Турција и Грција???

Polaris напиша:

Турски генерал ќе командува среде Лариса




Грчката јавност е загрижена од најавите оти турски генерал ќе командува со воздухопловниот центар на НАТО во Лариса, пишува турски „Хуриет“. Според грчките весници, началниците на генералштабовите на грчката и турската армија и владите на двете земји на средба на 7 и 8 мај во Брисел ја прифатиле програмата за реструктурирање на Алијансата во регионот. Програмата предвидува затворање на воената база во Ескишехир, во Турција, натамошна одговорност на Турција и на Грција за базата на НАТО во Лариса и надгледување на воздушниот простор на Албанија, Бугарија и на Македонија. Според промените, со воздухопловен центар на НАТО наизменично ќе командуваат турски и грчки генерал, со мандат од по две години. Весниците во Атина тврдат оти со назначувањето турски командант во Лариса, турските авиони полесно ќе можат да навлегуваат во грчкиот воздушен простор. Тие посочуваат дека генералштабот на грчката армија нагласил оти промените сè уште се во развојна фаза. Според нив, фактот што грчки командант ќе му биде заменик на турски командант во Лариса и што грчки командант раководи со базата во Измир, сепак, се смета за успешен исход. „То вима“ пишува оти грчките министерства за одбрана и за надворешни работи постојано се обидувале да ја прикријат одлуката за назначување турски генерал во Лариса. Во статија насловена „Турски командант во Лариса“, „Та неа“ нагласува оти тајниот договор на Владата за назначувањето турски и грчки командант во Лариса наишол на остри критики кај опозицијата и на армијата во земјата. Грчките весници, повикувајќи се на извори во грчкото министерство за одбрана, велат оти промените ќе бидат спроведени за една или две години. Весникот „Елефтеротипија“ пишува оти грчката влада се обидувала да постигне договор за да го задржи воздушниот надзор над Албанија, Бугарија и Македонија, но дека на крајот морала да се согласи на заедничка контрола на Егејот со Турција, под закрила на НАТО. Весникот оценува оти турскиот командант ќе го преувеличи проблемот меѓу Грција и НАТО поради протерувањето на турските воени авиони од регионот од грчки летала. „Етнос“ пак пишува оти Атина морала да потклекне под долгогодишните притисоци на НАТО и оти тајно дозволила назначување на турски и грчки команданти во Лариса. Васо Папандреу од опозициската ПАСОК вели оти Владата направила чекор наназад со тоа што се согласила со планот на НАТО.

http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=401&ArticleID=25276

Внеси реплика	страница <1 9 1011
Tweet