Новиот Конкорд ќе разјасни многу нешта



Најавата дека сите екипи ќе потпишат нов договор „Конкорд“, со кој ќе бидат регулирани правата и обврските на учесниците во светското првенства на Формула 1, навестува и можни репозиционирања во делот на календарот. Со претходниот договор кој истече во 2006 година, тимовите беа согласни на 17 трки по сезона, но најавите на Еклстоун беа дека со новиот договор ќе се оди на бројка од 20 трки по сезона, иако тој лично преферира таа бројка да биде уште повисока.



Во 2009 година планирани се 17 трки, вклучувајќи ја и новата во Абу Даби, но наскоро кон циркусот треба да се приклучат Јужна Кореа и Индија. Покрај тоа, постојат желби за враќање во календарот на некои патеки кои биле домаќини на Формула 1 во минатото, како што е тоа случај со Имола која ја организираше трката за Големата награда на Сан Марино, а можно е да се разговара и за Австрија, каде што сопственик на Целтвег стана газдата на Ред Бул, Дитрих Матешиц. Следува кус преглед на вестите кои беа лиферувани низ медиумите, а се врзани за одредени географски локации како можно организатори на трки за Формула 1.



Откако се појавија шепекулации дека е можно враќањето на ГП Франција, се разбранува јавноста за можната патека на која би се одржала трката. Промотерите на патеката Мањи-к*р му предложиле враќање на оваа патека на премиерот на Франција, Франсоа Филон, кој пак претходно побара организирање на трката на привремена патека.

- Бараме патеки. Дали треба да се изгради нова? Веројатно да. Несомнено за тоа ќе треба време. Во меѓувреме, дали трката треба да се вози на посточека патека. За ова дискутираме... Не можеме да прифатиме дека нема да има Француско ГП до 2012. Франција го воведе автомобилското натпреварување, а првата Формула 1 Гран при се возеше во Франција - вели премиерот Филон.

Покрај Мањи-к*р, која е обновена, како кандидати за трка во Франција се и локациите Флин-Лес Муро и Вал де Франс. Сепак, најавено е дека поради политички проблеми, доведена е во прашање изградбата на патеките. Покрај тоа, патеката Пол Рикар е најавена како сериозен кандидат, иако на неа се вршат голем број на тестирања.



Промотерите на ГП САД се решени да се врати и оваа трка, која своевремено стандардно се појавуваше во Формула 1 календарот. На состанок кој бил свикан минатата недела, покрај другото, бил разгледан и проектот за враќање на фамозната Инди во најбрзиот октански спорт. Сепак, иако состанокот поминал добро, во медиумите се појавија шпекулации дека извршниот директор на патеката Индијанаполис, Тони Џорџ е блиску до разрешување од функцијата, со што во најмала рака се пролонгира враќањето на трката во САД.



Најавите говорат дека и трката во Канада повторно е пред вратите на Формула 1. Според францускиот Ла Прес, Берни Еклстоун поканил анонимен бизнисмен од Монтреал на состанок, со кој би бил разгледан договор за враќање и на Канадското ГП. Шпекулациите одат дотаму што го во Еклстоун гледаат нов промотер на трката во Канада, секако со подршка на локалните власти. Дополнително Еклстоун преговара со промотерите на трката во Аргентина, за можно враќање на Формула 1 во Буенос Аирес.

- Зборувам со луѓе во Аргентина. Само што започнавме да разговараме - изјави Британецот.

Тврдењата на Еклстоун ги потврдија и аргентинските власти.



Спротивно на кандидатите за влез во календарот, има и случаи каде опстанокот во Формула 1 е неизвесен. Најкритична е ситуацијата во Германија, каде беше предвидено наизменично да се менуваат Хокенхајмринг и Нирбургринг, со забелешка дека оваа година редот е на втората патека. Проблемот настана кога беше објавено дека Хокенхајмринг нема повеќе да биде домаќин на ГП трка, а дополнително беше најавено дека Нирбургринг нема да може да ја замени догодина. На седницата во Штутгарт, на која се разгледуваше овој проблем беше повикан и Берни Еклстоун.



- Ги земаме в предвид сите опции и резултатот останува комплетно отворен. До лето мораме да знаеме на што сме бидејќи трката во 2010 треба да биде испланирана - вели градоначалникот на Штутгарт, Дитер Гумер.

Сепак, по средбата пристигнаа оптимистички прогнози за враќање на Хокенхајмринг догодина, но сепак и во Германија допрва треба да се донесе конечна одлука.



И трката во Унгарија, која има договор до 2012 година, е доведена во прашање по истекот на истиот. Продолжувањето на договорот е неизвесно, а кога би бил продолжен, Хунгароринг би ја гледале до 2016 година. Глобалната рецесија е повторно мотивот кој ги натера промотерите да размислат добро пред да се потпише новиот договор, со кој ќе се обврзат на дополнителни четири години верност.



