F1 Вести

Сите сегашни тимови остануваат во Ф1

Тимовите што годинава се тркаа во Формула 1 се најдоа на листата на екипи на кои ФИА им одобри натамошно натпреварување, вклучувајќи и три нови

Во соопштението на ФИА се вели дека McLaren, BMW Sauber, Renault, Toyota и Brawn испратиле условни пријави за кои се очекува до 19 јуни да бидат преименувани во безусловни. Планирани се дополнителни разговори околу спорните членови на Конкорд договорот и правилата.

Од соопштението може да се забележи дека Ferrari Кој најмногу се бунеше и се закануваше со заминување, заедно со двата тима на Red Bull, Williams и Force India испратиле безусловни пријави.
Од новопријавените тимови, ФИА се реши да им дозволи на два американски и еден шпански да се вклучат во првенството. Тоа се Team US F1, Manor Grand Prix и Campos Grand Prix.

Листа на тимови за 2010 година
SCUDERIA FERRARI MARLBORO
SCUDERIA TORO ROSSO
RED BULL RACING
AT&T WILLIAMS
FORCE INDIA F1 TEAM
CAMPOS GRAND PRIX
MANOR GRAND PRIX
TEAM US F1
VODAFONE McLAREN MERCEDES*
BMW SAUBER F1 TEAM*
RENAULT F1 TEAM*
PANASONIC TOYOTA RACING*
BRAWN GP FORMULA ONE TEAM*

* Овие тимови упатиме условни пријави и ФИА ги повикува да ги преименуваат во безусловни до 19 јуни, до кога се планирани дополнителни разговори со тимовите.

Шуми: Драстичните промени се нереални



Најуспешниот возач во историјата на Formula 1, Михаел Шумахер, застана зад тимовите во целата хајка околу тоа дали тие ќе учествуваат наредната сезона или не. Според него толку големи промени не смеат да се прават преку ноќ.

Иако Германецот изјави дека е за кратење на трошоците, тој појасни дека тоа е направено многу драстично и појасни дека не може да се очекува од гигантите да преземат толкав чекор за наредната сезона.

“Не можете да очекувате толку драстични промени да бидат прифатени од многу важни производители. Да, имате цел, сакате да ги намалите трошоците, но тоа мора да се направи постапно, не можете да го превртите светот за еден ден – тоа е невозможно!” – се обрати на FIA големиот шампион, преку официјалниот сајт на Ферари F1.

Шуми дополни и дека не би можело да замисли во првенството да го нема Ферари и сите други производители што учествуваат толку долго време.

ФИА и ФОТА се многу блиску до договор?



Формула 1 по се изгледа е блиску до договор со кој ќе се заврши "војната" помеѓу тимовите и Интернационалната Автомобилистичка Федерација (ФИА). Асоцијацијата на Ф1 тимови (ФОТА) и ФИА се во преговори за пристигнување до компромис околу несогласувањата околу правилата за од следната сезона и воведувањето на контроверзниот ограничен буџет. Според изворите на ББЦ, преговорите се во "деликатна" фаза, но двете страни се надеваат на договор.

ФОТА решија да одговорат на писмото од претседателот на ФИА, Макс Мозли, во кое тој бараше тие да поднесат безусловна апликација за следната сезона, по што тој гарантира дека со сите потврдени тимови за 2010 ќе разговара и ќе ги слушне нивните предлози за формирање на правилата за 2010.

"ФИА доби писмо со различни додатоци од ФОТА, чија содржина не е целосно негативна и во моментов ние ги разгледуваме сите документи", вели портпаролот на ФИА.

Ова не е првпат да се има решение на дофат, откако во Монако ФИА и ФОТА имаа серија состаноци по кои немаше решение. Состанок помеѓу возачите и шефовите на осумте членки на ФОТА имаше и на Турското ГП. Постојат стравувања дека осумте тима можеа да се повлечат од неделната трка поради проблемот, но тоа не се оствари.

Во ФОТА членуваа сите 10 формула 1 тимови, но Вилијамс и Форс Индија беа исклучени од асоцијацијата откако поднесоа безусловни апликации за учество до 2012. ФОТА инсистира дека тимовите ќе потпишат договор за до 2012, но само ако правилата од оваа година се пресликаат и за 2010.

