F1 Вести

Liderot vo generalen plasman, Jenson Button, ovaa nedela uzivase vo vrakjanjeto vo centarot na britanskiot
javen zivot. Vozacot na Brawn vo vtornikot navecer i ja dodeli na avstraliskata pop zvezda Kylie Minogue titulata
za "Zena na godinata" na dodeluvanjeto na nagradite na Glamour magazinot vo London.

Себастијан Фетел од екипата на Ред Бул ја освои пол позицијата во квалификациите за ГН Турција, возејќи еден круг за 1:28.316 (просечна брзина 217.591 км/ч). Според признанието на германскиот пилот, подобрените перформанси се должат на нови делови кои ги вградиле на болидот „во последна минута“. Бидејќи немале можност да поработат на штелувањето, не очекувале да бидат убедливи во квалификациите, но се покажа дека се функционира одлично. Возачите се двоумеа во изборот меѓу меките и тврдите гуми, што се покажа во случајот на Батон и Баричело од Браун Мерцедес (на второ и трето место), бидејќи временските услови беа како во петокот но имаше помалку ветер. Се очекуваше дека евентуално потоплото време ќе ги фаворизира потврдите гуми, но Фетел и Батон беа најбрзи на меките, додека за изненадување беше задолжен Баричело кој со тврдите гуми стигна до третото стратно место, само десетинка зад тимскиот колега, односно две десетинки за Фетел. Носителот на пол позицијата за својот избор рече дека не бил убеден во перформансите на потврдите гуми, бидејќи и двете опции биле премногу блиску. Во првата изјава Фетел дури и се збуни мислејќи дека ова му е прва пол позиција годинава, за потоа да признае дека онаа од трката Кина му била неочекувана, а за оваа работеле напорно.

Вториот возач на Ред Бул, Марк Вебер ја потврди формата на неговиот тимски колега со освојување на четвртата позиција, додека во третиот ред се Трули и Раиконен. Трикратниот победник Фелипе Маса ќе стартува од седмо место, пред Алонсо, додека првата десетка е надополнета со Розберг и Кубица во петтиот ред, при што разликата од првиот до десеттиот е само една секунда.

Фетел беше најбрз и во втората сесија кога болидите беа најлесни, возејќи повеќе од една секунда подобро време. Тогаш, меѓу првите десет не успеаја да влезат Хајдфелд, Накаџима, Глок, Ковалаинен и Зутил, при што дури 13 возачи беа во една секунда. Најслабо претставување во првата сесија од квалификациите имаа Хамилтон, Пике, Буеми, Физикела и Бурде, кои ќе стартуваат од 16 до 20 место.

БОЈКОТ ПО 12 ЈУНИ???



Светската автомобилистичка федерација се уште не реагирала откако пред десет дена екипите учеснички во Формула 1 поднесоа условена пријава за учество во шампионатот за 2010 година и натаму. Двата услова кои беа истакнати се потпишување на договор „Конкорд“ меѓу организаторите и учесниците, како и да нема измени во правилата во однос на 2009 година, со исклучок на предлозите кои ќе бидат доставени од нивна страна до ФИА. Најпроблематичен дел во предложените правила се лимитирањето на буџетите на 40 милиони фунти, како и техничката слобода за оние кои ќе го прифатат тој цензус, наспроти другите екипи кои би имале порестриктивна регулатива, но слобода во формирањето на буџетите.

Два нови детали излегоа на виделина во пресрет на трката за Големата награда на Турција, откако во петокот беше соопштено дека Форс Индија поднела самостојна апликација надвор од заедничката со ФОТА, поради комерцијалните обврски. Најпрвин, англискиот коментатор Мартин Брандл во својата колумна во еден британски весник објавил дека големите фабрики (Ферари, Мерцедес, БМВ, Тојота и Рено) се обврзале дека нема да ја растурат алијансата и во следните 30 дена нема да поднесат самостојни пријави до ФИА. Тоа секој од нив го гарантирал со сума од 50 милиони долари. Дополнително, утрото на денот од трката 16 возачи од осумте екипи кои останаа обединето во ФОТА (без Вилијамс и Форс Индија), имале состанок во моторхоумот на Тојота и донеле одлука да застанат во одбрана на позициите на своите екипи. Според одредени извори, дури било разговарано и за бојкот, што секако ќе зависи од реакцијата на ФИА. Подоцна на прес конференција, Марк Вебер, кој е еден од претседателите на возачката асоцијација, запрашан за ова мошне политички избегна да одговори конкретно.