Сомнежи се појавија и за историската трка во Монако, по изјавата на промотерот Мишел Боери дека ако брендот Ферари исчезне од Формула 1 и кнежевството ќе престане со организација на Ф1 трки. При тоа, активниот договор со Формула 1 менаџментот истече оваа година и тоа директно ги засили стравовите дека ја гледавме последната трка низ улиците на Монте Карло. Сепак, Берни Еклстоун не ги зема здраво за готово заканите и смета дека Монте Карло е дел од календарот за секоја сезона.

- Монако е дел од Ф1 календарот и секогаш ќе биде ако мене ме прашате - вели Британецот.



Најави пристигнаа и од Јапонија, според кои сопствениците на патеката Фуџи, тимот на Тојота се решиле на продавање на патеката, а со тоа и откажување од нејзина сопственост. Според весникот Асахи, Јапонците го повлекле овој чекор поради намалување на трошоците, кои се огромни кога е во прашање поседувањето на патеката. Фуџи, која е лоцирана под падежите на истоимената планина, беше домаќин на ГН Јапонија во 2007 и 2008 година. Според принципот на наизменичност, домаќин оваа година ќе биде патеката Сузука, за догодина повторно да се врати Фуџи како патека на која се одржува трката во Јапонија.



На крајот, Абу Даби има тенденција за втора ноќна трка, откако патеката Јас Марина ќе биде осветлена со рефлектори. За време на трката во Монако беше објавен податокот од страна на промотерот Филип Гурдијан, при што трката во Обединетите Арапски Емирати ќе се вози во термин кој одговара на европската публика. Иако пред извесен период проструија информации дека има проблеми со довршувањето на патеката, истите беа експресно негирани. Ова е добар начин да се покаже дека се е потготвено за одлично деби Абу Даби на во Формула 1, зачинето со фактот што, како и Сингапур, ќе дебитира како ноќна трка. Со тоа продолжува тенденцијата на Еклстоун да се оди кон ноќни трки на тлото на Азија, што е случај и со Малезиското ГП, кое има најави дека од година може да премине во ноќна трка.

Тојота се откажува од Фуџи, но и од Ф1?



Сопствениците Тојота решија повеќе да не го помагаат оддржувањето на Јапонското ГП на Фуџи Спидвеј патеката, објави Асахи весникот во петокот. Патеката, поставена во подножјето на историската планина Фуџи на запад од Токио, беше домаќин на Јапонското ГП во 2007 и 2008, и требаше да се врати на календарот во 2010, бидејќи имаа договор за менување на една година со патеката Сузука, која е во сопственост на Хонда.
Според Асахи Шимбун одлуката на Тојота е донесена поради потребата да се намалат трошоците, а доаѓа откако се се погласни шпекулациите дека јапонскиот производител е подготвен наскоро да замине од Ф1. Од Тојота ги отфрлаат овие шпекулации.
"На Фуџи Спидвеј ние правиме подготовки за формула 1 трката следната сезона. Нема вистина во извештаите дека се повлекуваме", вели портпаролот на компанијата.

ФОТА ТИМОВИТЕ СЕ ПРИЈАВИЈА ЗА СЕЗОНАТА 2010



Сите овогодишни Формула 1 тимови поднесле пријави до ФИА за Ф1 2010 првенството. Меѓутоа од ФОТА изјавија дека нивните пријави се условни, т.е. потпишување нов Конкорд договор кој ќе биде потпишан од сите страни, и тоа пред 12 Јуни.

"Обновувањето на Конкорд договорот ќе овозможи сигурност за иднината на Ф1, со права и обврски пропишани за сите страни од договорот", се вели во изјавата на ФОТА.

Во оваа изјава исто така се вели дека правилата за следната сезона да се темелат на овогодинешните правила и да бидат идентични за сите, и дополнети во склад со предлозите што ФОТА ги има доставено до ФИА."

"Сите тимови од ФОТА сега со оптимизам гледаат за иднината да проактивно и продуктивно соработуваат со ФИА, се со цел воспоставување солидни темели на кои ќе се изгради успешна иднина за Формула."

ФОТА СО ПЛАН ЗА НОВИТЕ Ф1 ТИМОВИ



Во ФОТА договориле да се предложи систем на техничко партнерство за да им се помогне на новите тимови за влез во Ф1 2010. Оваа одлука е донесена на вчерашниот состаноок во Лондон. Како што се ближи крајниот рок за пријавување за следната сезона, тимовите се се поблиску до постигнување договор со ФИА за идните правила во Ф1. Од ФОТА се надеваатдека тој компромис би им овозможил на потенцијално новите тимови помош со што нивните трошоци во првата сезона не би надминале многу повеќе од сегашната цифра за ограничениот буџет.

