Амди Бајрам ги нападна новинарите..

„На вас ќотек ви треба, не друго, вие мафија сте, сите за пари работите“, се обрати Бајрам на новинарите.

Со вакви зборови народниот пратеник Амди Бајрам им се закануваше и ги навредуваше собраниските известувачи.

Не предизвикан од никого, навреден зошто никој не му побарал изјава, Бајрам пред собраниското обезбедување, кое не знаеше како да реагира, викаше по новинарите.

„Срам вас да ви биде. Мафијаши! Треба ќотек за вас, вие сте ЦИА, вие соработувате против државата, не донесувате за државата, вие сте платеници надворешни, тоа да знаете. Да ви кажам - да можам би ве затворил во секое доба“.

Новинарите денеска беа навредувани, со закани од ќотек и затворање од пратеникот на Сојузот на Ромите, Амди Бајрам. Бајрам се налути затоа што новинарите не сакале да го интервјуираат за добрите дела кои тој ги правел за Ромите во земјава.

„ Треба ќотек за вас, вие сте ЦИА, вие соработувате против државата, не донесувате за државата, вие сте платеници надворешни, тоа да знаете. Да ви кажам - да можам би ве затворил во секое доба.Нарочито ве навредувам и провоцирам, да ме тужите“ рече  Амди Бајрам, пратеник на СРМ

Изјавите и заканите на пратеникот Амди Бајрам беа осудени од неговите колеги.

“Како човек, како граѓанин, како политичар и како пратеник тоа е страотно. Страотно е еден избраник на народот да се однесува така кон новинарите, кон луѓето кои вршат племенита работа, да ги информираат граѓаните. Нема што тука да се коментира “ изјави Џеват Адеми, пратеник на ДУИ.

„ВМРО-ДПМНЕ најостро го осудува јазикот на омраза, на навреди, на закани, посебно изречени од устата на пратеник во Собранието на РМ. Го повикуваме господинот Амди Бајрам да се извини“, рече Силвана Бонева, ВМРО-ДПМНЕ.

Од кабинетот на претседателот на Собранието, Трајко Вељановски, кој денеска одржа средба со дел од новинарите, излегоа со  соопштение дека се оградуваат од таквите постапки. За немилиот случај во Собранието реагираше и Здружението на новинарите на Македонија. Тие бараат пратеникот Амди Бајрам јавно да побара извинување од новинарите за таквите навреди и закани....!!!  

СТАВ
Бајрам со умот

Новинарите, за жал, вчера станаа ударна вест во вестите како цел на скандалозен и безобѕирен напад. Тоа и овој пат им го овозможи пратеникот Амди Бајрам. Тој вчера непредизвикан од никого, жестоко ги навредуваше и им се закануваше на новинарите, сред Собранието. Без око да му трепне, ги нарече мафијаши и антидржавни платеници и ги праќаше во затвор. На новиот скандал не реагира обезбедувањето, сметајќи го веројатно како дел од неговиот вообичаен сценски настап. Она што е смешно за Бајрам е срам за Собранието. Крајно време е новинарите да преземат судски мерки за да си ги заштитат професијата и достоинството и да не дозволат никому, а најмалку на Бајарм без аргументи и докази да ги етикетира како што ќе стигне. Инаку, што ќе биде следно?

и се заради тоа што новинарите  него не го прашувале за ништо

За вас само ќотек. Сите работите за пари - викаше тој. На новинарско прашање зошто навредува и дали се срами поради тоа, Бајрам одговори: Вам да ви е срам. Сите сте мафијаши. Работите против државата. Да можам, сите ќе ве затворам. Да сум на власт, да сум министер прв ќе истражам од кого земате пари. А, на пратениците не им стасува платата да си ги покријат трошоците во Собранието.На новинарско прашање дали е свесен дека се заканува, пратеникот одговори:

- Свесен сум и намерно ве навредувам и ве провоцирам за да ме тужите.Собраниското обезбедување не реагираше, но набљудуваше ситуацијата да не излезе од контрола. Пратеници од ВМРО-ДПМНЕ се обидуваа да го оттргнат Бајрам од новинарите. Од однесувањето на Бајрам се оградија пратениците Џевад Адеми од ДУИ и Владо Бучковски од СДСМ.

ДА СУМ НА ВЛАСТ!!!-човеков нема појма дека е на властмисли дека е опозиција