- Ние целосно ја поддржуваме ФОТА во нејзините барања за подобро управување со спортот. Како возачи, наша определба е да возиме на најдобрите патеки во светот, за најдобрите тимови,- рече возачот на Ред Бул, со што меѓу редови се остава простор евентуалниот шпекулиран бојкот, кој би се случил како најлошо сценарио откако ФИА ќе открие кои имиња се на листата екипи за 2010 година.

Овој отворен конфликт речиси со сигурност ќе доведе и до импликации при есенските избори на ФИА, но Мозли не соопштува ни дали ќе се кандидира, очигледно чекајќи да види дали опозицијата ќе истакне противкандидат

Возачите зад ФОТА во спорот со ФИА



ГП возачите ја изразија својата поддршка за ставот на Асоцијацијата на Ф1 тимови (ФОТА) по разговорите во Истанбул пред неделната трка. Возачите и шефовите на осумте члена на ФОТА (од каде беа исклучени Вилијамс и Форс Индија) одржаа 25-минутен состанок во мотор-домот на Тојота пред можеби клучната политичка недела во формула 1. Ова дојде откако Асоцијацијата на ГП возачи (ГПДА) изрази загриженост за влијанието на ситуацијата на кариерата на членовите и фактот што возачите немаат многу влијание во донесувањето одлуки.
"Сите возачи имаат исто чувство - да ја следат ФОТА и да ја почитуваат работата на новите правила за сериозна иднина на Ф1. Тука разговаравме за правилата и за некои работи кои не ги прочитавме со весниците. За правилата, имаме иста визија со ФОТА", вели Јарно Трули од Тојота.
Трули додава дека возачите веруваат дека плановите за иднината не се добри изјавувајќи го ова пред петочниот краен рок кога ФИА ќе објави кои тимови ќе учествуваат во следниот шампионат.
"Мозли мора да сфати дека има некои работи кои не можат да се случат. Правилата за 2010 апсолутно не се добри бидејќи формула 1 мора да остане број 1 на светот, со силна технологија и со производители. Не можете само да донесете други тимови кои немаат идеја како треба да се натпреваруваш на така високо ниво", додава Трули.

Рос Браун целосно го поддржа ставот на Асоцијацијата на Ф1 тимови (ФОТА) во преговорите со ФИА, и додаде дека нема план да поднесе безусловна апликација како Форс Индија и Вилијамс. "Ја сфаќам позицијата на Френк Вилијамс бидејќи има договор со Берни и со ФИА, нешто што ние го немаме, но опстојувањето на Браун ГП тимот зависеше од поддршката на другите тимови од ФОТА, посебно Мекларен и Мерцедес. Затоа остануваме со нив. Има голем број предлози кои ги имаме за 2010 со кои ќе се заштедат пари", вели Браун.

За двајца млади Германци во Ф1 иднината изгледа блескаво. Еден од нив е Себастијан Фетел од Ред Бул, а втор сигурно Нико Розберг од Вилијамс, кој за првпат призна дека е можно наскоро да вози болид со ѕвездата на Мерцедес. "Мекларен се голем тим, а го познавам Луис долго време, така што би било добро да сум таму. Не сум загрижен од можен дуел со него. Сепак, Вилијамс остануваат опција за мене", смета Розберг.

Светскиот шампион Луис Хамилтон веќе се откажа од одбраната на титулата, а сега вели дека би требало Мекларен да се концентрираат на 2010. "Го загубивме патот со овој болид. Можеби веќе поодамна требаше да се откажеме. Мораме да разбереме каде е грешката за да имаме поголема шанса следната сезона", вели 24-годишниот Британец.