Кака ја имаше својата прва прес-конференција како играч на Реал Мадрид. Во нејзе објасни зошто го напушти Милан и потпиша за “кралевите“, како и за многу други работи.

Ова е неговото целосно интервју кое го даде за официјалната страна на Реал Мадрид.

-Какво е чувството да имаш пред себе 40 000 фанови на презентација?

Кака: “Се чуствувам гордо и поласкан, но во ист момент чуствувам и голема одговорност спрема нив. Сакам да освојам многу титули со овој клуб.“

-Кога се одлучи да го напуштиш Mилан?

Кака: “Па веќе објаснив за тоа во Бразил. Милан ми ги отвори вратите уште во јануари. Јас ја разбирам положбата во која дојде Милан, светската економска криза. После завршувањето на шампионатот преку мојот татко ми соопштија дека има некои понуди за мене и ми дозволуваат да преговарам. Тоа ми се случи вторпат за брзо време и размислив дека најдобро за мене и клубот ќе биде да заминам. Реал беше тимот за кој сакав да играм, а да не е Милан, па така таа желба ми се исполни.“


- Дали некогаш си очекувал нешто вакво, како денес на презентацијата?

Кака: “На нешто слично бев сведок при презентацијата на Роналдињо во Милан. Ова никогаш ми се нема случено мене и е момент кој ќе го памтам цел живот. Ова е неверојатен и незаборавен ден за мене.“

- Зошто го избра Реал Мадрид?

Кака: “Реал има се`. Фасцинантен е како клуб. Фудбалерите кои играле тука ми го кажаа тоа. Имав одлични препораки и тоа беше она што најмногу ми помогна при изборот.“

- Дали можноста да играш со Кристијано Роналдо имаше влијание околу твојата одлука?

Кака: “Флорентино Перез ми го објасни проектот и тоа и влијаеше на мојата одлука. Тој е победник. Го запрашав дали може да направи се` како што ни вети и тој ни докажа дека може. Голема привилегија е да играте за големи клубови. Јас бев многу среќен што играв со големи фудбалери. И ќе го продолжам тоа и тука, но не само со Кристијано Роналдо. Тука се и Раул, Касиљас, Гути, Холанѓаните... Навистина се чувствувам привилигиран.“


- Дали ваков пречек ти создава и дополнителен притисок?

Кака: “Да, ми става голема одговорност, но тоа не е негативна работа. Тоа е баш што ме мотивира. Јас дојдов овде како многу важен фудбалер и тоа ме мотивира да освојам важни титули.“

- Што ти кажа Алфредо ди Стефано?

Кака: “Ми кажа навистина доста интересни работи. Го спореди Бернабе со Маракана.“


- Може ли Реал да ја победи Барселона сезонава?

Кака: “Да, па тоа е и проектот на Флорентино Перез. Тие ги освоија трите титули минатата сезона, но наредната сезона Реал ќе игра битна улога и во Шпанија и Европа.“

-Дали веќе зборуваше со Пелегрини?

Кака: “Не, се уште немам, но се надевам наскоро.

- Дали присуството на Кристијано Роналдо ти го намалува притисокот?

Кака: “Јас не чуствувам толкав притисок. Напротив се чувствувам привилегирано. Кристијано Роналдо играше на високо ниво во последните три сезони со што допре до две финалиња во ЛШ. Раул исто има освоено многу титули со Реал и јас можам многу повеќе да освојам. Реал има исклучителни фудбалери.“

- Мислиш ли дека купувањето ѕвезди значи и титули?

Кака: “Моето искуство покажува дека талентот не е доволен. Сретнав многу талентирани фудбалери кои немаат освоено ништо. Од друга страна пак има не толку талентирани кои имаат освоено многу титули. Сосема поразлично е кога имате група од талентирани играчи кои се жртвуваат да освојат една заедничка цел.“

- Ќе има ли ривалство со Кристијано Роналдо?

Кака: “Не, нема да има такво нештo. Ние сме двајца фудбалери со натпреварувачки дух кои ќе играат заедно. И двајцата сме искусни играчи и двајцата сме почувствувале што значи да бидеш шампион.“


- Како ја гледаш твојата идинина во клубот?

Кака: “Многу работи се сменија откако пристигнав во Европа. Имам 6-годишен договор и сакам да видам како ќе се одвиваат работите. Дури сакам да останам и подолго.“

- Што му кажа на Анчелоти кога ти понуди да играш за Челзи?

Кака: “Бев искрен со него. Му се заблагодарив за времето кое го поминавме заедно и колку всушност тој ми помогна да созреам и му реков дека сакам да играм за Реал.“

- Дали Реал Мадрид имаше понуди за тебе и порано?

Кака: “Знам дека имаа испраќано понуди за мене, но јас тогаш не се замарав со тоа, ниту ни мојот клуб. Тие работи ги оставам на клубот да ги решава.“