Во меѓувреме има место за уште три нови тимови во формула 1 за следната година, а крајната листа ФИА ќе ја објави во петок. Постои шпекулација дека ФИА ќе објави листа на тимови со само пет членки: Вилијамс, Форс Индија и трите нови тимови. Со ова ќе се добие време осумте ФОТА тимови да дојдат до компромис со Мозли. Но, втора шпекулација вели дека на листата сигурно ќе бидат и Ферари, Ред Бул и Торо Росо, бидејќи имаат обврзувачки договор со ФИА до 2010.

Извор од ФИА тврди дека покрај писмото на ФОТА, било пратено и посебно писмо од Мозли до Ферари. Но, шефот на италијанскиот тим, Стефано Доменикали не смета дека тимот е обврзан да учествува следната година.

"Имавме договор со ФИА, но сметаме дека обврските во тој договор се прекршени, така што договорот не е валиден", изјави Доменикали.

Шефот на Ф1, Берни Еклстоун пак се закани дека формирање на ривалска серија е предавство.

"Покрај договорите со тимовите, ако некој побара раскинување на договорите, тоа ќе чини стотици милиони фунти", вели Еклстоун.

Повторно во улога на смирувач на ситуацијата се јавува и Мекларен, откако новиот шеф на тимот Мартин Витмарш изјави дека сака договор.

"За несреќа на тимовите, ФИА и носителот на комерцијалните права не секогаш се согласуваат со нас, но би било погрешно да се растури се што е градено во последните 60 години. Ова е спорт со силни личности во него. По некое време, некој смета дека не му требаат тимовите. Но, на крајот компромисот е можен", вели Британецот.

Нема KERS наредната година



Тимовите се договорија да го изостават системот KERS за наредната година и покрај големите напори на FIA да воведе што поеколошки погон во болидите.

Ваквиот потег на тимовите дојде по промената на правилникот, според кој драстично ќе бидат намалени трошоците за наредната година, а се случува токму во време кога тимовите најавуваат излегување од првенството. Инаку KERS системот беше воведен оваа година, но главно поради големата маса, не донесе очекувани резултати. Згора на тоа тој им прави дополнителни трошоци на тимовите.

Само еден тим од организацијата FOTA беше за KERS, но тие се сложија со другите тимови, најверојатно сакајќи да му покажат на Макс Мозли дека знаат да бидат сложни. Од друга страна ова не го менува правилникот на FIA, туку е само интерен договор меѓу тимовите дека нема да користат KERS, што не гарантира дека ново влезените тимови нема да го направат тоа.

Двократниот Ф1 шампион, Фернандо Алонсо повторно покажа како не се прават пријатели и како се шири негативна енергија, откако изјави дека има толку малку фанови во Истанбул за Турското ГП, што до крајот на викендот, најверојатно, ќе ги запознае сите. Продажбата за билетите за трката во Турција одеше тешко и се предвидува дека се продадени само 40.000 билети и покрај капацитетот од 120.000.

Повторно се појавија шпекулациите дека иднината на Нелсон Пике Јуниор во Рено е неизвесна, дури и пред стартот на Турското ГП, на кое Бразилецот беше само 16., шест места зад тимскиот колега Фернандо Алонсо. Се шпекулира дека Бразилецот има краен рок до Унгарското ГП следниот месец. "Критиките се околу мене цел живот, така што тоа не ме загрижува, ниту ме прави побавен или побрз", вели Пике

Лотус се враќа со Гаскојн и Херберт?



Тим Лотус е последното "воскреснато" име од блескавата историја на формула 1, кое бара влез во Ф1 шампионатот следната сезона. Лајтспид формула 3 тимот од Норфолк, Британија, во соопштение објави дека поднеле апликација за следната сезона под името Тим Лотус. Поранешниот возач на тимот, Џони Херберт се приклучува како "менаџер за возачи и глобален комерцијален амбасадор", додека поранешниот технички директор на Рено, Тојота и Форс Индија, Мајк Гаскојн исто така е вклучен во проектот.
Во исто време Бребем ГП би се вратиле преку германска компанија, Лола и Марч, се славни имиња од историјата. Продрајв исто така има апликација со името на Астон Мартин. ФИА вели дека има слободно место за 3 нови тима.
"Новите регулативи се горда иницијатива за израмнување во спортот за првпат. Со ова се оствари нашата амбиција со Лотус да направиме силен тим", се вели во соопштението.
Тим Лотус беше основан од Колин Чемпмен и дебитираше во 1958 година. Останува четврти најуспешен тим со 73 ГП победи, седум титули кај конструктори и шест кај возачи од 1963 до 1978. Чепмен почина во 1982 година, а името исчезна од Ф1 во 1994.