ФОТА форсираат "линија на помал отпор" пристап на донесување на ограничениот буџет, со смалување на трошоците во два чекори, т.е. ово 2010 трошоците би биле ограничени до € 100 милиони, и да паднат до € 45 за следната сезона. Со системот на техничко партнерство новите тимови би добиле помош во смисла на делови(кои немаат влијание на брзината), како и некои know-how дизајни.

Иако конечен договор уште не е постигнат, се верува дека ФОТА и ФИА се блиску до резолуција до утрешниот рок

АЛОНСО "УМОРЕН" ОД СРЕДИНАТА
На Алонсо му е "доста"

Според шпанскиот печат, Фернандо Алонсо станува се поуморен од животот во средината на формула 1. Со секој следен ден се зголемуваат знаците дека Шпанецот дефинитивно ќе си замине од Рено на крајот на сезоната, најверојатно во тимот од неговите соништа Ферари.

Во серија интервјуа во Шпанија, 27-годишниот двократен светски шампион зборуваше блескаво за Скудерија, а во неделата изјави дека "возбуден" што во анкета на еден италијански весник се покажа дека италијанските фанови го сакаат зад воланот на Ферари.

Од друга страна тој станува се понезадоволен од неговиот сегашен Р29 болид на Рено, дури иако шефот Флавио Бриаторе му вети подобар болид за Турција и победнички болид пред крајот на сезоната. Бриаторе за слабиот резултат во Монако изјави дека беше виновна мешаницата и додаде дека "Фернандо ќе можеше да се бори со Ферари и Ред Бул, но не и Браун". За Ел Мундо, Алонсо веднаш одговори.

"Нема да поминам цело време на прес-конференцијата одговорајќи на тоа што го кажал или не го кажал Флавио. Ќе воведеме нови делови за Турција, но мислам дека ќе остане исто. Тоа се случи и во Барселона - сите ветуваа многу, а ситуацијата беше непроменета", вели Алонсо.

За Диарио Ас, тој продолжи: "Се уште сум многу мотивиран, но мака ми е што заостанувам се почесто".

НИКОЈ НЕ МОЖЕ ДА ГО СОПРЕ ТИМОТ НА БРАУН ГП
Батон со победата во Монако на чекор до титулата

Џенсон Батон ги отфрла тврдењата дека светската титула е веќе негова откако победи на Монако ГП трката во неделата за петта победа во шест трки во 2009. 29-годишниот Англичанец го зголеми водството на 16 поени пред својот тимски колега од Браун ГП тимот, Рубенс Баричело, кој беше втор.

"Поставувате негативна енергија со тоа што велите дека не можам да загубам. Имам предност пред останатите, но се уште ништо не е завршено, и титулата не е моја да ја загубам. Не сакам да размислувам така", вели Батон.

Британецот е само 7 возач во историјата кој победил на пет од првите шест трки во историјата на Ф1, по великаните како Алберто Аскари, Хуан Мануел Фанџо, Џим Кларк, Аиртон Сена, Најџел Менсел и Михаел Шумахер. Сите тие возачи ја имаат освоено титулата во сезоната во која стартувале така.

"Давам се од себе и во моментов тоа е доволно, но не знам што ќе се случи во следните неколку трки. Докажавме дека имаме силен болид и дека изгледаме моќно во блиска иднина. По победа на 5 трки се надевав дека ќе имам поголема предност, но повозбудливо е што првото и второто место ги делат само два поени. Но, ова е конк*рентна сезона. Ред Бул се тука, Мекларен, Ферари и Тојота се тука, и сите се борат за поени", вели Батон.

Актуелниот светски шампион Луис Хамилтон од Мекларен смета дека Батон е во одлична позиција да ја освои титулата.

"Џенсон завршува фантастична работа и секако дека е во најдобра позиција за титулата. Ако би се обложувал тогаш парите би оделе на него", вели Хамилтон.

Неверојатната позиција на Батон е уште позачудувачка кога ќе се знае дека во поголемиот дел од зимата неговиот тим се бореше за опстојување. Браун излезе од "рушевините" на тимот на Хонда, кога јапонскиот производител се повлече поради економската криза, а самиот Батон доби помала плата за тимот да опстане. Браун се уште немаат главен спонзор (освен договорот со Вирџин кој носи околу 250.000 фунти по трка), така што се уште постојат сомнежи за нивниот опстанок.

Генералниот директор на Браун, Ник Фрај пак вели дека Батон е блиску до нов договор со тимот.

"Џенсон е со нас долго време, во кое имавме неуспеси и успеси. Мојата цел и целта на тимот е да го задржиме до крајот на неговата кариера. Ништо не се сменило. Со спонзори можеби ќе можеме да си го приуштиме", вели Фрај.

