а зиме навлегува снег, се шири реа од купишта влажни алишта добиени од Црвен крст и разни други хумани луѓе од Куманово.

„Семејството живее некаква имитација на живот со социјална помош од 3.500 денари. Но, нејсе. Господ или природата сториле што сториле со судбината на родителите на двете деца Николчо и Христина. Работата е да се спасат барем две невини душички“, вели хуманитарка од Куманово, роднина на семејството Спасовски, која се надева дека добра приказна во медиумите ќе направи чудо. Таа моли да се најде хуман поединец или организација која за семејството Спасовски ќе направи куќичка на истото или на некое друго место.

Двете дечиња се здрави во секој поглед, меѓутоа постои опасност да ги снајде истата судбина како нивните родители. Некој предлага децата да се сместат во интернат, во соседното село Драгоманце, каде што посетуваат настава. Николчо е за седмо, а Христина за шесто одделение.

„Но, не е хумано децата да се одвојат од родителите“, се спротивставува нивната тетка-хуманитарка. Нејзиното идеално решение е куќичка, макар со две сопчиња. Арно ама, нема кој да даде пари. Навистина, случајот на семејството Спасовски во нашата наводно социјална држава е речиси нормална појава, меѓутоа вреди да се стори нешто за две суштества како што се Николчо и Христина. Колку да ни биде чиста совеста дека не сме замижале пред судбината на две деца на кои мора да им се даде шанса за колку-толку нормален живот.