РЕЗУЛТАТИ (МОНАКО ГП)

1.Џенсон Батон (Браун) 1:40:44.282 10

2.Рубенс Баричело (Браун) +7.666 8

3.Кими Раиконен (Ферари) +13.442 6

4.Фелипе Маса (Ферари) +15.110 5

5.Марк Вебер (Ред Бул) +15.730 4

6.Нико Розберг (Вилијамс) +33.586 3

7.Фернандо Алонсо (Рено) +37.839 2

8.Себастиен Бурде (Торо Росо) +1:03.142 1

9.Џанкарло Физикела (Форс Индија) +1:05.040

10.Тимо Глок (Тојота) +1 круг

11.Ник Хајдфелд (БМВ) +1 круг

12.Луис Хамилтон (Мекларен) +1 круг

13.Јарно Трули (Тојота) +1 круг

14.Адријан Зутил (Форс Индија) +1 круг

НЕ ЗАВРШИЈА

15.Казуки Накаџима (Вилијамс) +2 кругови

16.Хеики Ковалаинен (Мекларен) +26 кругови

17.Роберт Кубица (БМВ) +48 кругови

18.Себастијан Фетел (Ред Бул) +62 кругови

19.Нелсон Пике Јуниор (Рено) +66 кругови

20.Себастиен Буеми (Торо Росо) +68 кругови

ГЕНЕРАЛЕН ПЛАСМАН

ВОЗАЧИ

1.Џенсон Батон (Браун) 51

2.Рубенс Баричело (Браун) 35

3.Себастијан Фетел (Ред Бул) 23

4.Марк Вебер (Ред Бул) 19.5

5.Јарно Трули (Тојота) 14.5

6.Тимо Глок (Тојота) 12

7.Фернандо Алонсо (Рено) 11

8.Кими Раиконен (Ферари) 9

8.Луис Хамилтон (Мекларен) 9

10.Фелипе Маса (Ферари) 8

11.Нико Розберг (Вилијамс) 7.5

12.Ник Хајдфелд (БМВ) 6

13.Хеики Ковалаинен (Мекларен) 4

14.Себастиен Буеми (Торо Росо) 3

15.Себастиен Бурде (Торо Росо) 2

КОНСТРУКТОРИ

1.Браун ГП Мерцедес 86

2.Ред Бул Рејсинг Рено 42.5

3.Тојота Панасоник 26.5

4.Скудерија Ферари 17

5.Мекларен Мерцедес 13

6.Рено Ф1 11

7.Вилијамс Ф1 Тојота 7.5

8.БМВ Заубер 6

9.Скудерија Торо Росо Ферари 5

-.Форс Индија Мерцедес 0

ОД ВИЛИЈАМС ПРВИ ПОТКЛЕКНАА



Вилијамс е првиот од сегашните Ф1 тимови со пријава за наредната Ф1 сезона, и покрај моменталната неизвесност околу правилата за идната година. Само 24 часа откако ФОТА тврдеше дека сите нејзини членови се обединети во своите напори како би добиле промена на правилата, Вилијамс одлучи да поднесе пријава за следната године.

CEO на Вилијамс, Adam Parr за Ројтерс изјавил дека оваа одлука на неговит тим не значи дека е нарушено единството на ФОТА.

"Единството на ФОТА е од најголема важност за Вилијамс. Знаете дека се придруживме кон другите членови на ФОТА во писменото обраќање кон ФИА, со барање да продолжат напорите да се пронајде компромис за правилата за 2010. "

Тимови писмено му се обратија на претседателот на ФИА Макс Мозли велејќи дека ќе се натпреваруваат до 2012, и ќе потпишат нов Конкорд договор, доколку ФИА ги измени правилата за идната година.

"Вилијамс има обврзувачки договор со FOM (Ecclestone's Formula One Management) и со ФИА да учествува во светските првенства 2008-2010. Ние бевме исплатени во целост за нашето учество во Ф1 и чуствуваме дека морално и правно сме обврзани да учествуваме во Формула 1 и во иднина како што го правевме тоа во последниве 30 години.

"Ние тоа им го должиме на нашите вработени, нашите спонзори и секако фанови, сите кои се погодени од изјавите дека тимовите можеби нема да се пријават за следната сезона на Ф1. Продолжуваме да работиме во ФОТА и со ФИА и ФОМ да најдеме заеднички прифатлив компромис, но никој не треба се сомнева во нашата лојалност кон Ф1 ФИА светското првенство. "

Останатите членови на ФОТА се очекува да се состанат во текот на неделава да одлучат што ќе прават со пријавите за следната сезона. Како што сите знаеме крајниот рок е овој петок.